Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಚಲುವ ಕನ್ನಡ ನಾಡು

ಚಲುವೈತಿ ಕನ್ನಡ ನಾಡು
ತಿರುಗಿ ಒಮ್ಮೆ ನೋಡುವ ಬಾರೆ "ಪ"

ಹಂಪಿ ಬೇಲೂರ ಶಿಲ್ಪ
ತಿರುಗಾಡಿ ನೋಡುವ ಸ್ವಲ್ಪ
ಬಾಳು ಎಂಬುದು ಇರುವುದು ಅಲ್ಪ
ನೋಡದಿದ್ರೆ ಮಹಾ ಪಾಪ
ಈ ನಾದ ಸೊಬಗನು ಅರಿತು
ಖುಷಿಯಿಂದ ಹಾಡುವ ಬಾರೆ. "೧"

ಮೆರೆಯುತಿದೆ ಜೋಗದ ಸಿರಿ
ಎಂತ ವರವ ನೀಡಿದೆ ಹರಿ
ಸೈಹ್ಯಾದ್ರಿ ಬೆಟ್ಟದ ಲಹರಿ
ಸುತ್ತಿನಂತೆ ಹಾವಿನ ಮರಿ
ಶ್ರೀ ಗನ್ಧದ ಕಾಡು ನಮ್ಮದು
ವನದಲ್ಲಿ ಉಯ್ಯಾಲೆ ಆಡುವ ಬಾರೆ "೨"

ಅಂಟುವಂತೆ ಹುಬ್ಬಳ್ಳಿ ಧಾರವಾಡ
ಸಿಧಾರೂಢರ ದೊಡ್ಡ ಪವಾಡ
ಅನ್ನಪೂರ್ಣೆಯ ಹೊರನಾಡ
ನೋಡು ಎಂಥಾ ಸುಂದರ ಕಾಡ
ಬೆಳ್ಳಿ ಚಿನ್ನ ಬೆಳೆಯುವ ನಾಡ
ಒಮ್ಮೆ ಇಲ್ಲಿ ಮಡಿದರು ಪಾಡ. "೩"

ಆಗುಂಬೆ-ಚಾರ್ಮಾಡಿ ಘಾಟ
ದೇವರೇ ನಿಂತು ಮಾಡಿದಂಗೆ ಮಾಟ
ನೋಡೋ ಕಣ್ಣಿಗೆ ಹಬ್ಬದ ಊಟ
ನನಗೆ ಮಾತ್ರ ಅದೊಂದೇ ಹಟ
ಕಡಲ ತೀರದ ಕಾರವಾರ
ಸುತ್ತೋಣ ಬಾರ ಮೈಸೂರ ಬೆಂಗಳೂರ "೪"

- ಶಹಾಬುದ್ದೀನ್ ಕೆ. (ಕಾವ್ಯಪ್ರೀಯ)

18 Dec 2016, 11:01 pm

ಯಶಸ್ಸು

ನಿನ್ನ ಯಶಸ್ಸಿನ ಮೇಲೆ ಗರ್ವಪಡಬೇಡ
ಚುಕ್ಕೆಗಳು ಜಾರಿ ಬೀಳುವುದನ್ನು ನಾನು ಕಂಡಿದ್ದೇನೆ
ನಿನ್ನ ಜ್ಞಾನದ ಆಳವನ್ನು ಕೊಂಡಾಡಬೇಡ
ಸಾಗರಗಳು ಬತ್ತಿರುವುದನ್ನು ಕಂಡಿದ್ದೇನೆ
ನಿನ್ನ ರೂಪದ ಬಗ್ಗೆ ಅಹನ್ಕಾರ ಪಡಬೇಡ
ಮೊನಾಲಿಸಾ ಮಣ್ಣು ಸೇರಿದ್ದನ್ನು ನಾನು ಕಂಡಿದ್ದೇನೆ
ಜೀವನದಲ್ಲಿ ಗೆದ್ದೆನೆಂದು ಬೀಗಬೇಡ
ಅಲೆಕ್ಸಾಂಡರ್ ಶರಣಾಗಿದ್ದನ್ನು ಕಂಡಿದ್ದೇನೆ

- ಶಹಾಬುದ್ದೀನ್ ಕೆ. (ಕಾವ್ಯಪ್ರೀಯ)

18 Dec 2016, 10:06 pm

ಬುದ್ಧಿಯೋ ಮನಸೋ?

