ಸೃಷ್ಟಿಕರ್ತ ಬ್ರಹ್ಮನೇ ಹಚ್ಚಿರುವ ಬಣ್ಣ,
ಇಲ್ಲ ಪೋಷಕರ ತದೃಪಿಯೇ ಈ ಬಣ್ಣ.., ಕಣ್ ಬಿಟ್ಟ ಕ್ಷಣಕ್ಕೆ ಕಾಣುವ ಸ್ವಾರ್ಥ ಬಣ್ಣ,
ಕಣ್ ಮುಚ್ಚಿದಾಗ ಕಾಣುವ ನಿಸ್ವಾರ್ಥ ಬಣ್ಣ..,
ತಿಳಿಯದೇ ಹೋಗಿದೆ ಯಾವುದು ಅಸಲಿ ಬಣ್ಣ??
ಬೆಳೆಯುತ್ತಾ ತಂದೆ-ತಾಯಿ ತುಂಬುವ ಪ್ರೀತಿಗೊಂದು ಬಣ್ಣ..,
ಗೆಳೆಯರೊಂದಿಗೆ ಬೆರೆತಾಗ ಮೂಡುವ ಬಾವನಗೆ ಇನ್ನೊಂದು ಬಣ್ಣ..,
ತಿಳಿಯದೇ ಹೋಗಿದೆ ಯಾವುದು ಅಸಲಿ ಬಣ್ಣ??
ಸಮಾಜಕ್ಕೆ ನಿನ್ನ ಪ್ರತಿಯೊಂದು ಪ್ರಗತಿಯಲ್ಲಿ ಎಲ್ಲರಿಗೂ ಕಾಣುವ ಬಣ್ಣ,
ಸಮಾಜದ ಕಟ್ಟಪಾಡುಗಳಿಗೆ
ನಿನ್ನೊಳಗೆ ಅವಿತಿದೆ ಮತ್ತೊಂದು ಬಣ್ಣ..,
ತಿಳಿಯದೇ ಹೋಗಿದೆ ಯಾವುದು ಅಸಲಿ ಬಣ್ಣ??
ಮುಗ್ದ ಮಗುವಿನ ಮನಸಿನಲ್ಲಿ ಪ್ರೀತಿ ಪ್ರೇಮ,ಸಹನೆ,ತಾಳ್ಮೆ ಎಂಬ ಕನಸಿನ ಕಲ್ಪನೆಯಲ್ಲಿ ಕಳೆವ ಜೀವನದಲ್ಲಿದೆ ಒಂದು ಬಣ್ಣ..,
ಸುತ್ತ ಮುತ್ತಲಿನ ಪರಿಸರದಲ್ಲಿ ಕಾಮ ಕ್ರೋಧ, ಮದ,ಮತ್ಸರ ಎಂಬ ಉಸಿರು ಕಟ್ಟಿಸುವ ಗಾಳಿಯಲ್ಲಿ ಜೀವನದಲ್ಲಿದೆ ಇನ್ನೊಂದು ಬಣ್ಣ..,
ತಿಳಿಯದೇ ಹೋಗಿದೆ ಯಾವುದು ಅಸಲಿ ಬಣ್ಣ??
ಮೂರೇ ಮೂರು ದಿನಗಳ ಜೀವನ,
ಅರಿತು-ಬೆರೆತು ಕೂಡಿ ಬಾಳೋಣ..,
ಹುಟ್ಟುವಾಗ ಒಂದು ಬಣ್ಣ,
ಸಾಯುವಾಗ ಇನ್ನೊಂದು ಬಣ್ಣ..,
ಹುಟ್ಟು- ಸಾವುಗಳ ನಡುವೆ ಎಲ್ಲರಿಗೂ ಕಾಡುವ ಪ್ರಶ್ನೆ ಯಾವುದು ನಿಜವಾದ ಬಣ್ಣ???
- ದರ್ಶನ್ ಶಶಿಧರ
ನಾನೂ ಅಮೆರಿಕಾ ಕುರಿತೇ ಹಾಡುತ್ತೇನೆ
ಈ ನೆಲದ ಕಪ್ಪು ಸೋದರ ನಾನು
ಜತೆಗಾರರೆಲ್ಲ ನನ್ನನ್ನು
ಅಡಿಗೆ ಮನೆಯೊಳಗೇ ಊಟಮಾಡಲು ತಳ್ಳುತ್ತಾರೆ
ನಾನು ನಗುತ್ತಲೇ
ಚೆನ್ನಾಗಿ ಉಂಡು
ಬಲಿಷ್ಠವಾಗಿ ಬೆಳೆವೆ
ನಾಳೆ
ಜತೆಗಾರರು ಬಂದಾಗ
ಊಟಕ್ಕೆ ಟೇಬಲ್ಲನ್ನೇ ಬಳಸುವೆ
ಆಗ
ಯಾರೂ ನನಗೆ
ಅಡಿಗೆ ಮನೆಯಲ್ಲಿ ಊಟಮಾಡೆಂದು
ಹೇಳುವ ಧೈರ್ಯ ತೋರಲಾರರು
ಅಲ್ಲದೆ
ನಾನೆಷ್ಟು ಸುಂದರ ಎಂಬುದು ಅವರಿಗೆ ತಿಳಿಯುತ್ತದೆ
ಅವಮಾನದಿಂದ ಅವರು ತಲೆ ತಗ್ಗಿಸಿಬಹುದು
ನಾನೂ ಸಹ ಅಮೆರಿಕನ್
ಇಂಗ್ಲೀಷ್ ಮೂಲ - ಲಾಂಗ್ಸ್ಟನ್ ಹ್ಯೂಸ್.
ಅನುವಾದ - ನಚಿಕೇತ ವಕ್ಕುಂದ.
ತಂಪಾಗಿ ತೀಡೋ ತಂಗಾಳಿ ನೀನು
ಶರಧಿಯಲಿ ಭೋರ್ಗರೆಯುವವ ಅಲೆಗಳ ದನಿ ನೀನು
ಇಬ್ಬನಿಯಲಿ ಮಿಂದ ಸುಮ ನೀನು
ರಂಗುರಂಗಿನ ಕಾಮನಬಿಲ್ಲಿನ ಬಣ್ಣವು ನೀನು
ತೊರೆಯಲಿ ಹರಿವ ನೀರ ಜುಳುಜುಳು ನಿನಾದ ನೀನು
ಪಕ್ಷಿಗಳ ಇಂಪಾದ ಕಲರವಕೆ ಕಂಠವು ನೀನು
ಎಲ್ಲದರಲ್ಲೂ ತುಂಬಿರುವ ನೀ ನನ್ನೊಳಗೆ ಇರುವೆ ಎಂದೆಂದೂ