Kannada Poems
Deprecated: Creation of dynamic property my_pagination::$conn is deprecated in
/home4/airpoiy2/kannadakavana/pagination.php on line
41
ಮಸ್ತಿಷ್ಕದಲ್ಲಿರುವ
ನಿನ್ನ ನೆನಪುಗಳನ್ನು ಬಸಿದು
ಪುಸ್ತಕದಲ್ಲಿ ಮಸಿಯಿಳಿಸಿದಾಗ,
ರೂಪುಗೊಂಡ ಅದ್ಭುತರೂಪ
ನಿನ್ನದೇ ತದ್ರೂಪ...
- ಸ.Kha.
- ಸ.Kha.
09 Dec 2016, 01:30 pm
ಮರೆಯೋಣವೆಂದರೂ
ಮರೆಯಾಗುತ್ತಿಲ್ಲ ಆ ನಿನ್ನ
ನೆನಪುಗಳು..
ಕಳೆದುಹೋದ ಆ ದಿನಗಳು
ಬಾರದೇ ಹೋದರೂ ಕಳೆಯಲಾಗದು
ನೀ ತೊರೆದ ದಿನಗಳು..
ಮಣ್ಣಲಿ ಮಣ್ಣಾದರೂ
ಮಾಸುತ್ತಿಲ್ಲ ಮನದಲಿ ನೀ
ಗೀಚಿಹೋದ ನಿನ್ನ ನೆನಪುಗಳು..
ಸತ್ತರೂ ಸುಡುತ್ತಿಲ್ಲ ನೀ
ನೀಡಿಹೋದ ನೆನಪುಗಳೆಂಬ
ಅಳಿಸಲಾಗದ ಗಾಯವ.
ಚೌಡಪ್ಪ ಎನ್ ಆನೇಕಲ್.
- ಚೌಡಪ್ಪ ಎನ್
09 Dec 2016, 12:57 pm
ಮದುವೆ ಮಂಟಪದಲ್ಲಿ
ನವ ವಧುವಾಗಿ ನನ್ನವಳು
ವರನ ಕೈ ಹಿಡಿದು
ಸತಿಯಾಗ ಹೊರಟಿಹಳು!!
ಅಗ್ನಿ ಕುಂಡವ ಸುತ್ತಿ
ಸಪ್ತಪದಿ ತುಳಿವಾಗ
ಹಿಂದಿರುಗಿ ನನ್ನ ಒಮ್ಮೆ
ನೋಡುವುದ ಮರೆತಿಹಳು!!
ಹಗಲಲ್ಲಿ ಇರುಳಲ್ಲಿ
ನನ್ನನ್ನೇ ನೆನೆದವಳು
ಸಂಗಾತಿ ನೀನೇನೆ
ನನ್ನ ಜೀವ ಎಂದವಳು!!
ಕೈ ಹಿಡಿದು ಊರೂರು
ಸುತ್ತಿ ನಡೆದವಳು
ಹೆಜ್ಜೆಯ ಗುರುತನ್ನು
ತಾ ಮರೆಯ ಹೊರಟಿಹಳು!!
ಕಂಬನಿಯು ತುಂಬಿರುವ
ಈ ನನ್ನ ಕಣ್ಣುಗಳ
ಭಾವನೆ ಅರಿಯದ
ಪ್ರಿಯತಮೆ ನನ್ನವಳು!!
ಕಾಯುತ್ತ ನಿಂತಿಹುದು
ಈ ಮನ ಮೌನದಲಿ
ಬಂದುಬಿಡು ಗೆಳತಿ
ಹಿಂದಿರುಗಿ ಎನ್ನುತಲಿ!!
- ಪಿ.ಜಿ.ಜ್ಯೋತಿ
09 Dec 2016, 12:41 pm
ಹೃದಯದಲ್ಲಿ ಪ್ರೀತಿಯೇ ತುಂಬಿದ್ದರೆ
ವೈರಿಗಳೂ ಪ್ರೇಮಿಗಳಾಗುತ್ತಾರೆ
ಮನದಲ್ಲಿ ದ್ವೇಷವೇ ತುಂಬಿದ್ದರೆ
ಪ್ರೇಮಿಗಳೂ ವೈರಿಯಾಗುತ್ತಾರೆ
- RAjESH D
09 Dec 2016, 12:28 pm
ಹೆಣ್ಣು ಎಂಬ ಬೆಳಕಿನ ಹಣತೆ
ಹೆಣ್ಣು ಎಂಬ ಜೀವನ ನೈಜತೆ
ಹೆಣ್ಣು ಎಂಬ ಸಹಜ ಸೌಹಾರ್ದತೆ
ಓ ಹೆಣ್ಣೇ ನಿನ್ನಲ್ಲಿ ನಾ ಕಂಡೆ ದೇವತೆ
-ಅಪ್ಪಣ್ಣಗೌಡ ಇಡಕನಹಳ್ಳಿ
- ಅಪ್ಪಣ್ಣಗೌಡ.ಐ.ಜೆ.
