Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಒಂದಷ್ಟು ಮಾತು,,,

ನನ್ನೀ ಮೌನದ ಭಾವಕ್ಕೆ ಲೇಖನಿಯೇ ಮಾತು.

ಬರೆಯುವ ಹಂಬಲ ಯಾವ ದಿಕ್ಕಿನಿಂದ ಮೂಡಿತೋ ನಾ ಅರಿಯೆ.

ಕವಿತೆಗಳ ಸಾಲು ಅಲ್ಲದೆ
ಒಂದಷ್ಟು ಕಥೆ ಕಾದಂಬರಿ ಸಹ ಈ ಲೇಖನಿಯಿಂದ ಮೂಡಿದೆ.

ಒಮ್ಮೆ ನೋಡುವ ಅನಿಸಿದ್ದರೆ.
ಪ್ರತಿ ಲಿಪಿ ಎಂಬ ಲೋಕಕ್ಕೆ ಧಾವಿಸಿ
ಒಮ್ಮೆ ಹಂಸವೇಣಿ ಎಂದು ಹುಡುಕಿ ನೋಡಿ.
ಓದಿ ಮರೆಯದೇ ನಿಮ್ಮ ಅಭಿಪ್ರಾಯ ತಿಳಿಸಿ.

- ಹಂಸ✍️✍️✍️

- ಹಂಸವೇಣಿ

07 Mar 2020, 10:54 pm

ಕವಿತೆ,,, ಕವಿತೆ

ಮೂಡುವ ಸಾಲಿಗೊಂದು ಭಾವನೆಗಳ ತೋರಣ
ಜೋಡಿಸಿ ಹೆಣೆವ ನುಡಿಗೊಂದು ಅಲಂಕಾರದ ಸೃಷ್ಠಿ
ಸುಮದ ಪದಪದಗಳ ನಡುವೆ ಸೂಸುವ ಘಮ
ಸಮಗ್ರ ರಸದ ಸವಿಯ ಬಚ್ಚಿಡುವ ಕಲೆಯೇ ಇಲ್ಲಿದೆ

- ಹಂಸ✍️✍️✍️

- ಹಂಸವೇಣಿ

07 Mar 2020, 10:46 pm

ಅಮ್ಮ ನಿನಗಾಗಿ

ಈ ಹೃದಯಕ್ಕೆ ಅಂದೊಮ್ಮೆ
ಬಡಿತದ ಸ್ವರೂಪ ನೀಡಿದೆ
ಉಸಿರು ಸೂಸುವ ಸ್ವರಕ್ಕೆ
ಲಾಲಿಯ ನಾದ ತುಂಬಿದೆ
ನನ್ನೀ ಪುಟ್ಟ ಪುಟ್ಟ ಕನಸಿನ ಕಥೆಗೆ
ನನಸಿನ ಉಡುಗೊರೆ ಹೊತ್ತು ತಂದೆ
ಸಾಗುವ ದಾರಿಯಲ್ಲಿ ಜೊತೆಯಾಗಿ
ನಿನ್ನೀ ಒಲವಿನ ಬಣ್ಣ ನೀಡಿದೆ
ಅಮ್ಮ ಅಮ್ಮ ಅಮ್ಮ
ಎನ್ನ ಪ್ರತಿ ಎದೆ ಬಡಿತವೂ
ಸ್ವರ ನೀನೇ

- ಹಂಸ ಕುಲಾಲ್✍️✍️✍️

- ಹಂಸವೇಣಿ

07 Mar 2020, 10:38 pm

ಮುದ್ದು ಮನಸ್ಸು

ಒಂದೊಮ್ಮೆ ಮಾತಿಗೆ ಕೇಳಿದೆ
ಅವನ
ಹಿಡಿದು ಬಂಧಿಸಿ ಕೊಡುವೆಯ
ಸೂರ್ಯನ
ನಾನೇ ಸೋತೆ ಕ್ಷಣಕ್ಕೆ
ಒಪ್ಪಿದವನ
ಬೆಸೆದ ಕೈಯೊಳು ಬಂಧಿಸಿದ
ಆ ನೇಸರನ

- ಹಂಸ✍️✍️✍️

- ಹಂಸವೇಣಿ

07 Mar 2020, 10:32 pm

ಹನಿ.....ಮುತ್ತು !!!

ಬದುಕಿಸುವ ಕನಸೇ ಕೊನೆಯವರೆಗೂ
ಕೈ ಹಿಡಿದು ನಡೆಸು
ಮಲಗಿರುವ ನಿನ್ನಯ ನಿರೀಕ್ಷೆಯಲ್ಲಿ
ತೂತು ಬಿದ್ದ ನಕ್ಷತ್ರಗಳ ವರ್ಣಸುತ
ಬಡ ಭಾವನೆಗಳ ಪೋಣಿಸುತ್ತಾ
ಮೌನದ ಕತ್ತಿಯಲ್ಲಿ
ಚುಚ್ಚಿ ಚುಚ್ಚಿ ಕೊಲ್ಲದಿರು
ಮಾತಿನ ಬಂದೂಕಿಗೆ ಎದೆಯೊಡ್ಡಿ
ನಿಂತಿರುವೆ ಗುರಿಯಿಡು ಹೃದಯದ
ಬಂಡೆಗೆ ಛಿದ್ರವಾಗಲಿ...........

