ಯಾಕೋ ಇಂದು ತುಂಬಾ ನೆನಪಾಗಿಬಿಟ್ಟೆ
ಶಾಂತ ಚಿತ್ತ ಮನಸ ಕದಡಿ ಮುಗುಳ್ನಗೆ ತರಿಸಿಬಿಟ್ಟೆ
ಚಿಟಿ ಪಿಟಿ ಮಳೆ ಹನಿಗಳ ಜೊತೆ
ನಿನ್ನಯ ಮೆಲು ಮಾತಿನ ಇಂಪು
ಮುಗ್ಧ ಕಂಗಳ ತುಂಟ ನೋಟ
ಗುಳಿಕೆನ್ನೆಯ ಆ ನಿನ್ನ ಸ್ವಚ್ಛ ನಗು
ನಿನ್ನ ಮುಂಗುರುಳ ಜೊತೆ ಆಡಿದ ಆ ಕ್ಷಣ
ಪ್ರೀತಿಯಿಂದ ಬಿಗಿದಪ್ಪಿದ ಮಧುರ ಸಂಜೆ
ಯಾಕೋ ಇಂದು ತುಂಬಾ ನೆನಪಾಗಿಬಿಟ್ಟೆ
ಶಾಂತ ಚಿತ್ತ ಮನಸ ಕದಡಿ ಮುಗುಳ್ನಗೆ ತರಿಸಿಬಿಟ್ಟೆ
ಒಂಟಿ ಕಾರು ಪಯಣದಲ್ಲಿ ಜೊತೆಯಾದೆ
ಉದ್ದನೆಯ ಪಯಣ ಚಿಗುರುಹೊಡಿಸಿದೆ ಮನದಲ್ಲಿ
ನಾವು ಒಂದು ಬಗೆದರೆ ವಿಧಿ ಬೇರೇನೋ ಬರೆದಿತ್ತು
ಹಿಂಗೆ ಹತ್ತಿ ಹಂಗೆ ಇಳಿದುಹೋದೆ ಮತ್ತೆ ಒಂಟಿಯಾಗಿಸಿ..
ಯಾಕೋ ಇಂದು ತುಂಬಾ ನೆನಪಾಗಿಬಿಟ್ಟೆ
ಶಾಂತ ಚಿತ್ತ ಮನಸ ಕದಡಿ ಮುಗುಳ್ನಗೆ ತರಿಸಿಬಿಟ್ಟೆ
ನಿನ್ನ ಕಾಲ್ಗೆಜ್ಜೆ ನಾದಕ್ಕೆ
ಮರೆಯಾಗಿದೆ ನನ್ನೆದೆಯ ಬಡಿತ
ನೀ ನಗುವ ನೋಟಕ್ಕೆ
ಮಾಯವಾಗಿದೆ ಮನಸು
ನನ್ನೆದೆಯ ಗೂಡಲ್ಲಿ
ಬಿಡಿಸಿದೆ ನೀ ಬಣ್ಣ ಬಣ್ಣದ ಚಿತ್ತಾರವ
ನಿನ್ನ ಒಲವಿನ ಪ್ರೀತಿಗೆ
ಸೋತಿರುವುದು ನನ್ನ ಈ ಹೃದಯ
ನೀನೇ ನನ್ನ ಪ್ರೀತಿಯ ಚಿಟ್ಟೆ
ನಿನ್ನ ಕಾಲ್ಗೆಜ್ಜೆ ನಾದಕ್ಕೆ
ಮರೆಯಾಗಿದೆ ನನ್ನೆದೆಯ ಬಡಿತ
ನೀ ನಗುವ ನೋಟಕ್ಕೆ
ಮಾಯವಾಗಿದೆ ಮನಸು
ನನ್ನೆದೆಯಲ್ಲಿ ಗುಡಿಯಲ್ಲಿ
ಬಿಡಿಸಿದೆ ನೀ ಬಣ್ಣ ಬಣ್ಣದ ಚಿತ್ತಾರವ
ನಿನ್ನ ಒಲವಿನ ಪ್ರೀತಿಗೆ
ಸೋತಿರುವುದು ನನ್ನ ಹೃದಯ
ನನ್ನ ಪ್ರೀತಿಯ ಚಿಟ್ಟೆ ನೀ
ಕನಸಿನ ಅರಮನೆಯಲ್ಲಿ
ತೇಲಾಡುತ ಇರುವೆನು ನಾನು..
ನೂರಾರು ಕನಸ ಹೊತ್ತ ಈ ಮನವು
ಕಾಯುತ್ತಿದೆ ಕನಸು ನನಸಾಗಲೆಂದು..
ಪ್ರತಿ ದಿನ ಪ್ರತಿ ಕ್ಷಣ ಹೋರಾಡುತಿರುವೆ
ಕಂಡಿಲ್ಲದ ಪ್ರೀತಿಯ
ಸಿಗಬಯಸಿದೇ ಈ ಮನ..
ಕಾಯುತಿರುವೆನು ಭವಿಷ್ಯದ ದಾರಿಯನು..
ಬಂದುಬಿಡು ಒಮ್ಮೆ
ಧನ್ಯನಾಗುವೆ ನಾ...