ಜೀವನ ಸಾವಿನೆಡೆಗಿನ ಓಟ
ಅದನ್ನು ಮರೆತು ನಡುವೆ ಕೋಪದಲಿ ಹಾರಾಟ
ದುಃಖದಲಿ ನರಳಾಟ
ಮತ್ಸರದಿ ಮನದುರಿಯೂತ
ಆಗಾಗ ಸ್ನೇಹದ ಸುಖದೂಟ
ಸುತ್ತಲಿನವರ ಪ್ರೀತಿಗಾಗಿ ಪರದಾಟ
ಉಸಿರ ಕೊನೆತನಕ ಆಸೆಗಳ ಆರ್ಭಟ
ಸೋಲು ಗೆಲುವೆಂಬ ಭಾವನೆಗಳು ಕಲಿಸೋ ಪಾಠ
ಖುಷಿಗಾಗಿ ಬೆಳೆಸಿಕೊಂಡ ಹಲವಾರು ಚಟ
ಯೌವ್ವನದಲಿ ಹೇಳಿಕೊಳ್ಳಲಾಗದ ಮನ್ಮಥನ ಆಟ
ಜೀವನ ಹೇಗೆಂಬುದನ್ನು ತಿಳಿಸಿಕೊಡಲಾಗದ ಆಂಕಗಳಿಗಾಗಿ ತಯಾರಾಗಿರೊ ಪಠ್ಯದ ಪಾಠ
ಓದಿದ ನಂತರ ಕೆಲಸಕ್ಕಾಗಿ ಪರದಾಟ
ಕೆಲಸ ಸಿಗದಾಗ ಸುತ್ತಲಿನವರ ನೋವುಂಟು ಮಾಡೋ ಮಾತಿನ ಹೊಡೆತ
ಕೆಲಸ ಸಿಕ್ಕರೆ ಮದುವೆಯ ಮಾತು
ಇಲ್ಲದಿದ್ದರೆ ಮದುವೆ ಕನಸಿನ ಮಾತು
ಮದುವೆಯಾದರೆ ಮಕ್ಕಳ ಚಿಂತೆ
ಮಕ್ಕಳಾದರೆ ಅವರಿಗಾಗಿ ಹಣ ಕೂಡಿಡುವ ಚಿಂತೆ
ಎಲ್ಲ ಮುಗಿದ ಮೇಲೆ ಮುಪ್ಪಿನ ಚಿಂತೆ
ಇನ್ನೇನುಳಿದಿದೆ ಎನ್ನುವಷ್ಟರಲ್ಲಿ ಏರಲೆ ಬೇಕು ಮಸಣದಿ ಚಿತೆ
ಜೀವನ ಚಕ್ರ ಒಂತರಾ ವಿಚಿತ್ರ
*ತಿಳಿದವರಾರು ಸೃಷ್ಟಿಯ ಚಿತ್ತ*
ದೀರ್ಘಾಲೋಚನೆ ಎಂದಿಗೂ ಬೇಡ
*ಜೀವನ ಇಷ್ಟೆ ಚಿಂತೆಯು ಬೇಡ*☺️
ಕೋಳಿ ಜಡೆಯ
ತುಂಡು ಲಂಗದ
ಪುಟ್ಟ ಮಲ್ಲಿ
ಪುಟ್ಟ ಪುಟ್ಟ ಕೈ
ಪುಟ್ಟ ಪುಟ್ಟ ಮಾತು
ಪುಟ್ಟ ಪುಟ್ಟ ಹೆಜ್ಜೆ
ಪುಟ್ಟ ಪುಟ್ಟ ಗೆಜ್ಜೆ
ಪುಟ್ಟ ಪುಟ್ಟ ಹೃದಯ
ಪುಟ್ಟ ಪುಟ್ಟ ಕಂದ
ಬಿದ್ದು ಹೊರಳಾಡುವಳು
ನನ್ನೆದೆಯ ಗುಡಿಯ ಮೇಲೆ
ಪುಟ್ಟ ಪುಟ್ಟ ಕಂದನ
ಪುಟ್ಟ ತೊದಲು ಮಾತು
ಕೇಳಲು ಬಲು
ಅಂದ ಚಂದವಯ್ಯ
ಅವಳು ನಕ್ಕರೆ
ಬಲು ಸೊಗಸು
ಅವಳ ಮಾತೇ
ಮುತ್ತಿನ ಹನಿ ಜೇನಿನ ಹನಿ
ಅವಳ ಖುಷಿಯೇ
ನನ್ನ ಉಸಿರು ನನ್ನ ಬದುಕು
ಕಾಡಿ ಬೇಡಿ ಭಿಕ್ಷೆ ಬೇಡಿ
ಕೈ ಕಾಲು ಹಿಡಿದು
ಬರುವರು ಗುಲಾಮರು
ಜನರ ಸೇವೆಗೆಂದು
ಗೆದ್ದ ಮೇಲೆ
