ಸುಮಾರು ದಿನಗಳಿಂದ ನಿನ್ನನ್ನು ಕಣ್ಣಾರೆ ನೋಡಬೇಕೆಂಬ ನನ್ನ ಆಸೆ ಈಡೇರುವ ಸಮಯ ಸಮಿಪಿಸುತ್ತಿದೆ .. ಗೆಳತಿ. ಆದರೂ ನಿನ್ನ ನಗು ಮೊಗ. ನಿನ್ನ ಅಧರ. ನಿನ್ನ ನಯನ..ನಿನ್ನ ಮೊಗ ಅರಳಿರುವ ಹೂ..ಮಿನುಗುವ ತಾರೆಯಂತೆ ನಿನ್ನ ನಯನ..ನೋಡಲು ಕಾತರ ..ಒಂದೇ ಒಂದು ಬಾರಿ ಆದರೂ ನಿನ್ನನ್ನು ನೋಡುವ ನನ್ನ ಈ ಮಹದಾಸೆ ನೆರವೇರಿಸು, ಜೀವನವೆಲ್ಲ ನಿನ್ನ ನೆನಪಲ್ಲೇ ಕಳೆದು ನಿನಗೆ ಎಂದಿಗೂ ಚಿರಋಣಿಯಾಗುವೆ..
ಅನು..
ಶಾಂತ ಕಡಲೊಳಗೆ ಅವಳೊದೊಂದು
ವಿನಾಃ ಕಾರಣ ಯುದ್ಧ ಜರಗುತ್ತದೆ
ತೊಟ್ಟಿಲ್ಲಲ್ಲಿದ್ದ ಸೌಮ್ಯತೆಯೊಂದು
ಬೆಚ್ಚಿ ಬೀಳುತ್ತದೆ...!!
☆
ಕಪ್ಪು ಹುಡುಗನ ಸಿಗರೇಟು
ಮುತ್ತಿಟ್ಟ ಮಸಿತುಟಿಯೆಂದರೆ
ಅವಳಿಗೆ ಅದೇನೋ ಮೋಹ
ಕಚ್ಚಿ ಹೋಗುತ್ತಾಳೆ ಅದು ಕೂಡ
ಅರಿವೇ ಆಗದೇ..
☆
ನಿಮಿಷಗಳ ತರುವಾಯ
ಎಚ್ಚೆತ್ತರೆ ಅದೇ ಗುಳಿಕೆನ್ನೆಯ
ಸುಗಂಧ ಕಿಟಕಿ ಸಂಧಿನೊಳಗೆ
ಪಸರಿಸುತ್ತದೆ
ಮುಂದಿನ ನಿದ್ದೆಗೆಲ್ಲಾ ಭಗ್ನಪ್ರಾಪ್ತಿ.!
☆
ಸಂವೇಗಗಳ ಲೆಕ್ಕ ಹಾಕುವ
ಅವಳೊಳಗಿನ ಬಡಿತಗಳು
ಚೂರು ತಪ್ಪದೇ ಕಾಡಲು
ಶುರುವಿಡುತ್ತದೆ
ನಿಮಗೇನು ಗೊತ್ತು!?ಕಾಡಿದರೆ
ಮಾತ್ರ ಕೂಡುವ ಫಲ ದೊರೆಯುವುದು.!!
☆
ಈವರೆಗೆ ಅಮಾಯಕನಾಗಿದ್ದ ನನ್ನನ್ನು ಛೇದಿಸಿ ಬಿಟ್ಟ ಅಮಾನುಷ ವಾರ್ತೆ ಅವಳೊಂದಿಗೆ ಕಳೆದೊದದ್ದು ಎಂದೇಳುವಾಗ ನನ್ನ ವಯಸ್ಸಿನ ಪರಿಧಿಯು ಒಂದು ಹೆಜ್ಜೆ ಮುಂದಿಡುತ್ತದೆ
ಲೆಕ್ಕ ತಪ್ಪಿದ ಅಲೆಗಳ ಎಣಿಕೆ ಶುರು ಮಾಡಿದ ತರುವಾಯ ಅವಳೊಂದು ಕಡಲು ನನ್ನೊಳಗೆ
ಯಥಾಪ್ರಕಾರ ಕನಸಿನ ರಂಗಿನಾಟಕ್ಕೆ ಮುಹೂರ್ತವಿಟ್ಟು ಗತಿಸಿದ ಒಲವನ್ನು ಜೀವಂತವಿರಿಸುವ ಹಟಗಾತಿ..
ಗಾಳಿಗೆ ಸೋತ ಮೋಡದ ಭುಜಬಲದಂತೆ ಅವಳು ಎದೆಯೂರಿನಲ್ಲಿ
ತಾಕಲಾಟಕ್ಕೆ ಎಡೆ ಮಾಡಿಕೊಡುವಾಗ ಇನ್ನೂ ವಿಚಲಿತಗೊಳಿಸುವ ಉಮೇದಿನವಳು
ಕನಸಿಗೆ ಸೋಲಬಾರದೆಂದರೆ ನಿದ್ರಾದೇವಿಯೂ ಮುನಿಸಿಕೊಂಡಿದ್ದಾಳೆ..
ಅವಳ ನೆನಪಗಳು ವಂಚಿಸಿದ ರಾತ್ರಿಗಳೆಲ್ಲವೂ ಕನಸಿಗೆ ರಜೆ ಕೊಡುತ್ತಿತ್ತು
ಹಾಸು ಬೆನ್ನಿಗೆ ಎದೆಗೀರಿನ ಚಿತ್ರಣ ಕೊಡದ ನನ್ನ ಅಲ್ಪಾಯುಷಿ ಬಯಕೆಯೊಂದು ಸೋಲಬಾರದೆಂಬ ನಿಲುವಿನಲ್ಲಿದೆ
ಮುಗಿಲೂರಿನವಳು ಇಷ್ಟಕ್ಕೆ ಒಲವಿನ ಮಗ್ಗುಲು ಬದಲಾಯಿಸುತ್ತಾಳೆ
ಅವಳ ಒಲವೆಂದರೆ ಮರೀಚಿಕೆಯನ್ನೋದು ಪ್ರತಿಬಾರಿ ಸೋಲುವವನಿಗೆ ತಿಳಿದ ವಿಚಾರವೇ ಆಗಿದೆ
ಇಂತಿಷ್ಟು ಕಾಲಾವಧಿಯ ಪ್ರಣಯ ವಿನಿಮಯಕ್ಕೆ ಒಲವೆಂದು ಹೆಸರಿಟ್ಟಿದ್ದಾಳೆ ಅವಳು..