Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

*ನೀನೆ*

ಹೃದಯ ಮಿಡಿಯುತ್ತು ಅಂದು,
ನಿನ್ನೆ ಬಯಸಿದೆ ಎಂದು |
ಕನವರಿಕೆಯಲ್ಲು ನೀನೆ,
ಬಿಸಿ ಉಸಿರಲು ನೀನೆ |
ಕಾಣೋ ಕನಸಲು ನೀನೆ,
ಕಳೆದ ಸ್ವಪ್ನದಲ್ಲು ನೀನೆ |
ಕೇಳೆ ನನ್ನ ಮಿಡಿಯುವ ಹೃದಯವು ನೀನೆ !!

*ನೀನೆ*

- ಬಾಲಕೃಷ್ಣ

13 Dec 2016, 09:09 am

ಕಾದಿಟ್ಟ ಕನಸಲಿ ನಿನ್ನ ಅರಸುವ

ಕಾದಿಟ್ಟ ಕನಸಲಿ ನಿನ್ನ ಅರಸುವೆ
ಕಾಣದೆ ಕರೆವೆ,ತಪಿಸುವೆ
ಸರಿದಾಡುವೆ ಸನಿಹದಿ ನೀ ಚಿಟ್ಟೆಯಂತೆ
ಅರಳಿರುವೆ ಘಮದಿ ಸಂಪಿಗೆಯಂತೆ
ನೋಟದಲ್ಲೇ ನನ್ನ ಸೋಕುವೆ
ಹುಸಿಮುನಿಸ ಸೂಸುವೆ
ಸನಿಹ ನಿಂತು ಕೆಣಕುವೆ
ಬಂದಾಗ ದೂರ ಓಡುವೆ
ಬೆವೆತು ಲಜ್ಜೆಯಲಿ ಇಣುಕುವೆ..

‌‍ಕಾಡಿ ನಲಿದಾಡುವೆ
ಬೇಡಿ ಶರಣಾಗುವೆ
ಬಳಿಸರಿದು ಪಿಸುಗುಡುವೆ
ಬಳಸಿ ಪರವಶತೆ ತೊರುವೆ
ಬೆರಗಿನಲಿ ಬೆರೆಯುತಾ
ನನ್ನಲ್ಲಿ ನಿನ್ನ ಹುಡುಕುವೆ
ನಿನ್ನಲ್ಲಿ ನನ್ನ ಬೆಸೆಯುವೆ...

- Indushekar Chinivar

13 Dec 2016, 07:32 am

ಪೆಡಂಭೂತ...

ಭ್ರಷ್ಟ ದುಡ್ಡು ,
ದಂಡಿ ದಂಡಿಯಾಗಿ ಬೆಳೆದು
ಕಪ್ಪು ಧನವಾಗಿ ಮುಚ್ಚಿಟ್ಟು ಬಿಟ್ಟರೋ

ಜಾಣನೆಂಬ ವೀರನೊಬ್ಬ
ಕಠಾರಿಯನ್ನಿಡಿದು ಅಗೆದು ಬಗೆದು
ತೋಡಿ ಬಯಲಿಗಿಟ್ಟನೋ

ನೋಡು ಬಡವ , ಕಾಳಧನಿಕನ ಪರದಾಟವ
ವಿಲವಿಲನೆ ಬಡಿದು ಕೊಳ್ಳುವ
ಅವನ ಜೀವವ

ಗರಿಗರಿ ನೋಟಿಗೆ ಕಡ್ಡಿ ಗೀರಿ
ಬೆಂಕಿಯಿಟ್ಟ ಕಾಳಧನಿಕನು,
ಭ್ರಮಣೆಗೊಂಡು ಹರಿದುಕೊಂಡ
ತೊಟ್ಟ ಬಟ್ಟೆಯ ,

ಬೀದಿ ಎಂಬ ಬಯಲಲ್ಲಿ
ದಿಗಂಬರನಾಗಿ ಹೋದನು
ಕೆಟ್ಟ ಹೃದಯವು ಅಯ್ಯೋ ಎಂದಿದೆ
ಜಾಣನೆದುರು ಮಂಡಿಯೂರಿದೆ.


--ಭಾಮಿನಿ ಡಿ,ಕೆ ,ಎಸ್

- bhamini. chitradurga

12 Dec 2016, 10:34 pm

ಹನಿ..

ನೊಂದ‌ ಮನಸ
ಬಿಗಿದಪ್ಪಿ ನಿಶೆ ,
ಜೋಗುಳ ಹಾಡಿದ
ಇರುಳು...

