Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಮರೆತು ಹೋಗಲಿ ಮನವೆ

ಮರೆತು ಹೋಗಲಿ ಮನವೇ
ಕಹಿಯಾದ ಕ್ಷಣಗಳು
ಎಲ್ಲರೆದೆಯೊಳಗೆ ಹೊಸ
ಬಾವದ ಉದಯದಾಳದ
ಹೊಸ ಆನಂದದ ನಂದನ ವನ
ಪಲ್ಲವಿಯಾಗಲಿ ಎನ್ನುವ ಆಶಯ
ನಿಮ್ಮೆಲ್ಲರಿಗಾಗಿ ನನ್ನಿಂದ
ಹೊಸ ವರ್ಷದ ಶುಭಾಶಯಗಳು

ಬಿ.ಹೆಚ್.ಕೆಂಪೇಗೌಡ

- ಬಿ.ಹೆಚ್.ಕೆಂಪೇಗೌಡ

01 Jan 2017, 10:42 am

ಹೊಸ ವರ್ಷ.

ಹಿಂದೆ ಸರಿಯುತ್ತಿದೆ ಹಳೆಯ ವರ್ಷ
ಮುಂದೆ ಕಾಣುತಿಹುದು ಹೊಸ ವರ್ಷ
ಈ ವರ್ಷ ತರಲಿ ನಿಮಗೆಲ್ಲರಿಗೂ ಹರ್ಷ...!!!

ಹೊಸ ಅಧ್ಯಾಯಕ್ಕೆ ಆಗು ನೀ ಮುನ್ನುಡಿ
ಎಲ್ಲೆಡೆ ಪಸರಿಸಲಿ ನಿನ್ನ ಮನದಾಳದ ಕಿಡಿ..!!!

-- ನಿಮ್ಮನೆ ಹುಡ್ಗ Maruthish

- ನಿಮ್ಮನೆ ಹುಡ್ಗ ಮಾರುತೀಶ್

01 Jan 2017, 10:01 am

ಹದಿನಾರ(2016)ರ ಹಳಹಳಿ

ನನ್ನೋಲುಮೆಯ ಹದಿನಾರ
ನೀ ಬಿಟ್ಟು ಹೋದ ನೆನಪು
ನೂರಾರ
ಬಲು ತೋರಿದೆ ಕರುಣೆ
ಮರೆಯಲಾರೆ ನಿನ್ನ ಸ್ಮರಣೆ||

ಜೋಡಿಯುಸಿರಿಗೊಂದ
ಉಸಿರು ಸೇರಿಸಿದಿ.
ಉಸಿರಿನಿಂದ
ಹಸಿರು ಸ್ಪುರಿಸಿ
ಹರಸಿದಿ |

ಕೆಟ್ಟ ಹಸಿವು
ಸುಟ್ಟ ಭಾವಕೆ
ಅಮೃತ ಉಣಿಸಿ
ತನಿಸಿದಿ
ಬೆಟ್ಟದಷ್ಟು ಭಾವ
ತುಂಬಿ
ನಮ್ಮನೆಲ್ಲ ಕುಣಿಸಿದಿ|

ಹದಿನಾರ ಬಲು ಹಳ ಹಳಿ
ನನಗ
ನೆನಪು ನೂರಾರ
ಅನನ್ಯ ಧನ್ಯವಾದ ನಿನಗ
ಹೊಸ ಸ್ನೇಹ ಕೊಟ್ಟಿ
ಹಳೆ ಸ್ನೆಹ
ಉಳಿಸಿದಿ
ಗಟ್ಟಿ ಮುಟ್ಟಿ
ಪ್ರೀತಿ-ಸ್ನೇಹದಿಂದ
ತುಂಬಿದೆ ಎದೆಯ ಕಟ್ಟಿ|

ಬರುವ ವರುಷ ಶುಭವ ತರಲಿ
ಸ್ನೇಹ ಕೊಂಡಿ ಗಟ್ಟಿ ಇರಲಿ
ಹೃದಯ ತುಂಬ ಪ್ರೀತಿಯಿರಲಿ
ಜಗದ ತುಂಬ ನಗುವೆ ಇರಲಿ.|


- bharatakumar

01 Jan 2017, 07:15 am

ಹೊಸ ವರುಷ..ಹೊಸ ಹರುಷ......