ಮಾಡಿಸಿಕೊಳ್ಳುವರು
ಜನರಿಂದಲೇ
ತಮ್ಮ ತಮ್ಮ ಸೇವೆ
ಜನರಿಗೆ ಕೊಡುವರು
ಸುಳ್ಳು ಆಶ್ವಾಸನೆ
ಬಗೆಹರಿಯದು ಸಮಸ್ಯೆ
ಬಾರದಿರುವುದು ಪರಿಹಾರ
ನಾವು ಕೊಡಬೇಕಾಗಿದೆ
ಏಟಿಗೆ ಏಟು ತಿರುಗೇಟು
ಇಲ್ಲದಿದ್ದರೆ ಗುಡಿಸಿ
ಗುಂಡಾಂತರ ಮಾಡಿ
ತಿಪ್ಪೆ ಸಾರಿಸಿ
ಪರಾರಿಯಾಗುವರು
ಮನೆಯ ಮುಂದೆ
ರಂಗೋಲಿ ಬಿಡಿಸಿ
ನಾವು ಆಡುವ
ಮಾತು ಬಲು ಚಂದವೆಂದು
ಆಡದಿರಿ ಹಸಿ ಸುಳ್ಳು
ಚುಚ್ಚದಿರಲಿ ಮಾತು ಮುಳ್ಳಾಗಿ
ಕೊಲ್ಲದಿರಲಿ ಮೌನವಾಗಿ
ಮಾತು ಹಿತವಾಗಿರಲಿ
ಮೌನ ಮಿತವಾಗಿರಲಿ
ಇಲ್ಲವಾದಲ್ಲಿ ಮಾತು
ಮುಳ್ಳಾಗುವುದು
ಮೌನ ವಿಷವಾಗುವುದು
ಎಚ್ಚರವಿರಲಿ
ನಾವು ಆಡುವ ಮಾತಿನಲ್ಲಿ
ಹಿಡಿತವಿರಲಿ
ನಮ್ಮ ನಡೆ ನುಡಿಯಲ್ಲಿ
ದೇಶ ಕಾಯೊ ಯೋಧನಿಗೆ ಸಿಗೊ ಗೌರವ
ಈ ನಮ್ಮ ದೇಶದಲ್ಲಿ ಒಬ್ಬ ರಾಜಕಾರಣಿಗೂ ಇಲ್ಲ ಒಬ್ಬ ಅಧಿಕಾರಿಗೂ ಇಲ್ಲ
ಯಾಕೆಂದ್ರೆ
ಒಬ್ಬ ತಪ್ಪು ಹೆಜ್ಜೆ ಇಟ್ಟರೆ ಇಡಿ ಖಾಂದನಕ್ಕೆ ಗೆಜ್ಜೆ ಕಟ್ಟತ್ತಾರೆ
ಯಾಕೆ ಸೈನಿಕರೇನು ತಪ್ಪೆ ಮಾಡಲ್ವ ಮಾಡುತಾರೆ
ಆದರೆ ದೇಶ ಸೇವೆ ಮುಗಿದ ಮೇಲೆ ಪ್ರಾಮಾಣಿಕತೆ ಮೆಚ್ಚಿ
ಪಿಂಚಣಿಗೊಸ್ಕರ ಚಪ್ಪಲಿ ಸವೆದು ಹೋಗಿ ಸುಸ್ತ ಆಗೊ ತರ
ಪಿಡಿಸುತ್ತಾರಲ್ವ ರಾಜಕಾರಣಿಗಳು ,ಅಧಿಕಾರಿಗಳು ಅವರಿಗೆ ಲಂಚ ಅಂತ ಭಿಕ್ಷೆ ನೀಡಬೇಕಲ್ವ ಅದೇ ಒಂದು ತಪ್ಪು
ದೇಶದ ಗಡಿಯಾಚೆ ಹುಲಿ ಬಂದ್ರು ಹೊಡೆದು ಉರುಳಿಸೊ ತಾಕತ್ತು ನಮ್ಮ ಸೈನಿಕರದು
ಅದೇ ದೇಶದೊಳಗಿರೊ ಇಲಿಗಳನ್ನ ಹೊಡೆದು ಬಿಸಾಡೊಣ ಅಂದ್ರೆ ಕಾಯ್ದೆ ಕಾನೂನು ಸಂವಿಧಾನ ಅಂತ ಇದೆ ಸಾಕ್ಷ್ಯಾಧಾರವಿಲ್ಲದೆ ಇಲಿಗಳು ಹೆಗ್ಗಣಗಳ ತರ ಆಗಿದಾವೆ
ಬಿಲ ಬಗೆಯೊದೊಂದೆ ಕೆಲಸ
ಸಾಕ್ಷ್ಯಾಧಾರ ಮೂಲಕ ಸಿಕ್ಕರೆ ಕಾನೂನು ಚೌಕಟ್ಟಲ್ಲಿ ಚಟ್ಟ ಕಟ್ಟೊದೆ