Kannada Poems

Download App from Playstore. | Privacy Policy

---

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಇರುವೆ_ನೀನಿರುವೆ_ ನನ್ನಿರುವಿನಾ_ಥರವೇ

ಕರಿಯಾ ಇರುವೆ ನಿನ್ನ ಕರೆಯುತಿರುವೆ
ಮರೆಯಬೇಡೆಂದು ನೀ ಹೇಳುತಿರುವೆ

ಎಲ್ಲಿ ಅವಿತು ಕುಳಿತಿರುವೆ
ಎಲ್ಲಿಂದ ನೀನು ಬರುತಿರುವೆ

ದೃಢ ಸಂಕಲ್ಪದಿ ನೀ ಮೆರೆಯುತಿರುವೆ
ಸದೃಢ ಮನದಿ ನೀ ಮೇಲೇರುತಿರುವೆ

ಬವಣೆ ಮೆಟ್ಟಿ ನೀ ಕಷ್ಟಗಳನ್ನಟ್ಟುತ್ತಿರುವೆ
ನವಣೆ ಸಕ್ಕರೆ ನೀ ಮೆಲ್ಲುತ್ತಿರುವೆ

ಕಷ್ಟಕಾಲಕ್ಕೆ ನೀ ಕೂಡಿಡುತ್ತಿರುವೆ
ನಷ್ಟವಾಗದಂತೆ ನೀ ಜೀವ ತಡೆಯುತ್ತಿರುವೆ

ಅಷ್ಟೂ ಭಾರವನ್ನ ನೀ ಹೊತ್ತಿರುವೆ
ಸ್ಪಷ್ಟ ಬದುಕಿಗೆ ನೀ ಮಾದರಿಯಾಗಿರುವೆ

_ಶಶಿಜಿತ್

- m Jithendra_ಶಶಿಜಿತ್

23 May 2023, 09:44 pm

---

ನಿನ್ನೆಡೆಗೆ

ನಿನ್ನ ನೆನೆದಷ್ಟು ಮುಗುಳ್ನಗುವು
ನಕ್ಕಷ್ಟು ಸುಂದರ ಈ ಜಗವು
ನೆನಪುಗಳ ತೊಟ್ಟಿಲಲಿ
ನಮ್ಮೊಲವಿಗೆ ಜೋಜೋ ಲಾಲಿ....

ನಿನ್ನೆಡೆಗೆ ನಡೆದಷ್ಟು ದೂರ
ಹೂವಾಯ್ತು ಹೃದಯ ಪೂರ
ಮನವ ತಬ್ಬಿರಲು ಪ್ರೀತಿ
ಏಳುಬೀಳೆಲ್ಲ ಸೊನ್ನೆಯ ರೀತಿ.....

- ಶ್ರೀಕಾವ್ಯ

22 May 2023, 10:00 pm

---

ಸಾವಿರದ ಜನುಮವ ದಾಟಿ

ಸಾವಿರ ಜನುಮವ ದಾಟಿ ಬಂದೆ ನಾ ನಿನ್ನಯ ನೋಡಲು

ಸಾಕಾರವಾಯ್ತು ಸೇರಿದ ಮೇಲೆ ಕಂಡೆನು ನಾ ನಿನ್ನಯ ಒಡಲು

ಆಕಾರವಾದೆ ಅವಕಾಶವಾದೆ ಆಧಾರವಾದೆ ಬಾಳನು ಬೆಳಗಲು

ಸಾವಕಾಶದಲಿ ಭಾವಾಕಾಶದಲಿ ಪ್ರತಿಕ್ಷಣದಲಿ ನಿನ್ನಯ ಕಾಣಲು

ಉತ್ತಮವಾಯ್ತು ಉತ್ತರವಾಯ್ತು ಬಾಳಿದು ವರ ಬೆಳಗಲು

ಸುತ್ತಲೂ ಮತ್ತೇ ಕವಿದಿದೆ ಮೋಡ ಬಾಯಾರಿದ ಭುವಿಗೆ ಬರಲು

_ಶಶಿಜಿತ್

- m Jithendra_ಶಶಿಜಿತ್

21 May 2023, 11:02 pm

---

ನನ್ನನ್ನೇ ಮರೆತ ಆ ಕ್ಷಣ..

