Kannada Poems

Download App from Playstore. | Privacy Policy

---

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಬಾಳ ಹಾದಿಯಲಿ..

ಬಾಳಿನಾ ಯಾನದಲಿ ಬಣ್ಣವದು ನೂರು..
ಕೈ ಚಾಚಿ ಹಿಡಿದರೆ ಸಿಗುತಿಲ್ಲ ಚೂರು..
ಮನಸಿನಾ ಗೊಂದಲವ ಕೇಳುವವರಾರು..
ಗೊಂದಲಕೆ ಉತ್ತರವ‌ ನೀಡುವವರಾರು..

ಭರವಸೆಯ ಮಾತುಗಳಿಗಿಲ್ಲ ಕೊನೆಯಿಲ್ಲಿ..
ಭರವಸೆಯು ಉಳಿಯುವುದೆ ಬರಿಯ ಮಾತುಗಳಲ್ಲಿ..
ಸಂತಸದಿ ನಲಿವಾಗ ಎಲ್ಲ ಬಂಧುಗಳಿಲ್ಲಿ..
ನೋವಿನಾ ದಿನ ಬರಲಿ ಬಂಧ ಕಳಚುವುದಲ್ಲಿ..

ಮುತ್ತಿದಾ ಕಾರ್ಮೋಡ ಮಳೆಯ ಸುರಿಸಲೆಬೇಕು..
ನೋವಿನಾ ಹಾದಿಯನು ನಗುತ ಜಯಿಸಲೆಬೇಕು..
ಗೆದ್ದಾಗ ಬರುವರು ಹೇಳಿ ಸಂಬಂಧ..
ಮತ್ತೆ ಕೂಡುವುದೇನು ಕಡಿದಿರುವ ಬಂಧ..??
©CRB

- ಭಾವ ಮೃದಂಗ

05 Nov 2016, 02:35 pm

---

ಭಾವ ಲಹರಿ

ಮನದ ಭಾವಲೋಕದೊಳಿಳಿದು
ಮನದ ಮನೀಷೆಯನು
ಮರ್ಮದಿಂದಲೆ ಮಣಿಸಿ
ಮನವನು ಮಯಣದಂತೆ
ಕರಗಿಸುವ ಶಕ್ತಿ ನೀನು‌‌..

ಮನದ ಕಡಲೊಳಗಿಳಿದು
ಎಲ್ಲ ಭಾವವ ಸ್ಪುರಿಸಿ
ಮನದಿಂಗಿತವನರಿಯೊ ಮನಸ್ವಿ ನೀನು
ನಿನ್ನ ಓಜಸ್ಸಿನ ಪಥದ
ಪಯಣ ಚಲಿಸಿದೆ ಗಾವುದ..

ನಿನ್ನ ಮಾರ್ಮಿಕ ಹಸ್ತ
ಮನದ ಮನೋಗತವನೇ
ಉದ್ವೃಿತ್ತಗೊಳಿಸುತಿದೆ
ಮನದ ಶರಧಿಯನು
ಮಥನಗೊಳಿಸಿಹೆ ನೀನು
ಇನ್ನು ಬರಬಹುದೇನು ಮನ್ವಂತರ..

ಮಬ್ಬು ಕವಿದಿಹ‌ಮನಕೆ
ಮಯೂಖದ‌ ಹೊಸ ಸ್ಪರ್ಶ
ಹೊಸಜೀವಕಳೆಯ ನಿಮಿತ್ತವನರಿವ
ಸ್ವಾಧ್ಯಾಯದೊಳು ಚಿತ್ತ
ಈ ತಥ್ಯ ಮಿತ್ಯದೊಳಗೆ
ಮನವು ಮರ್ದನವಾಗದಿರಲಿ ಮತ್ತೆ..

ಮನದ ಔದ್ಧತ್ಯಕೆ
ಉಪೋದ್ಧಾತವ ಬರೆದವನೆ ನೀನು
ಮನದ ಮಾಧುರ್ಯವಾ
ಮಾರ್ಗಣದಿ ವಧಿಸದೆಯೆ
ಹೃದಯ ಮಿಡಿತಕೆ
ಹೊಸ ಭಾವ ಬೆರೆಸು..
©CRB

- ಭಾವ ಮೃದಂಗ

05 Nov 2016, 02:33 pm

---

ಹೆಣ್ಣು ಮತ್ತು ಗೊಂಬೆ

ನಾನು ಈ ಪ್ರಪಂಚದಲ್ಲಿ ಹೆಣ್ಣಾಗಿ
ಹುಟ್ಟುದಕ್ಕಿಂತ ನಿನ್ನ ತರ ಒಂದು
ಗೊಂಬೆಯಾಗಿ ಜನ್ಮ ತಾಳಿದ್ದರೆ
ನಿನಗಿಂತ ಎಷ್ಟೋ ಖುಷಿ ಆಗಿರುತ್ತಿದ್ದೆ...

