ಓ ಮನಸೇ ನಿನ್ನ ಆಸೆಗೆ ತಕ್ಕಂತೆ ಆಡಿಸುತ್ತಿರುವೆ ನನ್ನನ್ನು.
ಕೇಳುವೆಯಾ ಒಮ್ಮೆ ನಿನ್ನ ಪ್ರತಿದ್ವನಿಯನ್ನು.
ಅದು ಸದಾಕಾಲ ವಿಚಲಿತಗೊಂಡು ಸ್ಮರಿಸುತ್ತೆ
ನೀ ತೋರಿದ ದಾರಿಯ ದಿಕ್ಕಿನ ಪ್ರತಿಫಲವನ್ನು.
ಅದೆಷ್ಟೇ ಕಷ್ಟ, ನೋವುಗಳು ಬಂದರು ಮರೆಯೋಲ್ಲ ನೀ ನಡೆಸಿದ ದಾರಿಯ ಪ್ರತಿ ಹೆಜ್ಜೆಯನ್ನು.
ಕಾಣದ ಬದುಕನು ಬಯಸಿದೆ ಮನ..
ಕಾಣುವೆ ಬದುಕನು ಒಂದು ದಿನ..
ಕಂಡರೂ ಇರಲಾರೆ ನಾ ಅಲ್ಲಿ ಹೆಚ್ಚು ದಿನ..
ಕಾಣದ ಬದುಕಿನ ಸುಂದರ ಕನಸಿನ
ಗೀತೆಯು ಇಂದು ಕೇಳುತಿದೆ....
ತಂಪಾದ ಗಾಳಿಲಿ ಸುಮಧುರ ಹಾಡಿದು
ನನ್ನೆದೆ ಕದವನು ಬಡಿಯುತಿದೆ....
ಎಲ್ಲಿಯದೋ ಕನಸು ಎಲ್ಲಿಯದೋ ಹಾಡು..
ಕಾಣ ಬಲ್ಲೆನೆ ಕಮಾನು....ಒಂದು ದಿನ
ಕೇಳಬಲ್ಲೆನೆ ಗೀತೆಯನು....
ಸಾವಿರ ಕನಸದೂ ಬದುಕಲಿ ಬಂದರೂ
ಒಂದೇ ಜೀವನವಿದೆಯಂತೆ..
ಬಣ್ಣದ ಲೋಕದಿ ಸುಳ್ಳಿನ ಜಾಲದ
ನರಳುವ ಜೀವಿಯು ನಾನಂತೆ....
ಕಣ್ಣೀರಂತೆ.....ಬರಿ ನೋವಂತೆ....
ಕಾಣ ಬಲ್ಲೆನೆ ನಗುವನು....
ಅದರೊಳು ಮರೆಯ ಬಲ್ಲೆನೆ ನೋವನು....
ಬಿಸಿಲ ತಾಪದಲಿ ಬೆಂಕಿ ಜ್ವಾಲೆಯಲಿ
ಬೆಂದಿರುವ ಹೂವು ನಾನು....
ಎಂದಿಗಾದರೂ..
ಮುಗಿಲ ನೋಡುತ ಅರಳಬಲ್ಲೆನೇನು....
ಅರಳಬಹುದೇ ನಾನು..
ಬದುಕಲಿ ಖುಷಿಯಿಂದ ಬಾಳಬಹುದೇ ನಾನು
ಬಾಳಬಹುದೇ ನಾನು..
ಅಳುವಿನ ಆಚೆಗೆ ಅವಿತಿದೆ ಅನುಭವ
ಅರಿವಿನ ಮಟ್ಟವ ಮುಟ್ಟದ ಅನುಭವ
ಆಘಾತಕ್ಕೆ ಮೆಟ್ಟಿಲ ಕಟ್ಟುವ ಅನುಭವ
ಅದುವೇ ಪ್ರೀತಿಯ ಅನುಭವ
ಇದರಿಂದ ಹೊರಬರುವುದು ಅಸಂಭವ
ಹೃದಯದ ನೋವಿಗೆ ಉಂಟೆ ಕಣ್ಣೀರಿನ ಅಭಾವ
ಕಣ್ಣೀರ ಹಿಡಿದಿಡಲು ಬಿಡುವುದೇ ವಿರಹದ ಕಲರವ
ಈ ಕಣ್ಣೀರಿಗೆ ಕಾರಣ ಭಾವನೆಗಳ ಪರಾಭವ
ಅದುವೇ ಪ್ರೀತಿಯ ಅನುಭವ
ಇದಕೇ ನೋವೇ ಫಲಾನುಭವ.