- bindhu

07 Mar 2020, 03:37 pm

ಕೀರ್ತಿ ವರ್ಣನೆ

ಆ ನಿನ್ನ ಕೋಮಲವಾದ ಕೇಶರಾಶಿ ನೋಡು ನೋಡುತ್ತಲೇ ನಾ ನಿನ್ನ ಮುಡಿಗೆ ಹೂ ಅದೇ.!!

ನಿನ್ನ ಆಕಾಶವೆಂಬ ರೂಪದಲ್ಲಿ ನಾ ನಕ್ಷತ್ರವಾಗುವ ಹಂಬಲ..!

ಆ ನಿನ್ನ ಕನ್ನಡಿಯಲ್ಲಿ ನಾ ಬಿಂಬಿಸುವ ಹಂಬಲ.!!

ಆ ನಿನ್ನ ಕಣ್ ನೋಟ ನಾನ್ ನಾನು ಮತ್ತೆ ಮತ್ತೆ ನೋಡುವಂತೆ ಮಾಡಿತು..!!

ಆ ನಿನ್ನ ಕಿವಿ ಓಲೆಗಳಿಗೆ ನಿನ್ನಿಂದಲೇ ಹೊಳಪು ಅ ಹೊಳಪಿಗೆ ಮನಸೋತೆ.!!

ನಿನ್ನ ಇಂಪಾದ ಸ್ವರ ಕೇಳುವ ಕಾತುರನಾಗಿದೆನೆ.!!

ನಿನ್ನ ಕಣ್ ರೆಪ್ಪೆಗಳು ನಿಸರ್ಗದ ಚೆಲುವೆಯಂತೆ ಕಂಗೊಳಿಸುತ್ತಿವೆ.!!

ಆ ನಿನ್ನ ನಗು ಬೆಳದಿಂಗಳ ಚಂದ್ರನ ಹೊಳಪಿನಂತೆ ಕಂಗೊಳಿಸುತ್ತಿವೆ..!!

ಆ ನಿನ್ನ ತಿಲಕವು ನಿಸರ್ಗದಲ್ಲಿ ಉದಯಿಸುವ ಸೂರ್ಯನಂತೆ ಕಂಗೊಳಿಸುತ್ತಿದೆ..!!

ಆ ನಿನ್ನ ನಿರ್ಮಲವಾದ ಹಸ್ತದಲ್ಲಿ ಪುಸ್ತಕ ನಾನಾಗಲೇ..!!

ನಿನ್ನ ಕಾಲ್ಗೆಜ್ಜೆ ಸಪ್ಪಳ ಕೇಳುವ ಹಂಬಲ..!!

ನಾ ಕೋಡುವ ಉಡುಗೊರೆ ಅ ಕಾಲ್ಗೆಜ್ಜೆ....!!!

ನಾ ನಿನ್ನ ನೋಡಿ ಮತ್ತೊಮ್ಮೆ ವರ್ಣಕನಾದೆ..!!

ವಿಕೆ

- Vasanth Kumar.G.H

07 Mar 2020, 03:25 pm

ವಿರಹ ಗೀತೆ

ಮುಂಜಾನೆಯ ತಂಪಿನಲ್ಲಿ
ಮುಸ್ಸಂಜೆಯ ಮಾತಿನಲ್ಲಿ
ಮೋಡವೆ ಇರದ ಗಗನ
ಮಳೆಯನ್ನು ಸುರಿಸಬಹುದು

ಜೀವವೇ ಹೀರಿದ ಹೃದಯ
ಪ್ರೀತಿಯನ್ನು ಆಶ್ರಯಿಸುವ ಓ ಮನುಜ
ವಿರಹ ಗೀತೆಯನ್ನು
ರಾಗವಾಗಿ ಹಾಡಬಹುದು

ಬಿರುಕು ಬೀಳದ ಮುಗ್ಧವಾದ
ಮನಸ್ಸುಗಳೊತ್ತು ಜೀವನದಲ್ಲಿ
ಬಡತನದಲ್ಲಿ ಬೆಂದ ಹೃದಯ
ಬೂದಿ ಆಗದೇ ಕರಿ ಇದ್ದಿಲು ಆಗಿ ಉಳಿಯಬಹುದು

ಬಂಧನಗಳು ಬೇಲಿ ಕೊರಳಿಗೆ
ಹಗ್ಗವಾಗಿ ಬಿಗಿಯುವ ಮುನ್ನವೆ
ಪರಿಚಯವಾದರೂ ಈ ಕಣ್ಣಲ್ಲಿ ನೀರಾಗಿ
ಕಣ್ಮರೆಯಾದರೂ ಕಾಲಕ್ಕೆ ಬದ್ದರಾಗಿ
ವಿಧಿವಶರಾದರು............