- Indushekar Chinivar

12 Dec 2016, 10:14 pm

ನನ್ನವ್ವ..

ನಮಗಿಲ್ಲಿ ಯಾರಿಹರು
ಭುವಿಗೆ ಬಂದೊಡೆ
ಯಾರಿದ್ದರೂ ಇರದಿದ್ದರೂ
ನಮಗೆ ಸನಿಹದಿ ಇರುವಳು ನಮ್ಮ ತಾಯಿ...

ಚಿಕ್ಕವರಿದ್ದಾಗ ಪಾಲಿಸಲು-ಪೋಷಿಸಲು
ನಮ್ಮ ಹಸಿವಿನ ಕೂಗನ್ನು ತೀರಿಸಲು
ಸದಾಕಾಲ ನಮ್ಮೊಂದಿಗೆ ಇರುವಳು ಹಡೆದವ್ವ...


ಅತ್ತಾಗ ನಮ್ಮ ಕಣ್ಣಿರು ಒರೆಸುತ್ತ
ತನ್ನ ಜೀವನದ ಪರಿವಿಲ್ಲದೇ ನಮಗಾಗಿ
ಕೂಡಿಟ್ಟ ಹುಂಡಿ ಕಾಸನ್ನು ಕೈ ಚಾಚಿದಾಗ
ಕೊಟ್ಟು ಅದರಲ್ಲೆ ಸಂತಸ ಪಡೆಯುವಳು ನನ್ನವ್ವ..

ಹರೆಯಕೆ ಬಂದೊಡೆ ಮಗ
ಹಾಯಾಗಿರಲೆಂದು ಕೇಳುವಾ
ಮುಂಚೆಯೇ ಎಲ್ಲವನು ಕೈಯಲ್ಲಿಡುತ
ಮುಗುಳ್ನಕ್ಕು ತನ್ನ ಹಸಿವನು ಮರೆಮಾಚುವಳು ನನ್ನವ್ವ...


ಸುಂದರತೆ-ಕುರೂಪತೆಯ ಅರಿವಿಲ್ಲದ ಹಡೆದವ್ವ
ಮಗ ಇಚ್ಛಿಸಿದ ಸುಂದರಾಂಗಿಯ ಜೊತೆ
ಕಲ್ಯಾಣ ನೆರವೇರಿಸಿ ಆನಂದ ಪಡುವಳು ನನ್ನವ್ವ..

ಹರೆಯದಿ ಬಯಸಿ ಬಂದ ಸುಖವಾ ಕಡೆಗಣಿಸಿ
ಇಳಿ ವಯಸ್ಸಿನ ವಯೋಮಿತಿಯಲ್ಲಿಯೂ
ಕಂದನ ಕಾಳಜಿಯ ಬಯಸಿದವಳು ನನ್ನವ್ವ...

ಆಕಾಶದಲ್ಲಿನ ಧ್ರುವ ಚುಕ್ಕಿಯಂತೆ
ಸದಾಕಾಲ ಮಿನುಗುತಿರಲಿ
ಆಕೆಯ ಗಲ್ಲದ ಮೇಲಿನ ಮಚ್ಚೆ
ಅವರಿವರು ಎನ್ನದೆ ಎಲ್ಲರ ನಡುವೆ
ಸಮಾಜದಲ್ಲಿ ನಾನು ಎತ್ತರೆಕ್ಕೆರಲು
ನೆರವಾದವಳು ನನ್ನವ್ವ....

- Naveen

12 Dec 2016, 09:23 pm

ಪ್ರೀಯ ಪುಸ್ತಕ

ಓಲುಮೆಯ ನಲ್ಲನ ಪ್ರೇಮಕ್ಕಿಂತ ಮಧುರ. ಸನಿಹದ ಗಳತಿಯ ಸ್ನೇಹಕ್ಕಿಂತ ಸುಮಧುರ.
ಜನ್ಮದಾತ ಪಾಲಕರ ಪ್ರೀತಿಗಿಂತ ಹತ್ತಿರ.
ವೈಭೋಗದ ಜೀವನಕ್ಕಿಂತ ಮಹತ್ತರ.
ನನ್ನ ಪುಸ್ತಕದ ಸಂಭಂಧ.

- rukmini

12 Dec 2016, 08:59 pm

ಅಮ್ಮ ನಿ ಹುಟ್ಟಿದ ದಿನಕಾಗಿ!!

ಅದೃಷ್ಟ ಅದೃಷ್ಟ ನಾ ಮಾಡಿರುವೆ
ನೀ ನಿಟ್ಟ ತುತ್ತಲ್ಲಿ ನಾ ಬೆಳೆದಿರುವೆ!!

