Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಹೃದಯಕೂ ಕಣ್ಣೀರುಂಟು

ಸೂರ್ಯನಿಗೂ ಕಣ್ಣೀರುಂಟು ಆದರದು,
ಹುಟ್ಟುವ ಮುನ್ನವೇ ಹಿಂಗಿದೆ
ಅದರದೇ ಶಾಖಕೆ.

ಇರುಳಿಗೂ ಕಣ್ಣೀರುಂಟು ಆದರದು,
ಕಾಣುವ ಮುನ್ನವೇ ಕಾಣೆಯಾಗಿದೆ
ಅದರದೇ ಕತ್ತಲೆಗೆ.

ನೀರಿಗೂ ಕಣ್ಣೀರುಂಟು ಆದರದು,
ನೊರೆಯಾಗುವ ಮುನ್ನವೇ ಮರೆಯಾಗಿದೆ
ಅದರದೇ ಅಲೆಗೆ.

ಗಾಳಿಗೂ ಕಣ್ಣೀರುಂಟು ಆದರದು,
ಜಾರುವ ಮುನ್ನವೇ ಹಾರಿದೆ
ಅದರದೇ ವೇಗಕೆ.

ಸಮಯಕೂ ಕಣ್ಣೀರುಂಟು ಆದರದು,
ಸುರಿಯುವ ಮುನ್ನವೇ ಸರಿದಿದೆ
ಅದರದೇ ಚಲನೆಗೇ.

ಮೋಡಕೂ ಕಣ್ಣೀರುಂಟು ಆದರದು,
ಮೂಡುವ ಮುನ್ನವೇ ಮಡಿದಿದೆ
ಅದರದೇ ಕರಗುವಿಕೆಗೆ.

ನನ್ನ ಹೃದಯಕೂ ಕಣ್ಣೀರುಂಟು ಆದರದು,
ಜಿನುಗುವ ಮುನ್ನವೇ ಅಸುನೀಗಿದೆ
ಅದರದೇ ನೀರವ ಮೌನಕೆ.

- ಶಶಿ ಕಿರಣ

- ಅಕವಿ

09 Jan 2017, 05:47 pm

ನಲ್ಮಯ ನಲ್ಲೆ

ಒ ನಲ್ಲೆ
ಪ್ತೀತಿಯಲ್ಲಿ ಗಲ್ಲೆಬ್ಬಿಸಿ
ಆಸರೆಯಲ್ಲಿ ಅಲೆಯಬ್ಬಿಸಿ
ಮನದಲ್ಲಿ ಗರಿಬಿಚ್ಚಿ
ನನ್ನೊಳಗೆ ನಿನಾಗಿರುವೆ
ಕಣ್ಣೊಳಗೆ ಬಿಂಬವಾಗಿರಿವೆ..
ನಿನ್ಮ ನೆನಪಿಲ್ಲದ ಕ್ಷಣವಿಲ್ಲದ
ಆ ಘಳಿಗೆಯಲ್ಲಿ ಜೀವಿಸಲಾರದ
ಜೀವಂತ ಶವ ನಾನು.
ಚಿಂತೆಯಲ್ಲಿ ನಿನ್ನ ನೆನದಾಗೆಲ್ಲ
ನೆನಪಾಗುವುದು ಆ ನಿನ್ನ ಮುಖದ
ಚಿತ್ರಣ ಮುಂದಪಡಿ ಬರುವುದು
ನಿನ್ನೆದೆಯ ಅಂತರಸಳದಿದಂದ...
ಮಲ್ಲು....

