ಜೊತೆಗೆ ಹುಟ್ಟದಿದ್ದರೇನು
ಜೊತೆಗೆ ನಡೆದಿಲ್ಲವೇನು
ರಕ್ತ ಹಂಚಿಕೊಳ್ಳದಿದ್ದರೇನು
ರಕ್ತ ಸಂಬಂಧದಂತೆ ಹೊಂದಿಕೊಂಡಿಲ್ಲವೇನು
ನೀ ದೂರವಿದ್ದರೇನು
ನಿನ್ನ ಸ್ನೇಹ ದೂರಾದುದೇನು
ಅಂದು ಕಳೆದ ಸಮಯ
ಇಂದಿಗೂ ಸ್ಮರಣೀಯ
ನಿನ್ನೊಡನೆ ಇದ್ದ ಸಮಯ ಕಳೆದಿದೆ
ನಿನ್ನೊಡನೆ ಕಳೆದ ನೆನಪು ಅಳಿಯದು
ನೀ ಶಾಶ್ವತ
ನಿನ್ನ ಸ್ನೇಹ ಚಿರಪರಿಚಿತ.........
--ಕಲಾಕುಸುಮ
ಓದು ಬರಹ ಕಲಿತು
ಮನುವಾದಿಗಳ
ಗುಲಾಮನಾಗಬೇಡ
ಸ್ವಾಭಿಮಾನದ
ಕೂಡಿಯಾಗು
ಮೂಢನಂಬಿಕೆಯ
ಕಪಟ ಸೂತ್ರ
ತಿಳಿದು ತಿಳಿದು
ಕಂಡು ಕಂಡು
ಬೀಳಬೇಡ
ಹಗಲು ಕಂಡ ಬಾವಿಗೆ
ಶಾಶ್ವತವಲ್ಲದ ಕ್ಷಣಿಕವಾದ
ಮನುವಾದಿಗಳ
ಆಸೆ ಆಮಿಷಗಳಿಗೆ
ಜೋತು ಬಿದ್ದು
ಬಿಕ್ಷಕನಾಗಬೇಡ
ಜೊಲ್ಲು ಸುರಿಸಿ
ಸತ್ತು ಸಮಾಧಿಯಾಗಬೇಡ
ಸಂವಿಧಾನವಾ ಅರಿತು
ದಿಟ್ಟ ಹೆಜ್ಜೆ ಇಟ್ಟು
ನಡೆ ನಡೆ ನಿನ್ನ
ಬದುಕು ಬಾಳಿನ ಕಡೆ
ಗುರಿ ಸಾಧನೆಯ
ಉತ್ತುಂಗದ ಕಡೆ ಕಡೆ
*******ರಾಜು ಹಾಸನ*******
ಸದಾ ಚಟ-ಪಟ ಮಾತಂತೆ ನನ್ನದು,
ಹೌದು ನಾ ಸದಾ ಮಾತನಾಡುತ್ತಿರುವೆ...
ಬೇಡದ ಮೌನಗಳು ನನ್ನೊಳಗೆ ಬೇರೂರಿರಲು
ಮಾತನಾಡುವಂತೆ ನಟಿಸಿ ಮೌನಕ್ಕೆ
ನೀರ ಹಾಯಿಸದ ಮಾತು ನನ್ನದು!
ಸದಾ ಜಾಗರೂಕ ಹೆಣ್ಮನವಂತೆ ನನ್ನದು,
ಹೌದು ನಾ ಸದಾ ಜಾಗರೂಕತೆಯಿಂದಿರುವೆ..
ಒಂದಷ್ಟು ಅಜಾಗರೂಕತೆಗಳಿಂದ ತಿಂದ ಹೊಡೆತವ
ಮತ್ತೆ ಮರಳಿ ತಿನ್ನುವ ಶಕ್ತಿ ಇಲ್ಲದ
ಅಸಹಾಯಕ ಜಾಗರೂಕತೆ ನನ್ನದು!