ನಾನುಟ್ಟಿದ ದಿನದಂದು ನೀ ಅತ್ತಿರುವೆ ನೀನುಟ್ಟಿದ ದಿನವಿಂದು ನಾ ನಗುತಿರುವೆ!!
ನಡೆಯೋದು ತೊದಲೊದು ನೀ ಕಲಿಸಿರುವೆ
ನಿನ್ನಿಂದ ಕುಣಿದಾಡುತ ನಾ ನಗುತಿರುವೆ!!

ಅದೃಷ್ಟ ಅದೃಷ್ಟ ನಾ ಮಾಡಿರುವೆ
ನೀ ನಿಟ್ಟ ತುತ್ತಲ್ಲಿ ನಾ ಬೆಳೆದಿರುವೆ!!

ಕೂಡೋದು ಕಳೆಯೋದು ನೀ ಕಲಿತಿರುವೆ
ಅಮ್ಮ ನಿನ್ನೋಡಿ ಬದುಕೋದು ನಾ ಕಲಿತಿರುವೆ!!
ಅಂದು ನಾ ಹುಟ್ಟಿದ ದಿನಕ್ಕಾಗಿ ಸಿಹಿತಿನಿಸಿರುವೆ
ಇಂದು ನೀ ಹುಟ್ಟಿದ ದಿನಕ್ಕಾಗಿ  ಇದಬರೆರುವೆ!!

ಅದೃಷ್ಟ ಅದೃಷ್ಟ ನಾ ಮಾಡಿರುವೆ
ನೀ ನಿಟ್ಟ ತುತ್ತಲ್ಲಿ ನಾ ಬೆಳೆದಿರುವೆ!!

- ಭರತ್

12 Dec 2016, 08:49 pm

ಸಮಾಸ

ಅವಳಿಗೆ......
ಒಬ್ಬ ಇನಿಯ...
ಇನ್ನೊಬ್ಬ ನಲ್ಲ...!
ಇಬ್ಬರಿಗೂ ಅವಳು....
ದ್ವಂದ್ವ ಸಮಾಸ
ಆಕೆಯ ಗಂಡನನ್ನು ವಿಗ್ರಹಿಸಿದರೆ
ಅವನು ಬಹುವ್ರೀಸಮಾಸ!
""""""""""""""""""""""""""""""""""""""""
@ಬಸವಪ್ರಿಯ.

- ಬಲವಂತ ಮೋರಟಗಿ(ಬಸವಪ್ರಿಯ)

12 Dec 2016, 08:43 pm

ಬಾ ನನ್ನಲ್ಲಿಗೆ ನಿನಗಿದೆ ಮುಕ

ಮಸಣವು ಕರೆಯಿತು ‌ನನ್ನನು
ಬಾ ನನ್ನಲ್ಲಿಗೆ ನಿನಗಿದೆ ಮುಕ್ತಿ

ಅರಿತದ ಚೂರಿಗೆ
ಎದೆಯೊಡ್ಡಿ ನಿಲ್ಲಬೇಡ
ಸೆಳೆತದ ಪ್ರೀತಿಗೆ ಸೋತು
ಸೆರೆವಾಸ ಅನುಭವಿಸಬೇಡ
ಬಾ ನನ್ನಲ್ಲಿಗೆ ನಿನಗಿದೆ ಮುಕ್ತಿ

ದೂರದಿಂದ ಬಂದವನು
ಬಂಧುವಲ್ಲ ನಿನಗೆ
ಅತ್ತಿರದವ ನೆಂಟನಲ್ಲ
ಕೊನೆಯ ತನಕ ನಿನಗೆ
ಬಾ ನನ್ನಲ್ಲಿಗೆ ನಿನಗಿದೆ ಮುಕ್ತಿ

_ ಪುನೀತ್ ಸೋಮಿ

- _ ‌‌ಪುನೀತ್ ಸೋಮಿ

12 Dec 2016, 08:35 pm

ನಕ್ಷತ್ರಗಳು

ನಕ್ಷತ್ರಗಳೆಂದರೆ ನನಗೆ
ಎಲ್ಲಿಲ್ಲದ ಕುತೂಹಲ,ಆಸಕ್ತಿ
ಯಾಕೆಂದರೆ
ಅವುಗಳು -ರಾತ್ರಿಗಳಲ್ಲಿ
ಮಾತ್ರ ಮಿನುಗುತ್ತವೆ.

-ಪದ್ಯಾಣ.

- padyana

12 Dec 2016, 08:03 pm