ಒಡಹುಟ್ಟಿದ ಸಹೋದರಿ ಎಂದು
ನೆನೆಸದೆ ನರ ರಾಕ್ಷಸರ ತರ ತಮ್ಮ
ಕಾಮ ಕ್ರೋಧವನ್ನು ತೋರ್ಪಡಿಸಿ
ಇಲ್ಲಿ ಜೀವಂತವಾಗಿಯೆ ಭಕ್ಷಿಸುವರು...

ತಮ್ಮ ಕಾಮದಾಹದ ತೀಟೆ ತೀರಿಸಲು
ಪ್ರೀತಿ ಎಂಬ ನಾಟಕವಾಡುವರು
ಅಮೂಲ್ಯವಾದ ಜೀವದ ಬೆಲೆ
ಅರಿಯದೆ ಜೀವಂತವಾಗಿ ಹೂಳುವರು...

ವರದಕ್ಷಿಣೆ ಎಂಬ ಮಹಾಮಾರಿಯು
ಇದಕ್ಕಿಂತ ಭಿನ್ನವಾಗಿಯೇನು ಇಲ್ಲ
ಅಲ್ಲಿ ಒಂದೇ ಕ್ಷಣ ಸಾಯಿಸುವರು
ಇಲ್ಲಿ ಅಣು ಅಣುವಾಗಿ ಸಾಯಿಸುವರು...

ಹೆಣ್ಣುಹೆತ್ತವರು ಎಂಬ ಒಂದೇ ಕಾರಣಕ್ಕೆ
ಪತ್ರ ಹಿಡಿದು ಬೀದಿ-ಬೀದಿ ಅಲೆಯುವರು...
ಲಕ್ಷ ಲಕ್ಷ ಸೇರಿಸುವ ಚಿಂತೆಯಲೇ
ಭಗವಂತನ ಪಾದ ಸೇರುವರು ನನ್ನ ಹೆತ್ತವರು...

ಹೆಣ್ಣು ನೋಡಲು ಬರುವರು ಹತ್ತಾರು
ವಾಹನಗಳಲ್ಲಿ ಸಾಲು ಸಾಲಾಗಿ
ಕಪ್ಪು ಬಣ್ಣದ ಹುಡುಗಿಯೆಂದು ಗುನುಗಿ
ತಿಂದುಂಡು ಹೋಗುವರು ಮೌನವಾಗಿ...

ನಿಜವಾಗಲೂ ನಾನು ಕಪ್ಪೇ??
ಅಥವಾ ಅವರ ನೋಟವೇ??
ಅಷ್ಟಕ್ಕೂ ನಾನು ಕಪ್ಪಗಿದ್ದದ್ದು
ನಿಜವಾಗಲೂ ನನ್ನದೇ ತಪ್ಪೇ??

ತಪ್ಪು-ಒಪ್ಪುಗಳ ತುಲನೆಯಲ್ಲಿ
ನಾನಂತೂ ಒಂಟಿಯೀಗ...
ಕಪ್ಪು-ತಪ್ಪುಗಳನು ಮೇಲಿರುವ
ಅವನೊಬ್ಬನೇ ತಿದ್ದಬೇಕೀಗ...

*~~~~~~~~~~~~~~~~~~~~~~~~~~~~~~~*
✍

- ಸಲ್ಮಾನ್ ಸಜೀಪ

05 Nov 2016, 01:10 pm

---

ಹಾವ-ಭಾವ

ಬದಲಾಗದಿರಲಿ ನಡೆಯಲ್ಲಿ ಎಂದು ನಿನ್ನ ಹಾ-ಭಾವ,||

ಮನದೊಳಿದ್ದರೂ ಅದೆಷ್ಟೇ ನೋವುಗಳ ಕಾವ,||

ನಿಡುತ್ತಿರು ನೀನವಕೆ ದಿನನಿತ್ಯ ನಿನ್ನದೆಯಾದ ಕಾವ,||

ಅದರಿಂದ ಪಡೆದುಕೋಳ್ಳುವವು ನೋವಲ್ಲು ನಲಿಯಲು ಜೀವ.