ಮನಸು ಬುದ್ಧಿಗಳೆರೆಡು ಹೇಳುತಿರಲು ಹಿಂಬಾಲಿಸು ನನ್ನ ನನ್ನ,
ಯಾರ ಹಿಂದೆ ಓಡಲಿ ನಾನು
ಮನಸು ನನ್ನದೇ ಬುದ್ಧಿಯು ನನ್ನದೇ,
ಮನಸು ಸೋಲದು, ಬುದ್ಧಿಯು ಬಾಗದು,
ಮನಸನ್ನು ಬಿಡಲಾರೆ ಬುದ್ಧಿಯನ್ನು ತೊರೆಯಲಾರೆ,
ಯಾಕಿಷ್ಟು ಸ್ವಾರ್ಥ ಮೋಹ ಬುದ್ಧಿ
ಮನಸೇ,
ನೀವೆಂದು ನನ್ನ ಬಾವ ಬದುಕು
ಹೇಗಿರಲಿ ನಾ ನಿಮ್ಮ ತೊರೆದು,
ನಿಲ್ಲಿಸುವಿರ ಕದನವ,
ನೀವು ಒಡಗೂಡಿ ಸಂತಸದಿ ಜೊತೆಯಾಗಿ ನಡೆಸಿದರೇನೆ ಸುಂದರ ಈ ಬದುಕು,
ನಿಲ್ಲಿಸುವಿರ ಸ್ವಾರ್ಥವ ಜೊತೆಗೊಡಗೂಡಿ ಬರುವಿರ ನಾ ನಿಮ್ಮವ.

- ಶ್ರೀಕಾವ್ಯ

18 Dec 2016, 09:47 pm

ಚೆಲುವೆ

ಹುಣ್ಣಿಮೆ ಚಂದ್ರನಂತ ಮೊಗದವಳೆ...
ನಯನದಲೆ ಮನಸ್ಸನ್ನು ಸೆಳೆದವಳೆ...
ಕಾಮನಬಿಲ್ಲಿನ ಸೊಬಗಿನವಳೆ...
ಹೃದಯದಲಿ ಪ್ರೀತಿ ಧಾರೆಯೆರೆದವಳೆ...
ನೀನೆ ನನ್ನ ಒಲವಿನ ಹೂಮಳೆ...

- B.Shree

18 Dec 2016, 09:41 pm

ಭಾವದ ಬಲಿ

ನನ್ನೆಲ್ಲಾ ಭಾವಗಳೂ
ಪರವನೆಲ್ಲ ತ್ಯಜಿಸಿ
ನಿನ್ನಲ್ಲೇ ಲೀನಗೊಂಢು
ತನ್ನೆಲ್ಲಾ ಜಗವು ನೀನೇ-
-ಎಂಬ ಪರವಶತೆಯಲಿ ಬದುಕುತಿದೆ
ಆದರೆ ನೀನೇಕೆ ವಂಚಿಸುತ
ಪ್ರೇಮಭಾವದಿ ಸುಳ್ಳ ಸಾಧಿಸುತ
ಎನ್ನ ಭಾವದ ಬಲಿಗೆ
ಸದಾ ಹೊಂಚಿರುವೆಯಲ್ಲ.....

...............-ಗರಿಮಾಮ

- Prasanna kumar K S

18 Dec 2016, 07:32 pm

ಮರೆತಿರುವೆನೆಂಬ ಭಾವದಲ್ಲಿ

ಏನೋ ಆತಂಕ ಎಂತದ್ದೊ ತಳಮಳ...
ಮನದ ಸರೋವರದಲ್ಲಿ ಮತ್ತೆ ಕೋಲಹಲ...
ಮರೆತಿರುವೆನೆಂಬ ಭಾವದಲ್ಲಿ ಮತ್ತೆ
ನೀ ಮೂಡಿಸಿದ್ದ ಹೆಜ್ಜೆಯ ಹುಡುಕಾಟ ...
ಛೇ,
ಮತ್ತೇಕೊ ಜಾರುತಿದೆ ಮನ ನಿನ್ನೆಡೆಗೆ...
ಸಿಗದ ಚಂದ್ರನೆಡೆಗೆ ಕೈ ಚಾಚುವ ಕಂದನಂತೆ...