ಕಣ್ಣಲ್ಲಿ ಕಣ್ಣಿಟ್ಟಾಕ್ಷಣ..
ಮನದಲಿ ನಿಂತೆ ನೀನಾದಿನ..
ಅಪ್ಪಿತಪ್ಪಿಯೂ ರೆಪ್ಪೆ ಮುಚ್ಚ ಬಾರದೆಂದಿತು ಮನ..
ನನ್ನನ್ನೇ ಮರೆತ ಆ ಕ್ಷಣ....
ಮೋಡದ ಮರೆಯಲಿ ಚಂದಿರ ನೋಡುತ್ತಿರುವನು ನಮ್ಮನ್ನ...
ನಾಚಿಕೆಯಲಿ ಅಪ್ಪಿದೆ ನಾ ನಿನ್ನನ್ನ..
ಮನದಲಿ ಆಸೆಗಳು ಗರಿಗೆದರಿತು ಆಗ...
ನಗುತ ನೀ ನನ್ನ ಕರೆದಾಗ..
ನೀ ಎದುರಿಗೆ ಬಂದರೆ ತಳಮಳ ಮನದಲಿ..
ಭಯ ನಡುಕ ತನುವಿನಲಿ....


ತನುಮನಸು ✍️

- Tanuja.K

21 May 2023, 06:10 pm

---

ಸ್ನೇಹಕ್ಕೆ ಪ್ರೀತಿಯೆಂಬ ಲೇಪವೇಕೆ...??

ಸ್ನೇಹವೆಂದರೆ...
ಅದು ಹಾಲು ಜೇನಿನ ಸಮ್ಮಿಲನ..
ಆಕರ್ಷಣೆ ತೊರೆದು ಆರೈಕೆಗಳಿಂದ ತುಂಬಿದ ಮನ..
ಎಲ್ಲಿದ್ದರೂ ಸಂತೋಷವಾಗಿರು ಎಂಬ ಭಾವ..
ನೀ ನನಗೆ ಬೇಕೆಂಬ ಸ್ವಾರ್ಥ ದೂರ..
ಈ ಸ್ನೇಹಕ್ಕೆ ಪ್ರೀತಿಯೆಂಬ ಲೇಪವೇಕೆ..??
ಈ ಸ್ನೇಹವು ಕೊನೆ ಇಲ್ಲದ ಕಡಲು..
ಅನುಭವಿಸಿ ನೋಡಿದು ನಿಸ್ವಾರ್ಥ ಒಲವು..


ತನುಮನಸು ✍️

- Tanuja.K

21 May 2023, 06:10 pm

---

ಪ್ರಶ್ನೆಗಳೇ ನನ್ನಲ್ಲಿ ಉಳಿದಿದೆ..

ನಿನ್ನ ಮೇಲಿರುವುದು ಸ್ನೇಹವೋ, ಪ್ರೀತಿಯೋ ತಿಳಿಯುತ್ತಿಲ್ಲ..
ನಿನ್ನ ಜೊತೆಗೆ ಬದುಕಬೇಕೆಂಬ ಹಂಬಲ ಹೆಚ್ಚುತ್ತಿದೆಯಲ್ಲ..
ಪ್ರೀತಿಯ ಕನಸಿಗೆ ಕಾರಣ ನೀನು..
ನಿನ್ನನ್ನೇ ಅನುಕರಿಸಿ ಕಾಯುವೆ ನಾನು..
ಹೆಜ್ಜೆ ಹೆಜ್ಜೆಗೂ ಕಾಯುವಿಕೆ..
ಕಾರಣವಿಲ್ಲ ಒಲವಿನಾರಂಭಕೆ..
ಎಲ್ಲಕು ಉತ್ತರ ನಿನ್ನ ಬಳಿಯಿದೆ..
ಬರಿ ಪ್ರಶ್ನೆಗಳೇ ನನ್ನಲ್ಲಿ ಉಳಿದಿದೆ..


ತನುಮನಸು ✍️

- Tanuja.K

21 May 2023, 11:43 am

---

ಸೂರ್ಯ _ವರ _ಅದ್ಭುತ

ಮೂಡಿದ ಸೂರ್ಯಾ ಆಗಸದಿಂದ ಬೆಳಕಿನ ಕಿರಣಗಳ ಸೂಸುತ್ತಾ

ಹಾಡಿದ ಹಕ್ಕಿಯ ಚಲನವಲನಗಳನು ಬಿಡದಲೇ ತಾ ಗಮನಿಸುತಾ

ಕೂಡಿದ ಭೂಮಿಯ ಜೀವ ಜೀವಿಗಳ ಪೋಷಿಸಲು ತಾ ಅನವರತ

ಮಾಡಿದ ಅದ್ಭುತ ಸೃಷ್ಟಿಗಳನ್ನೆಲ್ಲ ವರ ದೇವನ ಬಹು ನೆನೆಯುತ್ತ

ಬಾಡಿದ ಗಿಡಗಳ ನೋಡುತ ನಿಲ್ಲದೆ ಕರೆದ ಮಳೆ ಮೋಡಗಳ ಗಮನಿಸುತ

ನೀಡಿದ ಈ ಪರಿ ವರ ಭುವಿಮನುಜರಿಗೆ ಬೇಡಿದವರನು ಬಿಡದೆ ಸಲಹುತ್ತಾ

_ಶಶಿಜಿತ್

- m Jithendra_ಶಶಿಜಿತ್

21 May 2023, 09:32 am

---

ಹೇಗೆ ಹೇಳಲಿ ಇನ್ನೂ ವಿವರಿಸಿ ನಿನ್ನ ಬಗ್ಗೆ...