- mallu

09 Jan 2017, 05:46 pm

ನಲ್ಲೆ ಒ ನನ್ನ ನಲ್ಲೆ...‌%

ಒ ನಲ್ಲೆ
ಪ್ತೀತಿಯಲ್ಲಿ ಗಲ್ಲೆಬ್ಬಿಸಿ
ಆಸರೆಯಲ್ಲಿ ಅಲೆಯಬ್ಬಿಸಿ
ಮನದಲ್ಲಿ ಗರಿಬಿಚ್ಚಿ
ನನ್ನೊಳಗೆ ನಿನಾಗಿರುವೆ
ಕಣ್ಣೊಳಗೆ ಬಿಂಬವಾಗಿರಿವೆ..
ನಿನ್ಮ ನೆನಪಿಲ್ಲದ ಕ್ಷಣವಿಲ್ಲದ
ಆ ಘಳಿಗೆಯಲ್ಲಿ ಜೀವಿಸಲಾರದ
ಜೀವಂತ ಶವ ನಾನು.
ಚಿಂತೆಯಲ್ಲಿ ನಿನ್ನ ನೆನದಾಗೆಲ್ಲ
ನೆನಪಾಗುವುದು ಆ ನಿನ್ನ ಮುಖದ
ಚಿತ್ರಣ ಮುಂದಪಡಿ ಬರುವುದು
ನಿನ್ನೆದೆಯ ಅಂತರಸಳದಿದಂದ.
ಮಲ್ಲು..

...

- mallu

09 Jan 2017, 05:44 pm

ನಕ್ಷತ್ರಗಳು-೧೪.

ನಕ್ಷತ್ರದ ಮೊನಚು
ತುದಿಗಳು-ನನ್ನ ಏಕಾಂತಗಳನ್ನು
ಚುಚ್ಚಿ ಚುಚ್ಚಿ
ಆಕಾಶದಂತಹ ನನ್ನ
ಮನಸ್ಸಿನಲ್ಲಿ
ಶತಕೋಟಿ ಛಿದ್ರಗಳು.!
ಅದರ ತುಂಬ ಬೆಳಕಿನ ಕಿಡಿಗಳು,
ಕತ್ತಲಲ್ಲಿ ಮಾತ್ರ
ಗೂಢವಾಗಿ-ಗಾಢವಾಗಿ
ಮಿನುಗುತ್ತವೆ-ಮೌನವಾಗಿ.

************** ಪದ್ಯಾಣ.

- padyana

09 Jan 2017, 04:56 pm

ನಕ್ಷತ್ರಗಳು-೧೩

ನಿಶಾರಾಣಿಯ
ಮಣಿಹಾರ--ಪದಕ
ಆಗಸದ ಹಾಸಿಗೆಯಲ್ಲಿ
ಸೂತ್ರ ಹರಿದು-ಚದುರಿ
ಬಿದ್ದಿವೆ,ಚೆಲ್ಲಾಡಿವೆ!
ಹರಿದೆಸೆದವನಾರಲ್ಲಿ?

*************ಪದ್ಯಾಣ.

- padyana

09 Jan 2017, 04:18 pm

ಬೇಗ ಬಳಿಬಾರೆ.... [ಓ ಹೃದಯಾ

ನನ್ನ ಸಂಪೂರ್ಣವಾಗಿ ನೀ ಆವರಿಸಿರುವೆ
ಕನಸಲೂ ಸಹ ನಿನ್ನೇ ನಾ ಕಾಣುವೆ
ಹೃದಯ ಸೋತು ಶರಣಾಗಿದೆ ನಿನಗೆ
ಮನದಲಿ ಏನೋ ಭಯವಿದೆ ಸಣ್ಣಗೆ

ನಿನಗೇಳಲು ಬಯಸಿದ ಸಾವಿರ ಮಾತು
ತುಟಿಯಂಚಲೆ ಕಾಯುತಿದೆ ನಿಂತು
ಆ ಮಾತು ಮೌನದಲಿ ಮಣ್ಣಾಗುವ ಮೊದಲು
ಬಳಿ ಬರಬಾರದೆ ನೀನೊಮ್ಮೆ ಕೇಳಲು

ನೀನೀಗ ನನ್ನೊಳಗೆ ತುಂಬಿರುವೆ
ನಿನ್ನ ಕಣ್ಣ ನೋಟಕೆ ನಾ ಸೋತಿರುವೆ
ನಾನು ನೀನಾಗಿ ಬದಲಾಗಿರುವೆ
ಹೆಚ್ಚು ಕಾಡಿಸದೆ ಬೇಗ ಬಳಿಬಾರೆ

- Pb

09 Jan 2017, 04:16 pm

ನಕ್ಷತ್ರಗಳು-೧೨.