ಹೊಸ ದಿನಗಳ ಹೊತ್ತು ತರುತಿದೆ ಮತ್ತೊಮ್ಮೆ,
ಹಳೆ ದಿನಗಳ ದೂರ ಸರಿಸುತಲಿ ಮಗದೊಮ್ಮೆ..
ಹೊಸವರುಷ ತರುತಲಿದೆ ಹೊಸತನವ,
ಹೊಸಹುಮ್ಮಸ್ಸಿನಲಿ ತೇಲಿಸುತಿದೆ ಮೈಮನವ‌‌‌....
ಹಳೆ ವರುಷದ ಬೇರಿನಲಿ ಹೊಸವರುಷ ಚಿಗುರುತಿದೆ,
ಹಳೆ ಮನಸ ಮೂಲೆಯಲಿ ಹೊಸ ಕನಸ ಬಿತ್ತುತಿದೆ...
ಹಳೆ ದಿನಗಳ ವ್ಯವಕಲನ, ಹೊಸ ದಿನಗಳ ಸಂಕಲನ,
ಹೊಸವರುಷದಲಿ ಆಗುತಿದೆ ಅವೆರಡರ ಸಮ್ಮಿಲನ..
ಹಳೆನೋವ ಮರೆಯೋಣ, ಹೊಸ ಖುಷಿಯ ಸವಿಯೋಣ,
ಹೊಸ ವರುಷದಲಿ ಒಂದಾಗಿ ಹೊಸತನವ ಹಂಚೋಣ...

- jp R

01 Jan 2017, 03:01 am

ಹೊನಿಲಿನ ವರುಷ

ಕಣ್ಣಂಚಿನ ಕನಸು
ಮರೆಯಾದ ಮಾತು
ಕಾಡುವ ನೆನಪು
ಕಂತೆ ಕಟ್ಟಿರುವಾಗ

ಎದೆಯಾಳದ ನೋವು
ಕರಗದ ಭಾವನೆ
ಸಿಗದಿರುವ ಪ್ರೀತಿ
ಮಡಗಟ್ಟಿರುವಾಗ

ಗತಕಾಲ ಮರೆಸಿ
ಮಿಂಚಂತೆ ಮಿಂಚಿ
ಹೊಸಬಾಳ ಬೆಳಗಲು
ಬರುತಿದೆ ಹೊಸ ವರ್ಷದ ಹೊನಲು

ತುದಿಗಾಲ ಮೇಲ್ ನಿಂತು
ಕೈಯರೆಡು ಮೇಲ್ ಚಾಚಿ
ನಿನ್ನವರಿಗೆ ಕೂಗಿ ಹೇಳು
ಹೊಸ ವರುಷದ ಶುಭಾಶಯ

- ವೆಂಕಟೇಶ್ ದೈಶಿ ವೇಮಗಲ್

01 Jan 2017, 01:15 am

ನಿನಗಾಗಿ ಮೀಸಲು... (ಓ ಹೃದಯಾ

ಮನಸೇಕೋ ಹಪಿಸುತಿದೆ,
ನಿನ್ನ ನೋಡಲೆಂದು.... 

ಕಾಡುತಿದೆ ಅರಿಯದ 
ಭಯವೊಂದು, ಈ
ಹೃದಯದ ಬಡಿತ ನಿಲ್ಲುವ ಮುನ್ನ.... 

ಹೇಳಬೇಕಿದೆ ಮಾತೊಂದು
 ಇಂದಿಗೂ ಈ ಹೃದಯ
"ನಿನಗಾಗಿ ಮೀಸಲೆಂದು"... 

ಪಡೆಯಬೇಕಾಗಿದೆ ಅಪ್ಪಣೆಯೊಂದು,
ಮಲಗಲು ನಿನ್ನ ಮಡಿಲಲಿ,
ಈ ಉಸಿರಿನ ಕೊನೆ ಘಳಿಗೆಯಲಿ.... 

ನನ್ನ ಕೊನೆಯ ಆಸೆ
ಪೂರೈಸಿದೆಯೆಂದು, ಹೇಳುತ,
ಕಣ್ಮರೆಯಾಗಬೆಕೆನಿಸಿದೆ ಇಂದು....        