- ಶೇಕರ ಬಂಡಿ

05 Nov 2016, 07:20 am

---

ಕಲಾಂ

ಭವ್ಯಭಾರತದ ಕನಸು ಕಂಡು ನಮ್ಮಿಂದ ಕಣ್ಮರೆಯಾದ ಓ ಕಲಾಂ ||

ಭಾರತದ ಶಕ್ತಿಪ್ರದಶ೯ನಕ್ಕೆಂದ ಇಹಲೊಕವ ತೊರೆದು ಚಂದ್ರನಡೆಗೆ ನಡೆದ ನಿನಗೊಂದು ಸಲಾಂ ||

ಮತ್ತೊಮ್ಮೆ ನಿಬರುವ ಸಮಯಕ್ಕಾಗಿಟ್ಟುಕ್ಕೊಂಡು ಕಾಯುತ್ತಿದೆ ಇಡಿ ಭರತ ಖಂಡ ಅಲರಾಂ ||

ಅದೆಷ್ಟು ಬಿಟ್ಟಿರುವೆ ನಿನಿಲ್ಲಿರುವಾಗ ಇಲ್ಲಿಂದಲ್ಲಿಗೆ ರಾಕೆಟ್ ||

ಈಗಲೇ ಯಾವುದಾದರೊಂದಕ್ಕೆ ತೆಗೆದುಕೊಂಡುಬಿಡು ಅಲ್ಲಿಂದಲ್ಲಿಗೊಂದು ಟಿಕೆಟ್.

- ಶೇಕರ ಬಂಡಿ

05 Nov 2016, 06:24 am

---

ನೀವು

ಯಾರದೋ ಭಾವಚಿತ್ರ ಅರಸಿ ಹೊರಟ ನನ್ನ ಕಣ್ಣಿಗೆ ಕಂಡವರು ನೀವು,
ಆಗ ನನ್ನ ಮನ ಪಿಸುಗುಟ್ಟಿದ್ದು ಒಂದೇ, ಆಗಿರಬಾರದೇಕೆ ಅವರೇ ನೀವು.

ಅವರೇ ನೀವೆಂದು ಅರಸಿಬಂತು ನನ್ನ
ಈ ಮನ ನೀವಿದ್ಧಲ್ಲಿಗೆ ,
ಬಿಡದೇ ಕಾಡಿರುವಿರಿ ನೀವು ನನ್ನೀ ಮನವ ಅರೆಕ್ಷಣ ಹಾಗೆಯೇ ತುಂಬಿರುವಿರಿ ಈ ನನ್ನ ತನು ಮನ.

ಪದೇ ಪದೇ ಹೇಳುತಿಹುದು ನನ್ನೀ ಮನ
ಅವರೇ ನೀವು - ನೀವು ನನ್ನವರು,
ಎಲ್ಲವೂ ನಾ ಬಯಸಿದಂತಾದರೆ ಬಾಳಿನಲಿ ಒಂದಾಗುವೆವು ನಾನು ನೀವು .

- ಕೃಷ್ಣ

04 Nov 2016, 09:43 pm

---

ಯಾರು ನಾವೆಲ್ಲಾ?

ಕವಿಯಾದೆ ನಾನು ಕಂಡಿದ್ದು ಬರೆಯಲಾಗಲಿಲ್ಲ:
ಭಾರತೀಯನಾದೆ ನಾನು ಕಣ್ಣಿದ್ದು ಕುರುಡನಾದೆನಲ್ಲ!
ರೈತನಾದೆ ನಾನು ಸಾಲವಿಲ್ಲದೆ ಬದುಕಲಾಗಲಿಲ್ಲ,
ಸ್ನೇಹ ಜೀವಿಯಾಗುವ ಬದಲು, ಅವಕಾಶವಾದಿಗಳಾದೆವಲ್ಲ.

