ಮೊನ್ನೆ ವರುಣ ಆಧುನಿಕ ರಾಕ್ಷಸ ರಾವಣಾವತಾರ ಎತ್ತಿ ನಮ್ಮೂರಿಗೆ ಬಂದಿದ್ದ
ಹತ್ತು ತಲೆಯೆತ್ತಿ ದಶ ದಿಕ್ಕುಗಳಲ್ಲಿ ನಾಲಿಗೆ ಚಾಚಿದ್ದ
ಬಡವರ ಬದುಕನ್ನು ರಸ್ತೆಗೆ ಎಳೆದು ತಂದಿದ್ದ
ಮಲಗಿ ನಿದ್ರೆಗೆ ಜಾರಿದವರ ಕಣ್ಣುಗಳನು ಶಾಶ್ವತ ಮುಚ್ಚಿಸಿದ್ದ
ಬಿದಿರು ಹುಲ್ಲು ಗಳಿಂದ ನಿರ್ಮಿಸಿದ ಗುಡಿಸಲಿಗೆ ಮೊನ್ನೆ ವರುಣರಾಕ್ಷಸ ನುಗ್ಗಿದ್ದಾ
ಒಲೆಯ ಮೇಲೆ ಬೋಗಾಣಿಯಲ್ಲಿ ಕುದಿಸಿದ ಅನ್ನದ ಅಗಳು ಹಾಗೆ ಇದೆ
ದನದ ಕೊಟ್ಟಿಗೆಯಲ್ಲಿ ಎತ್ತು ಎಮ್ಮೆಯ ಕಾಲಿನಲ್ಲಿ ಬಿದ್ದ ಹೆಂಡೆ ಉಚ್ಚೆ ಹಾಗೆ ಇದೆ
ಹಸುಗೂಸ ಬಾಯಲ್ಲಿ ಅವ್ವಳ ಮೊಲೆ ಹಾಲು ತೊಟ್ಟಿಕ್ಕುತ್ತಿದೆ
ದಂಡೆತ್ತಿಬಂದ ರಾಕ್ಷಸ ವರುಣ, ಇದ್ದವರನ್ನ ಇದ್ದಲ್ಲೆ ಹೆಣ ವಾಗಿಸಿದ್ದ
ಬದುಕಿನ ತುಂಬ ಹೋರಾಟ ಮಾಡಿಕೊಂಡು ಬದುಕು ಕಟ್ಟಿಕೊಂಡವರ ಮನೆಗೆ ವರುಣ ರಾಕ್ಷಸ ಬಂದಿದ್ದ
ಅಷ್ಟು ಜನುಮದ ದ್ವೇಷ ತೀರಿಸಿಕೊಳ್ಳಲು ಶಪತಮಾಡಿದ್ದ
ಸಮುದ್ರವನ್ನೇ ಮನೆ ಮುಂದೆ ತಂದು ನಿಲ್ಲಿಸಿದ್ದ
ಊರ ಮುಂದಿನ ಕೊಚ್ಚೆ ನೀರನ್ನ ಅಡುಗೆ ಮನೆಗೆ ನುಗ್ಗಿಸಿದ್ದ
ಅಡುಗೆ ಮಾಡುವ ಬೋಗಾಣಿಗಳೆಲ್ಲಾ ನೀರಲ್ಲಿ ಈಜಾಡುವಂಗ ಮಾಡಿದ್ದ
ಬಡವರ ಬದುಕು ಊರ ಗಟಾರದ ದಂಡಿಗೆ ಬಂದ ಕುಂಡರುವ ಹಂಗ ಮಾಡಿದ್ದ.
ಹೃದಯ ಸಂದುಕದಲ್ಲಿ ನೀ ಬರೆದ ಪ್ರೇಮ ಓಲೆಗಳ ಸಾಲು ಸಾಲು
ಆಗಾಗ ನೆನಪಾದಾಗ ಓದಿ ಓದಿ ಒಪ್ಪಾವಾಗಿ ಮಡಚಿಡುವೆ
ನೀ ಗೀಚಿದ ಪ್ರೇಮ ನಿವೇದನೆಯ ಸಾಲುಗಳು ಹೃದಯ ಕೊರಳಿಗೆ ಬಳಸಿ, ಅಪ್ಪಿ ಮುದ್ದಾಡುತ್ತಿವೆ
ಪ್ರೇಮ ಪತ್ರದ ಸಂದುಕದಲ್ಲಿ ಮಸುಕಾದ ಕಣ್ಣಡಿಯಲ್ಲಿ ಗತಕಾಲದ ಸವಿ ಸವಿ ನೆನಪುಗಳ ಅನಾವರಣ
ನಿನ್ನ ಗೆಜ್ಜೆ ಸಪ್ಪಳಗಳ ಧ್ವನಿ, ಓಲೆಗಳ ಅಕ್ಷರಗಳ ಅಂತರಂಗದಲ್ಲಿ ಅಡಗಿ ಕುಳತಿದೆ
