ನಾನು ನಂಬಿದ
ಜನರು ಬಾರದಿದ್ದರೂ
ನಾನು ಪೂಜಿಸುವ
ದೇವರು ಒಲಿಯದಿದ್ದರು
ನನ್ನ ಸುತ್ತ ಮುತ್ತ
ಇರುವ ಬಂಧು ಬಳಗ
ಸಂಬಂಧ ಬಳ್ಳಿಗಳು
ಬಂದು ಆಗದಿದ್ದರೂ
ಚಿಂತೆಯಿಲ್ಲ ನನಗೆ
ನಾ ಸೋತು ಗೆದ್ದರು
ನಾ ಸತ್ತು ಕೆಟ್ಟರು
ಸತ್ತು ಸಮಾಧಿಯಾದರು
ನನ್ನ ಕೋನೆ ತನಕ
ಎಡೆಬಿಡದೆ ಕೈ ಬಿಡದೆ
ನನ್ನೊಂದಿಗೆ
ಬದುಕಿ ಬಾಳುವ
ನನ್ನ ತಂದೆ
ತಾಯಿಗಳಿದ್ದರೆ ಸಾಕೆನಗೆ
ಯಾವ ಪ್ರಪಂಚ
ಸಿರಿ ಸಂಪತ್ತು ಬೇಡೆನಗೆ
ನನ್ನ ತಂದೆ ತಾಯಿಗಳೆ
ನನಗೆ ದೊಡ್ಡ ಪ್ರಪಂಚ
ಅವರೆ ನನಗೆ
ಮುಗಿಯಾದ ಸಿರಿ ಸಂಪತ್ತು
ನನ್ನ ಬದುಕಿನ
ಪಯಣದ ದಡ ಸೇರಿಸಿದ
ನನ್ನ ಬದುಕಿನ
ನಾವಿಕರು ನಾಯಕರು
ನಾ ಪೂಜಿಸಿ ಆರಾಧಿಸುವ
ನನ್ನ ಮನದ ದೇವರು
ನನ್ನ ತಂದೆ ತಾಯಿಗೆ
ನಾ ಚಿರ ಕಾಲ ಚಿರ ಋಣಿ
*******ರಾಜು ಹಾಸನ********
ಪ್ರೀತಿ ಪ್ರೀತಿ
ಪ್ರೀತಿ ಪ್ರೇಮಕ್ಕೆ
ಕಣ್ಣಿಲ್ಲ ಸಾವಿಲ್ಲ
ಆದರೂ ಇರುವುದು
ವ್ಯಾಮೋಹ
ಏಕೋ ಏನೋ
ಗೊತ್ತಿಲ್ಲ
ಸುಳ್ಳೋ ಸತ್ಯವೊ
ತಿಳಿದಿಲ್ಲ
ಕೈ ಕಾಲು ಕಣ್ಣು
ಮಾತು ಬಾರದ
ಮೂಕರೆಂದರೆ
ಉಕ್ಕಿ ಬರುವುದು
ಎಲ್ಲಿಲ್ಲದ
ಕರುಣೆ ಕನಿಕರ
ಅಂದ ಚಂದವರ
ಕಂಡರೆ ಗೊತ್ತು ಗೊತ್ತಿಲ್ಲದೆ
ಹುಟ್ಟುವುದಯ್ಯ
ಪ್ರೀತಿಯ ಮಹಾ ಪುರ
ಇದು ಯಾಂತ
ಹುಚ್ಚು ಪ್ರೀತಿಯಯ್ಯ
ಯಾವ ಸ್ಫೂರ್ತಿಯ ಚಿಲುಮೆ
ಅವರ ಎದೆಯಾಳದಲ್ಲಿ
ಜಿನುಗುತಿದೆ ಯೋ ಯಾರು ಬಲ್ಲರು//
ಪ್ರೀತಿ ಮಮತೆ ವಾತ್ಸಲ್ಯ
ಅಂತಃಕರಣದ ಭಾವಸ್ಪರ್ಶ ನೀಡಿ
ತನು ಮನದಿ ಸೇವೆಯಗೈದು
ಪಾಲಿಸಿ ಪೋಷಿಸಿ ಏನನ್ನೂ ನಿರೀಕ್ಷಿಸದೆ
ತನ್ನವರೆಂದು ಬಂಧು ಬಾಂಧವರೆಂದು
ದಣಿವರಿಯದೆ ದುಡಿಯುತಿಹರು ವಯೋವೃದ್ಧರು//
ಕಾಯಕದಲ್ಲಿ ತಲ್ಲೀನತೆ
ಸೇವೆಯಲ್ಲಿ ವಿನಮ್ರತೆ
ಕೊಡುಗೈಯಲ್ಲಿ ಉದಾಹರಣೆ