ಖಡ್ಗ ಗುರಾಣಿ ಹಿಡಿದು
ಮನುವಾದಿಗಳು
ಯಾತ್ರೆ ದಂಡಯಾತ್ರೆ
ತಂತ್ರ ಕುತಂತ್ರ ಮಾಡಿ
ಕಿತ್ತುಕೊಂಡರು
ಜನಗಳ ಜೀವಾ ಮಾನ
ಉರುಳಿಸಿದರು
ಜನಗಳ ಹೆಣ
ಬದುಕಿನ ಕಣ
ಜಗಜ್ಯೋತಿ ಜ್ಞಾನಜ್ಯೋತಿ
ಬಾಬಾ ಸಾಹೇಬರು
ಲೇಖನಿ ಹಿಡಿದು
ಸಂವಿಧಾನ ಗ್ರಂಥ
ಬರೆದು ಕೊಟ್ಟರು
ಕುಡಿಯಲು ನೀರು
ಜೀವಿಸಲು ಉಸಿರು
ಹೇಳಿ ತಿಳಿಸಿ ಕೊಟ್ಟರು
ಬದುಕವಾ ರೀತಿ ನಿಯಮ
ನ್ಯಾಯ ನೀತಿ ಸ್ವಾಭಿಮಾನ
ಓದು ಬರಹ ಕಲಿತು
ಸ್ವಾತಂತ್ರವಾಗಿ ಬದುಕಿ
ಬಾಳಲು ಬಿಟ್ಟರು
ಸಮಾನತೆಯ ಹಕ್ಕು ಕೊಟ್ಟು
ಭೀಮ ರಾವ್ ಭೀಮ ರಾವ್
ಓ ಹೆಣ್ಣೆ ಓ ಹೆಣ್ಣೆ
ದೇವರು ದೇವರೆಂದು
ಕಲ್ಲ ಕಂಬವ ಸುತ್ತಿ
ಪೂಜಿಸಿ ಆರಾಧಿಸುವೇಕೆ
ನಿನಗೆ ಓದು ಬರಹದ
ಹಕ್ಕು ಕೊಟ್ಟ ದೇವರು
ಬಾಬಾ ಸಾಹೇಬರ
ಅರಿಯದೆ ಅಜ್ಞಾನದ
ಗುಂಡಿಗೆ ಬೀಳುವೇ ಏಕೆ
ಓ ಹೆಣ್ಣೆ ಓ ಹೆಣ್ಣೆ ಓ ನನ್ನ ಹೆಣ್ಣೆ
ದೇವರು ದೇವರು
ದೇವರೇನ್ನುವಾ ನಿನ್ನ
ದೇವರು ಬಂದು ಕೊಡಲಿಲ್ಲ
ನಿನಗೆ ಸ್ವಾತಂತ್ರ ಸಮಾನತೆ
ಆಚಾರ ವಿಚಾರದ ಹಗ್ಗ ಕಟ್ಟಿ
ಮೂಢನಂಬಿಕೆಯ ಮೂಗುದಾರ
ಬಿಗಿದು ಉಸಿರುಗಟ್ಟಿಸಿ
ಕೈ ಕಾಲು ಮೈ ಮೂಳೆ ಮುರಿದು
ನಾಲ್ಕು ಗೋಡೆಗಳ
ಮಧ್ಯೆ ಕುರಿಸಿ ಬಂಧಿಸಿದ ದೇವರ
ಹಾಡಿ ಹೊಗಳುವೇ ಏಕೆ
ಓ ನನ್ನ ನಾರಿಮಣಿಯೇ
ಗಂಡು ಹೆಣ್ಣಿನ
ಬೇಧ ಭಾವ ಬೀಜ ಬಿತ್ತಿ
ಶೋಷಿಸಿದಾ ದೇವರ
ಪೋಷಿಸಿ ಕೊಂಡಾಡುವೇ ಏಕೆ
ಓ ನನ್ನ ಮರುಳೆ
ಗಂಡು ಹೆಣ್ಣು ಲಿಂಗ
ಬೇರೆಯಾದರು
ಕನಸು ಮನಸು ಜೀವಾ
ಒಂದೇ ಒಂದೇ ಎಂದು
ಸಮಾನತೆ ಬೆಳಕು ಚೆಲ್ಲಿ
ಸ್ವಾತಂತ್ರ ತಂದುಕೊಟ್ಟ
ಬಾಬಾಸಾಹೇಬರ ಮರೆಯಬೇಡ
ಮರೆತು ಬಾಳಬೇಡ
ಆರಾಧಿಸಿ ಪೂಜಿಸು ಓ ನನ್ನ ಹೆಣ್ಣೆ
ಬಾಬಾ ಸಾಹೇಬರ
ಜ್ಞಾನದ ಕಿಡಿ ಹೊತ್ತಿಸಿ
ಸಂವಿಧಾನವ ಅರಿತು
ನೀ ಓದು ಬರಹ ಕಲಿತು
ಅಧಿಕಾರದ ಚುಕ್ಕಾಣಿ ಹಿಡಿದು
ಮುಗಿಲೆತ್ತರಕ್ಕೆ ಬೆಳೆದು ನಿಂತರೆ
ಮನುವಾದಿಗಳ ಕುತಂತ್ರ
ಅಲ್ಲೋಲ ಕಲ್ಲೋಲ
ದುಷ್ಟ ರಾಕ್ಷಸರ ಹುನ್ನಾರ
ಅತಂತ್ರ ಅತಂತ್ರ ಅತಂತ್ರ
ತಿಳಿದು ಬಾಳಿ ಬದುಕಿ
ಪೂಜಿಸಿ ಆರಾಧಿಸು ಓ ಹೆಣ್ಣೆ
*********ರಾಜು ಹಾಸನ*********