- Pb

01 Jan 2017, 12:33 am

ನೂತನ ವರುಷ

ನೂತನ ವರುಷ ತರಲಿ
ಮಂದಹಾಸ ಮುಖದಲಿ
ಹಳೆ ವರುಷ ಸೇರಲಿ
ಸವಿನೆನಪುಗಳ ಸಾಲಲಿ
–ಭವ್ಯಶ್ರೀ

- ಚುಕ್ಕಿ

01 Jan 2017, 12:20 am

ಮುಂಗಾರ ನಿರೀಕ್ಷೆ!

ನಿನಗೇ-ನನ್ನ
ನನಗೇ-ನಿನ್ನ
ಮನಸೀನ ಬೆಸೆತ? ಅದು ಯಾಕೆ! ಯಾರಿಷ್ಟ?

ನಾನೆಂಬ ಮನಸ್ಯಾರೋ
ನೀನೆಂಬ ಮನಸ್ಯಾರೋ
"ಪರವಶವೇಕೆ ಮನ-ಮನಸು?"

ನನ್ನೊಳಗಿನ ಎಲ್ಲಾ ನಾನೇನಲ್ಲ!
ನಿನ್ನೊಳಗಿನ ಎಲ್ಲಾ ನೀನೇನಲ್ಲ!
ಯಾರ್-ಯಾರೋ ಎಲ್ಲೆಲ್ಯೋ ಅದು ಯಾಕೆ? ಯಾರಿಷ್ಟ.

ಒಲವನ್ನೇ ಧ್ಯಾನಿಸಿ
ನೆನಪಿನ ಉಳುಮೆ
"ಮುಂಗಾರ-ನಿರೀಕ್ಷೆ! ಅದು ಯಾಕೆ, ಯಾರಿಷ್ಟ??

.......................ಗರಿಮಾಮ?!?!

- Prasanna kumar K S

31 Dec 2016, 11:39 pm

ವಿದಾಯ

ನಿಂತಿರುವೆ ಆಗಸಕೆ ಕಣ್ನೆಟ್ಟು
ಹೊಸ ಕಿರಣದ ಆಗಮನಕೆ
ಈ ಇರುಳಿಗೆ ಹೇಳಿ ವಿದಾಯ

ಮುಚ್ಚಿದ ಕಂಗಳಲಿ ಕಾಣುತ್ತಾ
ಹೊಂಗನಸೊಂದು ಸುಂದರ
ಬೇಡದ ದುಮ್ಮಾನಕೆಹೇಳಿ ವಿದಾಯ

ಬೇರೇನೂ ಕೇಳೆ ನಾ ದೇವಾ
ಕೃಪೆ ಇರಲಿ ಸದಾ ನಮ್ಮ ಮೇಲೆ
ಹೊಸ ವರ್ಷ ತರಲಿ ಸುಖ ಸಕಲರಿಗೆ
ಬಾ ಎಂದು ಕರೆಯುತ ನವವರ್ಷವ
ಹೇಳುತ್ತಾ ಹಳತಿಗೆ ವಿದಾಯ
ವಿದಾಯ ವಿದಾಯ.....

ಕವಿ ರಾಜ

- kavita Rajesh

31 Dec 2016, 11:24 pm

ಹಣೆಬರಹ... (ಓ ಹೃದಯಾ ♡ ಕೇಳಿದೆಯಾ)

ದಿನ ಮುಳುಗಿದ್ದರು
ಇನ್ನೂ ರಾತ್ರಿ ಬರುತ್ತಿಲ್ಲ
ನೀ ದೂರವಿದ್ದರು
ನಿನ್ನ ನೆನಪು ಬೆನ್ನು ಬಿಡುತ್ತಿಲ್ಲ
ಆದರೂ ಅದೇಕೋ
ಮನದಂಗಳ ಇನ್ನೂ ಕತ್ತಲಲ್ಲಿದೆ
ಭಾವಗಳೆಲ್ಲ ಕುರುಡಾಗಿದ್ದರು
ಎದೆ ಸುಡುತಿದೆ ವಿರಹದ ಬೇಗೆಯಲಿ
ಭಾವನೆಗಳ ಜೊತೆ ಬೆರೆತಿರುವೆ ನೀನು
ನೀನೇನೆ ಹೇಳು ಜನ್ಮಪೂರ್ತಿ
ನಿನ್ನದೇ ನೆನಪಲ್ಲಿ ನರಳೋದೇ.
ನನ್ನ ಹಣೆಬರಹ....

- Pb

31 Dec 2016, 10:09 pm