ಕನಸೇ ಕೆರಳಿಸುತಿರಲು ನಿದ್ರಿಸಲು ಸಾಧ್ಯವ
ನೋವೇ ಮನವಾಳುತಿರಲು ನಗಲು ಸಾಧ್ಯವ
ಹೃದಯವೇ ಎದೆ ಹಿಂಡುತಿರಲು ಬದುಕಲು ಸಾಧ್ಯವ
ಅದುವೇ ಪ್ರೀತಿಯ ಅನುಭವ
ಖುಷಿ ಕ್ಷಣಿಕ ಜೀವನ ಕೃತಕ ನಿತ್ಯ ನರಕ ಇದೇ ಪ್ರೀತಿ ಪ್ರಭಾವ.
ಮರೆಯಲಾಗದ ಮರೆಯಾಗದ ಮತ್ತೆ ಸಿಗದ ಮಧುರ ಪರ್ವ
ಅಡಗಿರುವಂತೆ ಕಾಣುವುದು ಜೀವನದ ಸರ್ವಸ್ವ
ಆದರೆ ಏನು ಇಲ್ಲ ಇದರಲಿ ನೋವಿನ ವಿನಃ
ಅದುವೇ ಪ್ರೀತಿಯ ಅನುಭವ
ಇದರಿಂದ ಸಾವೂ ಸಂಭವ.
ಸನಿಹದಿ ವಿರಸದ ವಿರಹದಿ ಸರಸದ ಭಾವ
ನಗುವಲಿ ಅಳುವಿನ ಅಳುವಲಿ ಸಾವಿನ ಭಾವ
ಉಸಿರು ನಿಂತಂತಹ ಜೀವವು ಸತ್ತಂತಹ ಭಾವ
ಅದುವೇ ಪ್ರೀತಿಯ ಅನುಭವ
ಇದರಿಂದ ನರಳುವುದು ಒಳಜೀವ.
ಸೂರ್ಯನಿಲ್ಲದ ಬೆಳಗು ಜಾವ
ಮುಂಜಾನೆಯಲಿ ಅರಳದ ಹೂವ
ಉಸಿರಾಡದೆ ಬದುಕುವ ಜೀವ
ಅದುವೇ ಪ್ರೀತಿಯ ಅನುಭವ
ಇದೊಂದು ಸಾರವಿಲ್ಲದ ತತ್ವ
ಗಗನ ಕುಸುಮ ನೀನು
ನನ್ನ ಮೆಚ್ಚಿದೆ ಏಕೆ ನೀನು
ಹುಣ್ಣಿಮೆ ರಾತ್ರಿಯ
ಹೊಂಬೆಳುಕು ನೀನು
ನನ್ನಲ್ಲಿ ಏನು ಕಂಡೆ ನೀನು
ಹೂವಿನಂತ ಮೃದುವಾದ ಮನದಲಿ
ಇರಬಹುದು ನೂರಾರು ಆಸೆಗಳು
ನಾನೇನು ಕೊಡಬಲ್ಲೆ ನಿನಗೆ
ಪ್ರೇಮದ ರಥದಲ್ಲಿ ಕುಳಿತಿರುವ ನಿನಗೆ
ಕತ್ತಲೆ ತುಂಬಿದ ನನ್ನ ಜೀವನದಲ್ಲಿ
ನಿನಗೇಕೆ ಆಸಕ್ತಿ ನನ್ನಲ್ಲಿ
ನಿನ್ನಲ್ಲಿದೆ ಅಂದ ಚಂದ
ನಿನ್ನಲ್ಲಿ ನಾ ಕಂಡೆ
ಬೇಲೂರಿನ ಪ್ರತಿಬಿಂಬ
ನಿನ್ನ ಕಂಗಳ ಒಲವಿನ ನೋಟ
ಮನದಲಿ ಕಟ್ಟಿತು ಒಲವಿನ ಮಂದಿರ
ನಿನಗೆ ಅರ್ಪಿತ ನನ್ನ
ಒಲವಿನ ಹೂ ಮಂದಿರ
ನಿನಗೆ ಮೀಸಲು ಗೆಳತಿ
ಈ ನನ್ನ ಜೀವ !