ನಾನೆಂಬ ಅಹಂಕಾರ ಬಿಟ್ಟು
ನಮ್ಮವರೆಲ್ಲರಿವರೂ ಎಂಬ
ಭಾವದಿ ಬದುಕುತಿಹರು
ಸಂತೃಪ್ತಿಯ ಮೊಗ ಹೊತ್ತು ಈ ವಯೋವೃದ್ಧರು//
ವೈಭವದ ಬದುಕ ಬಿಟ್ಟು
ವಾಸ್ತವದ ನೆಲೆಗಟ್ಟಿನ ಮೇಲೆ
ಭೂತದ ಅನುಭವದ ಬಾರ
ವರ್ತಮಾನದ ನಿರ್ಲಕ್ಷ ಗಳ ನಡುವೆ
ಭವಿಷ್ಯದಾತಂಕಗಳ ದಿನಗಳಲ್ಲಿ
ಬವಣೆ ಬೇಗುದಿಗಳ ನಡುವೆ
ಮುಸ್ಸಂಜೆಯ ದಿನಗಳಲ್ಲಿ
ನಗು ಮೊಗವ ಹೊತ್ತು
ಸಾರ್ಥಕ್ಯದ ಬದುಕು
ಕಳೆಯುತಿಹರುಹ ವಯೋವೃದ್ಧರು//
ಜೀವನವೇ
ಜಿಗುಪ್ಸೆಯಾದರು
ಬದುಕೆ ಬೇಡ
ಎನಿಸಿದರೂ
ಏನೇ ಆದರೂ
ಹೋದರು
ಎಷ್ಟೇ ಇದ್ದರೂ
ಇಲ್ಲದಿದ್ದರೂ
ಯಾರೇ ಬಂದು
ಹೋದರು
ನಿಂತು ನಿಲ್ಲದೆ
ಕುಂತು ಕೂರದೆ
ಓಡುವುದಯ್ಯ
ಬದುಕಿನ ಬಂಡಿ
ಜೀವನ
ಹುಟ್ಟಿನಿಂದ
ಶುರುವಾಗಿ
ನೋವು ನಲಿವಿನ
ಹಾವು ಏಣಿ
ಹತ್ತಿ ಇಳಿದು
ಬಿಟ್ಟು ಬಿಡದ
ನೂರಾರು ಸಾವಿರಾರು
ಸಂಬಂಧಗಳಿದ್ದರು
ಮರೆತು ಮಲಗಬೇಕು
ಮಸಣದ
ಮಂಟಪ ಕಟ್ಟಿಕೊಂಡು
ಒಂದಲ್ಲ
ಒಂದು ದಿವಸ
ಸೇರಬೇಕು
ಮಸಣದ ಗುಂಡಿ
ಇಷ್ಟೇ ನಮ್ಮ ನಿಮ್ಮ
ಜೀವನದ ಆಟ ಪಾಠ
ಪ್ರೀತಿ ಮಾಡಲು ಕನಸೇ ಕಾವಲು.
ಪ್ರೀತಿ ಉಳಿಯಲು ಮನಸೇ ಮೀಸಲು.
ನನ್ನ ಹೃದಯದರಮನೆಗೆ ಒಡತಿಯು ನೀನೆ.
ಸದಾ ನಿನ್ನ ಪ್ರೀತಿ ಬಯಸುವ ಗೆಳೆಯನು ನಾನೆ.
ಕ್ಷಣಕಾಲ ತೆರೆದಿಡುವೆ ನನ್ನ ಎದೆಯನ್ನ.
ನೊಡು ಬಾ ನನ್ನೊಳಗೆ ನಿನ್ನ.
ಅಲ್ಲಲ್ಲಿ ಬಿದ್ದಿರುವುದು ನೀ ಬಿಟ್ಟ ಪ್ರೀತಿಯ ಹೂ ಬಾಣ.
ಕಿತ್ತೊಗೆದು ಅಪ್ಪಿಕೋ ನನ್ನ.
ನಾ ಕಣ್ಮುಚುವ ಮುನ್ನ.
ಹಗಲು ರಾತ್ರಿ ಇಲ್ಲದ
ದಿನಗಳು ಇಲ್ಲ
ಮಾನವರೆ ಇಲ್ಲದ
ನಾಡು ನುಡಿ ಇಲ್ಲ
ಸಂಬಂಧಗಳು ಇಲ್ಲದ
ಸಂಸಾರ ಇಲ್ಲ
ಕನಸುಗಳು ಇಲ್ಲದ
ಮನಸುಗಳು ಇಲ್ಲ
ಪ್ರೀತಿ ಪ್ರೇಮ ಇಲ್ಲದ
ಹೃದಯಗಳು ಇಲ್ಲ
ತಂದೆ ತಾಯಿ ಇಲ್ಲದ
ಪ್ರಪಂಚವೇ ಇಲ್ಲ