09 Dec 2016, 11:56 am
ಮುಗ್ದ ಮನಸ್ಸಿನ ಮೌನ ಭಾವಕೆ
ಮಾತಿನ ಮುಳ್ಳು ಚುಚ್ಚಿ ...
ನೋಯಿಸಿದ ಪಾಪಿ ನಾನು..!
ಮನದ ಗಾಯಕ್ಕೆ ಮುಲಾಮು ಅಚ್ಚಿ ಸಂತೈಸಿದ ಪುಣ್ಯವಂತೆ ನೀನು.
ನೋವುಗಳ ನುಂಗಿ...
ನಲಿವುಗಳ ಹಂಚುವ ಗೆಳತಿ...
ನಿನಗೆ ನೀನೆ ಸಾಟಿ ..
ಹೇ ಮುಗ್ಧ ಹುಡುಗಿಯೇ ಕ್ಷಮಿಸಿ ಬಿಡು ನನ್ನ
- Mahesh Preethu
09 Dec 2016, 11:45 am
ಕೀಲಿ ಕೈ...
ನಿನಗೆ ಅಮೂಲ್ಯವಾದ ವಸ್ತವೊಂದನ್ನು
ಕಾಣಿಕೆಯಾಗಿ ನೀಡುತ್ತಿದ್ದೇನೆ ಗೆಳೆಯ....
ಚಿನ್ನ ,ಬೆಳ್ಳಿ,ಮುತ್ತು, ವಜ್ರದಿಂದಲು ಸಿಂಗರಿಸಿಲ್ಲ....
ನೀನು ಕಳೆದುಕೊಂಡರೆ ಸಿಗುವ
ವಸ್ತುವಲ್ಲ ಇದು
ನನ್ನ ಬಳಿಯು ಇರುವುದು ಒಂದೇ....
ನನ್ನ ಆಸೆ, ಕನಸು, ಕೋಪ, ದುಃಖ, ತುಮುಲ ಎಲ್ಲವನ್ನೂ
ನೀನು ಅರಿಯಬಹುದು...
ಎಲ್ಲ ವಸ್ತುಗಳಿಗಿಂತ ಅಮೂಲ್ಯವಾದದ್ದು
ಇದು ಇರುವ ನನ್ನ ಪುಟ್ಟ ಹೃದಯದ ಬೀಗದ ಕೈ
ಕ್ಷೇಮದಿಂದ ಕಾಪಾಡು ಗೆಳೆಯ....
ನಿಮ್ಮ
ಪ್ರಭ ಸಿರಿ...
- prabha siri
09 Dec 2016, 11:34 am
ನನ್ನಾಕೆಯ
ಹೆಸರು
ಸರಳ
ಆದರೆ
ಖರ್ಚು
ಧಾರಾಳ!
- Manjunath Swamy KM
09 Dec 2016, 11:30 am
ನಾ ಹೇಳಲಾಗದ
ಎಷ್ಟೋ ಮಾತುಗಳು...
ಹೇಳಬಲ್ಲವು ಕಸದಬುಟ್ಟಿಯಲಿ
ಹರಿದು ಬಿಸಾಕಿರುವ ಕಾಗದಗಳು...
- ಸ.Kha.
- ಸ.Kha.
09 Dec 2016, 11:17 am
ನಸುಕಿನ ಕನಸಿಗೆ ಸತ್ಯದ ಎತ್ತರ
ನಿನ್ನಯ ಕನಸಿಗೆ ನೀನೇ ಉತ್ತರ
ನೀನಾಗದಿರು ನಿನ್ನಯ ಕನಸಿಗೆ ನಸುಕು
ನಸುಕನ್ನು ಅಳಿಸಿ ಉಜ್ವಲಿಸಲಿ ಬೆಳಕು..
- ಅನಾಮಿಕ
09 Dec 2016, 11:12 am