- bindhu

07 Mar 2020, 03:17 pm

ಕುಣಿಯೋ ಆಸೆ

ನಿನ್ನ ಜೊತೆ ಕುಣಿಯೋ ಆಸೆ ,
ಆದ್ರೆ ನನಗೆ ಕುಣಿಯೋದಿಕ್ಕೆ ಬರೋಲ್ಲ
ಎಂಬುದೇ ನಿರಾಸೆ ,....
ನಿನ್ನ ಅಪ್ಪಿಕೊಂಡು ಮುದ್ದಾಡೋ ಆಸೆ ,
ಆದ್ರೆ ನನ್ನ ಸತಾಯಿಸಿ
ಮಾಡ್ತಿಯಲ್ಲೇ ನಿರಾಸೆ ......
ನೀ ಮಾಡೋ ಬಿರಿಯಾನಿ ತಿನ್ನುವ ಆಸೆ
ಆದರೆ ನಿನಗೆ ಮ್ಯಾಗಿ ಬಿಟ್ಟರೆ ಬೇರೆ
ಏನು ಮಾಡೋಕೆ ಬರಲ್ಲ
ಅನ್ನೋದೇ ನಿರಾಸೆ ....
ನಿನ್ನ ಜೊತೆಗೂಡಿ ಬಾಳೋ ಆಸೆ ,
ಆದರೆ
ನಾ ಇಲ್ಲಿಯವರೆಗೂ ಕಂಡಿದ್ದು ಕನಸು ಎಂಬುದೇ ನಿರಾಸೆ .....

- ದೇವು,,,,,,ಕನ್ನಡಿಗ

07 Mar 2020, 02:56 pm

ಅಳೋ ನೋವಿಗೆ ನಗೋ ಮದ್ದಿದೆ

ಅಳೋ ನೋವಿಗೆ
ನಗೋ ಮದ್ದಿದೆ!!
ನಿನ್ನ ಅಳು ಎಂಬ
ಹೊಳೆ ಬತ್ತಿ ಹಸಿರಾಗಿದೆ!!
ನೀನು ನಕ್ಕಾಗ
ನಕ್ಷತ್ರ ಹೊಳೆದಂತಿದೆ!!
ಖುಷಿ ಎಂಬ ಮೆರವಣಿಗೆ
ಹೊರಟಾಗಿದೆ!!
ಬಾಳೊಂದು ಬಂಗಾರದ
ಗಣಿಯಾಗಿದೆ!!
ಸಂತಸದ ಮೊಗ್ಗರಳಿ
ಹೂವಾಗಿದೆ!!
ಕಣ್ಣೀರು ಹೊಳೆ ಹೊಳೆವ
ಮುತ್ತಾಗಿದೆ!!
ಅಳೋ ನೋವಿಗೆ
ನಗೋ ಮದ್ದಿದೆ!!

- ಪಿ.ಜಿ.ಜ್ಯೋತಿ

07 Mar 2020, 07:35 am

ಪ್ರೀತಿತೋರಿದ ತಪ್ಪಿಗೆ

ಮುದ್ದಾಡಿದ ಮನಸ್ಸ
ಮೃಧುಗೊಳಿಸಿ ಅಟ್ಟೆಯ ಮಾಡಿ..
ಪ್ರೀತಿತೋರಿದ ಕರುಳಾ
ಒಸೆದು ಉಂಗುಷ್ಠದ ರೆಕ್ಕೆಮಾಡಿ..

ಬಸಿನೆತ್ತರ ಬಣ್ಣಕ್ಕೆಂದು
ಉಜ್ಜಿ ಉಜ್ಜಿ ಗಟ್ಟೆಂದು ಪಾಲೀಸಮಾಡಿ..
ಉಸಿರು ಸದ್ದಿಡತದೆಂದು
ಮೊನಚುಮೂಳೆ ಜಡಿದು ಬಿಗಿಮಾಡಿ..

ಎದೆಇದು ಮಿಡಿವದೆಂದು
ಬಾರಮೇಲ ಷೋಕಿಗೆ ಚಿತ್ರಹೂ ಮಾಡಿ..
ಮಾಂಸಖಂಡಗಳ ಮೀನ
ಒತ್ತಬಾರದೆಂದು ಹತ್ತಿಯಂತೆ ಹರಡಿ..

ಒಲವಿಗೆ ಆದವರ ಬದಕೆ
ಚಪ್ಪಟೆ ಎಬ್ಬಿಸಿ ಬಿಟ್ಟು ಬೂದಿದೂಳ..
ಮಾರಿಯರು ನೆಡೆದರೊ
ಮೆಟ್ಟುತ ಹೊರುವ ಚಪ್ಪಲಿಗಳ

- samna

05 Mar 2020, 07:22 pm