- chikki

18 Dec 2016, 07:19 pm

ಬದುಕು

ಅನಿರೀಕ್ಷಿತ ಘಟನೆಗಳ ಸಾಗರ
ಬಯಕೆಗಳ ಹಂದರ
ಕನಸುಗಳ ಸರಮಾಲೆ
ಸಂತಸಗಳ ಕಂತೆ
ದುಃಖಗಳ ಚಿಂತೆ

- ರಾಜು ಹಗ್ಗದ

18 Dec 2016, 07:14 pm

ದೇವರೇ ನೀನೇ ಸರಿಯಿಲ್ಲ

ಭುವಿಯ ದೈವಗಳಲಿ ಎಲ್ಲ ಸರಿಯಿಲ್ಲ
ನೀನೇ ತಂದೆ ತಾಯಿ ಗುರು
ಬಳಗವೆಲೢವೆಂದು ತ್ರಿಕಾಲದಿ ನೆನೆದರೂ
ನೀನಲೢದ ಮತ್ತೇನೂ ಬೇಡವೆಂದಲವತ್ತಿಕೊಂಡರೂ
ಹೃದಯವ ಪರಿಪರಿ ಒಪ್ಪಿಸಿದರೂ
ತೃಪ್ತಿಪಡರು-ಸದಾ ವಿಚಲಿತರು
ಎನ್ನೊಳು ಕುಂದನೇನು ಕಂಡರೋ
ನೀನೊಬ್ಬನೇ ನನಗೆಂದರೂ
ನಾನೊಬ್ಬನೇ ಅವನಿಗಲ್ಲವಲ್ಲ.
......ಗರಿಮಾಮ

- Prasanna kumar K S

18 Dec 2016, 06:58 pm

ದೇವರೇ ನೀನೇ ಸರಿಯಿಲ್ಲ

ಭುವಿಯ ದೈವಗಳಲಿ ಎಲ್ಲ ಸರಿಯಿಲ್ಲ
ನೀನೇ ತಂದೆ ತಾಯಿ ಗುರು
ಬಳಗವೆಲೢವೆಂದು ತ್ರಿಕಾಲದಿ ನೆನೆದರೂ
ನೀನಲೢದ ಮತ್ತೇನೂ ಬೇಡವೆಂದಲವತ್ತಿಕೊಂಡರೂ
ಹೃದಯವ ಪರಿಪರಿ ಒಪ್ಪಿಸಿದರೂ
ತೃಪ್ತಿಪಡರು-ಸದಾ ವಿಚಲಿತರು
ಎನ್ನೊಳು ಕುಂದನೇನು ಕಂಡರೋ
ನೀನೊಬ್ಬನೇ ನನಗೆಂದರೂ
ನಾನೊಬ್ಬನೇ ಅವನಿಗಲ್ಲವಲ್ಲ

- Prasanna kumar K S

18 Dec 2016, 06:55 pm

ನಾನು / ನಾವು

ನಾನು ನಾನೇಂಬುದೆಲ್ಲ 1 ದಿನ
ನನ್ನದು ತನದೆಂಬುದೆಲ್ಲ 1 ಕ್ಷಣ
ನನ್ನವರು ತನ್ನವರು ಎಂಬುದೆ ಜೀವನ
ಸುಖಮಯವಾಗಿರಲಿ ನಮ್ಮೆಲ್ಲ
ಮಿತ್ರರ ಜೀವನ ಪ್ರಯಾಣ

ಯುವಾ ಗೌಡ

- ಯಶ್ ಗೌಡ - S.B

18 Dec 2016, 06:17 pm