ಋಣ ಮುಗಿದಾ ಕ್ಷಣ
ಕಡಿದುಕೊಂಡಿತೆ ನಮ್ಮ ಯಾನ
ಕರೆದಿತೆ ಕೈ ಬೀಸಿ ದೂರದ ಪಯಣ
ಇನ್ನೆಲ್ಲಿ ನಿನ್ನ ನಿತ್ಯ ಸ್ಪಂದನ ..
ದಿನವೂ ಹೊಸ ಮುನ್ನುಡಿ
ದಣಿವ ಆರಿಸುವ ಮೌನದ ನುಡಿ
ನಲಿವಿಗೂ ನೀನಾದೆ ಕೈಪಿಡಿ ..
ಇನ್ನೆಲ್ಲಿ ನಿನ್ನ ಬಾವ ಲೇಖನಿ...
ನಿನ್ನ ಬೆಳೆಸಿದ ಕೈಗಳಲೆ
ನಿನ್ನಅವಶೇಷವ ಕಿತ್ತೊಗೆಯಬೇಕೆ
ನಿನ್ನ ಮರೆತು ಮುಂದೆ ಸಾಗಬೇಕೆ ...
ಇನ್ನೆಲ್ಲಿ ವೈಭವ ಈ ಅಂಗಳಕೆ ...
ಬಂಡಿಯಲೊಂದು ಬದುಕು
ಸಾಗಲೊಂದು ದಾರಿ
ನಿನ್ನದೇ ನೆನಪಿನ ಬುತ್ತಿ
ಪಾರಿಜಾತೆ ಮಾಸದೆ ನಿನ್ನ ನೆನಪು
ಇನ್ನುಳಿದ ಹಾದಿಯಲಿ ಬರಿದೆ
ನೀ ಚೆಲ್ಲಿದ ಪರಿಮಳದ ನೆನಹು ...
ಮೂಕ ಮನಸಿನ ರೋದನೆ
ಯಾರಿಗೂ ಹೇಳಲಾಗದ ವೇದನೆ,,
ಯಾರಿಗೇಳಲಿ ಮನದೊಳಗಿನ ನೋವು
ನಾ ಆಶಿಸಿರುವುದು ಆ ನೋವಿನ ಸಾವು,,
ಸಾಂತ್ವನ ಹೇಳುವ ಮನಸಿಗಾಗಿ ಕಾದಿರುವೆ
ಆ ಮನಸ ಹೊಂದಿರುವ ಹುಡುಗಿ ನೀ ಎಲ್ಲಿರುವೆ...
ಮುನಿಸಿಕೊಂಡ ನಲ್ಲೆಯಾ
ಓಲೈಸಿಕೊಳ್ಳುವುದು ಹೇಗೆ ಬಲ್ಲೆಯಾ
ಅರಿತೊಕೊ ಮೊದಲು ಅವಳ ಪ್ರೀತಿಯಾ
ಕಲಿತುಕೊ ಅವಳ ಜೋತೆ
ಹೇಗೆ ಬಾಳಬೇಕೆಂಬ ರೀತಿಯಾ
ಅಳವಡಿಸಿಕೋ ಸರಿಯಾದ ನೀತಿಯಾ
ಬೇರೆಯವರು ಅಳವಡಿಸಿಕೊಳ್ಳಲಿ
ನಿನ್ನ ಜೀವನದ ದಾರಿಯಾ
ಈ ನಾಣ್ಯಕೆ ಬೆಲೆ ಇಲ್ಲ
ದುಡಿದು ತಾ ಗಳಿಸುವುದು ಎಲ್ಲಾ
ಬೆಲೆ ಬರುವುದು ವ್ಯಕ್ತಿತ್ವದಿ
ಕಳೆವುದು ದುರಾಚಾರದಿ
ಸಮಾಜದ ಖಜಾನೆಯಲಿ ಬೆರೆತರೂ..
ಇಲ್ಲಿ ಮುಖಬೆಲೆಯ ಗುಂಪು, ತಾಣ
ವಿದ್ಯೆ ಹತ್ತಿದರೆ ಬೆಲೆಯೇ ಬೇರೆ
ಇಲ್ಲದಿದ್ದರೆ, ಇಲ್ಲಿ ಚಿಲ್ಲರೆಯೇ
ಈ ನಾಣ್ಯಕೂ ಇದೆ ,
ಮೇಲು ,ಕೀಳೆಂಬ ಭೇದ - ಭಾವ
ಬಾಲ್ಯ - ವೃದ್ಧಾಪ್ಯದ ಆಯಸ್ಸು ಭಾವ
ಹಗಲಿರುಳೂ ಶ್ರಮಿಸಿದರು ಏರದು
ಹಲವು ನಾಣ್ಯಗಳ ಮುಖಬೆಲೆ
ಕವಡೆಯ ಬೆಲೆಯು ಇಲ್ಲ
ಇಲ್ಲಿ ಬಹು ನಾಣ್ಯಕೆ
ಆದರೂ, ನಾಣ್ಯ ಯತ್ನಿಸಿದೆ
ಮಾಸಲಲಿ ಸವಕಲಾಗುತಾ
ಐದು ವರ್ಷಕ್ಕೊಮ್ಮೆ ದಿಢೀರ್
ಏರುವುದು ಮುಖಬೆಲೆ ಒಮ್ಮೆಗೆ
ಆಗ ,ಸಮಾಜ ಖಜಾನೆಯ
ಎಲ್ಲ ನಾಣ್ಯ ಸಂಮಿಶ್ರ
ಚಿಲ್ಲರೆ ಮಾತಿಗೂ ಗೌರವದ ಬೆಲೆ
ಭೇದವಿಲ್ಲದ ಏಕತೆಯ ಬೆಲೆ ಅಳಿವುದು
ನಾಯಕ ನಾಣ್ಯದ ಮೋಡಿ ಕಳೆದ ಮೇಲೆ
ನಾನು, ಜೀವಂತ ನಾಣ್ಯ
ಈ ನಾಣ್ಯಕೆ ಬೆಲೆ ಇಲ್ಲ...