ಅಷ್ಟೆಲ್ಲಾ ಸಂಖ್ಯೆಯಲ್ಲಿ
ಇದ್ದರೂ ಪ್ರತಿಯೊಂದೂ
ಯಾಕೋ
ಅನಾಥವಾದವುಗಳಂತೆ
ನಕ್ಷತ್ರಗಳು
ಬಿಕ್ಕಳಿಸುತ್ತವೆ.
ರಾತ್ರಿಯ ನೀರವತೆಯಲ್ಲಿ.
************
ಪದ್ಯಾಣ.

- padyana

09 Jan 2017, 04:12 pm

ನಕ್ಷತ್ರಗಳು-೧೧

ನಕ್ಷತ್ರಗಳು
ಮೌನವಾಗಿವೆ.
ಖಂಡಿತ.
ಅವುಗಳು ಮಾತನ್ನು
ಆಡಲಾರವು.
ಯಾಕೆಂದರೆ
ಅವುಗಳು ಹೊರಳುವ
ನಾಲಿಗೆಗಳಲ್ಲ!
ಮಿನುಗುವ
ಕಣ್ಣುಗಳು!

***********ಪದ್ಯಾಣ.

- padyana

09 Jan 2017, 03:53 pm

ಹಳೆ ಪ್ರೇಮಿ

ದಯವಿಟ್ಟು ತಿರುಗಿ ನೋಡಬೆಡಾ,ಮತ್ತೆ ನನ್ನನ್ನು ಹಳೆ ಪ್ರೇಮಿಯಾಗಿಸಲು ಪ್ರಯತ್ನಿಸಬೆಡಾ

- ಸಂಘರ್ಷ ಎಸ್ ರಾಗಿ

09 Jan 2017, 03:31 pm

ನಗುವ ಹೂವು

ಹಸಿರ ಎಲೆಗಳ ಮೇಲೆ
ನಗುವ ಹೂಗಳ ಕುರಿತು
ಬರೆಯಬೇಕಿದೆ ಕವನ
ಅರಿತು ಅವುಗಳ ಪಯಣ!!

ಗಿಡದಿ ಎಲೆಗಳು ಚಿಗುರಿ
ಎಲೆಯ ಒಡಲಲಿ ಮದುರಿ
ಜನನವಾಗಿದೆ ಮೊಗ್ಗು
ಅರಳಲು ಅವಸರ ಅದಕೆ!!

ಇಬ್ಬನಿಯ ಸ್ಪರ್ಷಕ್ಕೆ
ಬೆಚ್ಚಿ ಎಚ್ಚರಗೊಂಡು
ಉದಯ ರಾಗದ ರವಿಯ
ಕಿರಣಕೆ ಮೈ ಒಡ್ಡಿ ನಿಂದು!!

ಅರಳಿ ಸಂತಸದಿ
ಸುಗಂಧವನು ತಾ ಬೀರಿ
ಮಕರಂದ ಚಿಮ್ಮುತ
ಹರೆಯವ ಏರಿ!!

ವಿರಹದ ಬೇಗೆಯಲಿ
ಬಳಲಿ ತಾ ನೊಂದು
ಪ್ರಣಯದ ಬಯಕೆಯಲಿ
ಕೈ ಚಾಚಿ ನಿಂದು!!

ಪುಳಕವಾಯಿತು ತನುವು
ದುಂಬಿಯ ಸ್ಪರ್ಷಕೆ
ಬೆರೆತು ಹೋಯಿತು ಒಲವು
ಪರಾಗ ಸ್ಪರ್ಷದಿ!!

ಸಡಿಲವಾಗಿಹ ದಳವು
ಗಿಡದ ಬುಡದಲಿ ಉದುರಿ
ಅಡಿಯ ಬೇರನು ಸೇರಿ
ಮರಳಿ ಉದಿಸಲಿ ನಾಳೆ!!

- ಪಿ.ಜಿ.ಜ್ಯೋತಿ

09 Jan 2017, 03:20 pm