ನನ್ನ ಹೃದಯ ಪೋಸ್ಟ ಬಾಕ್ಸದಲಿ ನೀ ಹಾಕಿದ ಪ್ರೇಮ ಪತ್ರಗಳು ಹೊಸರಾಗ ಹಾಡುತ್ತಿವೆ
ಪತ್ರಗಳಿಗೆ ರೆಕ್ಕೆ ಮೂಡಿ ಹೃದಯಂಗಳದಲ್ಲಿ ಹಾರಾಡಿ ಮತ್ತೆ ಸಂಜೆ ಗೂಡಿಗೆ ಬರಲಿ
ನಾ ಚಿತೆ ಏರುವಾಗ ಪ್ರೇಮ ಪತ್ರಗಳು ಸುಡದಂತೆ ಉಳಿಸಿಕೊಳ್ಳುವುದೇ ಚಿಂತೆ
ಮತ್ತೊಂದು ಜನ್ಮಕು ನೀ ಬರೆದ ಓಲೆಗಳ ಜೊತೆಗೆ ಬರಬೇಕೆಂಬುವುದೇ ನನ್ನ ಕೊನೆಯಾಸೆ
ಹೊಲೆಯೋಣ ಬಾ ಗೆಳತಿ
ಪ್ರೀತಿ- ಪ್ರೇಮ ವೆಂಬ ದಾರವನು
ರೀಲು ಬಾಬೀನುಗಳಿಗೆ ತುಂಬಿ
ಹೃದಯಕ್ಕೆ ಹೃದಯ ಹೊಂದಿಸಿ
ಧೃಡಚಿತ್ತದಿಂದ ಕಾಲ್ಪಡಿ ತುಳಿದು
ದೊಡ್ಡ ಚಕ್ರದಿಂದ ಸಣ್ಣ ಚಕ್ರವ ತಿರುಗಿಸಿ
ಹರಿದು ಚಿಂದಿಯಾದ ಈ ಸಮಾಜದ
ಆ ಅಂಚು ಈ ಅಂಚು ಮೃದುವಾಗಿ ಎಳೆದು ಹೊಂದಿಸಿ ಹೊಲೆಯೋಣ ಬಾ ಗೆಳತಿ.
ಬಟ್ಟೆ ಹಳೆಯದಾದರೇನು ಹೊಸದಾದರೇನು
ಎರಡು ಮಾಡೋದು ಮಾನಮುಚ್ಚೋ ಕೆಲಸ
ಬಟ್ಟೆ ಹಳೆಯದು ಹೊಸದು ಎಂದೆನೆಸಲ್ಲಿಲ್ಲ ನಮ್ಮ ಯಂತ್ರದ ಹೊಲಗೆ
ಅಳತಿಯಲಿ ಕತ್ತರಸಿ ಒಪ್ಪುವಂಗ ಇಪ್ಪಾಗಿ ಇರಿಸುವ ಶಿವದಾಸಿಮಯ್ಯರ ಆಶೀರ್ವಾದ ಬೆನ್ನಿಗೈತಿ
ಬದುಕೆಂಬ ಬಟ್ಟೆಯ ಮೇಲೆ ಕಷ್ಟ ನಷ್ಟಗಳ ಎಂಬ ತೂತು ಗಳು ಬಿದ್ದಾಗ ತೇಪೆ ಹಚ್ಚಿ ತೆಪ್ಪ ಸಾಗಿಸಬೇಕು
ಸೂಜಿಗಿಲ್ಲ ದಣಿವು ದಾರಕ್ಕಿಲ್ಲ ಮರೆವು
ಉಳಿ ಕಲ್ಲನ್ನು ಕಟೆದು ಮೂರ್ತಿ ಮಾಡಿತು
ಸೂಜಿ ಬಟ್ಟೆಗೆ ಚುಚ್ಚಿ ಚುಚ್ಚಿ ಧಿರಿಸು ಮಾಡಿತು
ಕಲ್ಲು ಕಷ್ಟ ಸಹಿಸಿ ಸಹಿಸಿ ಪೂಜಿಸುವ ಮೂರತಿಯಾಗಿ
ಬಟ್ಟೆ ಕಷ್ಷ ಸಹಿಸಿ ಸಹಿಸಿ ಧರಿಸುವ ಧಿರಸಾಗಿ
ಸೂಜಿ ದಾರ ಸಿಂಪಿಗ ಮೂವರು ಮುಕ್ಕಣ್ಣನ ಕಣ್ಣಾದರು
ಸೂಜಿ ದಾರಕ್ಕೂ ಯಾತರ ಸಂಬಂಧ
ಹೊಂದಿಸಿ ಬಂಧಿಸಿ ಸಂಭಂದ ಗಟ್ಟಿಗೊಳಿಸುವ ಕೆಲಸ
ಒಂದೇ ಹೊಟ್ಟೆಯಲಿ ಹುಟ್ಟಿದ ಅಣ್ಣತಮ್ಮರಿಗಿಲ್ಲ ಹೊಂದಾಣಿಕೆ
ಹೆಣ್ಣು ಮಣ್ಣು ಹೊನ್ನು ಗೆ ಹೊಡದಾಡುವರೆಲ್ಲ
ಸೂಜಿ ದಾರ ನೋಡಿ ಕಲಿಯಬೇಕು ಬಾಳತುಂಬೆಲ್ಲ.