ಹೊಸಥರ ನಗುವಳು ಏತಕೊ ಇವಳು ನನ್ನನು ಕಂಡಾಗ,
ಲೋಕವೆ ಕಾಣದು ನನ್ನಯ ಚೆಲುವೆ ಎದುರಲಿ ಇದ್ದಾಗ...
ಇನ್ನೂ ನೆನಪಿದೆ ಮೊದಲ ಸಲ ನೀನು ಕನಸಿಗೆ ಬಂದಾಗ,
ಕುಸುಮ ಸಂತೆಗೆ ನೀನೆ ಗಂಧವು ತುಸು ನಸುನಕ್ಕಾಗ...
ಹರಿಯುವ ತೊರೆಯು ಅರೆಕ್ಷಣ ನಿಂತು ನೋಡುವುದಿವಳಂದ,
ದುಂಬಿಗಳೆಲ್ಲವು ಸಾಲಲಿ ನಿಂತಿವೆ ಅರಸುತ ಮಕರಂದ...
ಬಿನ್ನಹ ಒಂದು ನಿನ್ನಲಿ ನಂದು ಆಲಿಸು ಮನಸಿಂದ,
ಕರೆಯುತ ನನ್ನ ಎನ್ನುತ ಚಿನ್ನ ಮೋಹಿಸು ಉಸಿರಿಂದ...
ಮುಗಿಲ ಕೆಳಗೆ ಮೋಡಗಳ ಪಯಣ
ಮೋಡಗಳ ಕೆಳಗೆ ಹಕ್ಕಿಗಳ ಪಯಣ
ಭೂಮಿಯ ಮೇಲೆ ನನ್ನ ಪಯಣ
ನೀ ಇರುವ ಕಡೆಗೆ.....
ಮುಗಿಲ ತುಂಬಾ ಹಕ್ಕಿಗಳ ಪಯಣ
ನನ್ನ ಎದೆಯ ತುಂಬಾ, ನಿನ್ನ
ಪ್ರೀತಿ ಪಡೆವ ತವಕದ ಪಯಣ...
ಬಯಸದೇ ಬಂದೆ ನೀ ನನ್ನ ಕಣ್ಣ ಮುಂದೆ
ಆಮಂತ್ರೀಸದೇ ಬಂದೇ ನೀ ನನ್ನ ಪ್ರೇಮದ ಗುಡಿಗೆ
ಬಿತ್ತಿದೆ ಒಲವಿನ ಬೀಜವ
ಪ್ರೇಮದ ಮುಂಗಾರು ಶುರುವಾಗುವ ಹೊತ್ತಿಗೆ
ಮರೆಯಾದೆ ಏಕೆ? ಇಂದು ನೀ
ಒಲವಿನ ಲತೆ ಹೂ ಬಿಡುವ ಮುಂಚೆ
ಹೇ ನನ್ನ ಮಾಯಜಿಂಕೆಯೇ