ನಿನ್ನ ಮೇಲಿನ ಪ್ರೇಮ ಅನ್ನೋದು
ಹೇಗೆ? ಯಾಕೆ? ಎಲ್ಲಿ?
ಹುಟ್ಟಿತು ಅನ್ನೋ ಅರವಿಲ್ಲ ನಂಗೆ;
ನೀ ಜೊತೆಗಿದ್ದರು, ಇಲ್ಲದೆ ಇದ್ರು
ನೀನು ನನ್ನ ಬದುಕಿನ
ಒಂದು ಭಾಗ ಅಷ್ಟೆ;
ಬಹುಶಃ ಅದಕ್ಕೇ
ಅದಷ್ಟೇ ದಿಕ್ಕರಿಸಿ ದೂರಾದರೂ
ಮತ್ತೆ ಮತ್ತೆ ಈ ಮಳೆಗಾಲದ
ನದಿ ಮತ್ತೆ ಸಾಗರ ಸೇರುವ ಹಾಗೆ
ನೀ ನನ್ನ ಸೇರೋದು..!!
ಎಮ್.ಎಸ್.ಭೋವಿ...✍️

- mani_s_bhovi

20 May 2023, 11:46 pm

---

ಪಿಸುಮಾತಿನ ಕವನ

ಪಿಸುಮಾತಿನಾ ಚಕಮಕಿಯಲಿ ನಿಮಗೆ ಸ್ವಾಗತವಿದು

ಆಸುಪಾಸಿನ ವಿಷಯಂಗಳ ನಿಮಗಾಗಿ ಹೊಂದಿಸುತಿಹುದು

ಚಿಕ್ಕ ಚಿಕ್ಕ ಪದ ಲಾಲಿತ್ಯಗಳಿಗೆ ಆದ್ಯತೆಯಿದೆ

ಚೊಕ್ಕವಾಗಿ ಬರೆವ ನವಕವಿಗಳಿಗೆ ಸಾಧ್ಯತೆಸುಧೆ

ಇಂಪಾಗಿ ಹಾಡುಗಳನು ಹಾಡಲು ಹುಡುಕಿದ ಹಾಡುಗಾರರಿಗೆ

ಸೊಂಪಾಗಿ ಸಿಗುತಿಹುದು ಕವನಗಳ ಝರಿ ಹೊನಲಾಗಿ

_ಶಶಿಜಿತ್

- m Jithendra_ಶಶಿಜಿತ್

19 May 2023, 12:22 pm

---

ಮುಸ್ಸಂಜೆ

ಹಕ್ಕಿಗಳು ಮನೆಯೆಡೆಗೆ ಮುಖ ಮಾಡಿಹವು ನೋಡಲ್ಲಿ
ಹಾರುತಿವೆ ಬಾನಿನಲಿ ಕೆಂಬಣ್ಣವನು ಚೆಲ್ಲಿ

ಬೀಸುತಿದೆ ತಂಗಾಳಿ ಸುಮದ ಕಂಪಿನ ಜೊತೆಯಲ್ಲಿ
ಕಳೆದ್ಹೋಯಿತೆನ್ನಮನ ಸುಗಂಧದ ಸುಳಿಯಲ್ಲಿ

ಮುಗಿಲಂಗಳಕೆ ಹೋಳಿ ನಿತ್ಯ ಮುಸ್ಸಂಜೆಯಲಿ
ಮೋಡಗಳ ಮರೆಯಲ್ಲಿ ಇಣುಕುತಿಹನಾರಲ್ಲಿ

ಕೆಂಗಿರಣವ ತೂರಿಹನು ಪರ್ವತದ ಮುಡಿಯಲ್ಲಿ
ಹೇಮಪರ್ವತವೆಂಬ ಆಸೆಯನು ಚೆಲ್ಲಿ

ಅಡಗಿಹನು ತಾನ್ ಕಡಲಲ್ಲಿ

- Shekhar S gowda

17 May 2023, 05:48 pm

---