ಮಾದ್ಯಮಿಕ ಶಾಲೆಯ ಮದ್ಯಮ ವರ್ಗದ ಜನರಾಗಿ ಬದುಕಲಾಗಲಿಲ್ಲ,
ಮಾನವರಾಗಿ ಮಾನವೀಯತೆಯ ನೆಲೆಯಲ್ಲಿ
ಬದುಕಲಾಗಲಿಲ್ಲ!
ಕಾಲಚಕ್ರದ ದಾಸರಾಗಿ ಜೀವಿಸುವುದು ಮರೆತೆವಲ್ಲ.
ಬುದ್ದಿಜೀವಿಗಳಾಗಿ ಬದುಕಿನ ಅರ್ಥ ತಿಳಿದು ಕೊಳ್ಳಲಾಗಲಿಲ್ಲ.

ಯಾರು ನಾವೆಲ್ಲಾ ? ಯಾರು ನಾವೆಲ್ಲಾ?

- ವೇಣು ಆರ್ ಚಿನ್ನದೂರು

04 Nov 2016, 08:53 pm

---

ಮಸಣದ ದಾರಿ

ಹುಟ್ಟಿ ಬಂದಿರೊ ಈ
ಅಪರೂಪದ ಜನ್ಮದೊಳಗ
ನಾನು ನನ್ನದು ಎಂದು
ಪರದಾಡುವೆ ಏಕೋ !

ಜನಿಸಿರೊ ನಿನಗೆ
ಸಾವು ಬರೋ ಕ್ಷಣ ತಿಳಿಯದು
ಸತ್ತ ಮೇಲೆ ನಿನ್ನ ಬಂಧುಗಳು
ಅತ್ತು ಕರೆಯುವರು ಒಂದೇ ದಿನ

ಜಗದ ನಿಯಮದೊಳು
ನಡೆಯುವ ಕಥೆ ಇಷ್ಟೇ
ಜೊತೆಗೆ ಹುಟ್ಟಿದ ಸಲುವಾಗಿ
ಹೊತ್ತೊಯುವರು ನಿನ್ನ ಮಸಣಕ್ಕೆ

ತಿಳಿಯದೆ ನಿನಗೆ ಮಂಕೆ
ಇದ್ದು ಸತ್ತಿರುವವರು ಮುಕ್ಕಾಲು ಜನ
ಸತ್ತು ಬದುಕಿರುವವರು ಬರಿ ಕಾಲು ಜನ
ನಿನ್ನ ಸ್ವಂತ ಮನೆಯೆ ಈ ಮಸಣ

ಇಂತಿ ನಿಮ್ಮ♡ಸ್ನೇಹ ಸಿಂಚನ♡
ನಾಗರಾಜ್ ಬಿ {9743216235}

- ನಾಗರಾಜ ಬಾಕೆ೯ರ್

04 Nov 2016, 06:32 pm

---

ಪ್ರೇಮ್ ಕಹಾನಿ

ಎ ಮಳೆ ಹನಿಯೇ
ನೀ ಭೂಮಿಗೆ ಬಿದ್ದ ಆಕ್ಷಣವೇ
ನನ್ನ ಎದೆಯಲಿ ತುಂಬಿತು
ಪ್ರೀತಿಯ ಪನ್ನಿರಾ...

ಹನಿಗಳ ಹವಳಗಳು
ನನ್ನ ಮೊಗದ ಮೆಲೊಂದು
ರಂಗೊಲಿಯ ಬಿಡಿಸುತಲಿ
ಮನದಲ್ಲಿ ಪ್ರೀತಿಯ ಪಾರಿವಾಳಕ್ಕೆ
ಜೀವವ ನೀಡಿದವು...

ಆ ಪ್ರೀತಿಯ ಜೀವಕ್ಕೆ
ಜೀವನವ ಮುಡಿಪಾಗಿರಲೆಂದು
ನಾನ್ ಹೊರಟೆ ಅದರ ನೆನಪಲ್ಲೆ

ನಿನ್ನಯ ನೆನಪಿನಲಿ
ನಾ ಮರೆತೆ ನನ್ನನ್ನೆ....
'ನೀನೆ ನನ್ನ ಜೀವಾ' ಎನ್ನುತಲಿ
ನಾ ಬಂದೆ ನಿನ್ನಾ ಹಿಂಬದಿಯಲಿ..

ನನ್ನ ಆತರಹದ ಬರುವಿಕೆಯಾ
ನೀನ್ ಕಂಡು ಕಾಣದಂತೆ
ಹೊಗುತಿರುವದ ಕಂಡ ನನ್ನ ಕಣ್ಣುಗಳು
ಹರಿಸಿತು ಕಂಬನಿಯಾ..........

-p.m

- pm

04 Nov 2016, 11:08 am

---

ಮದರಂಗಿ

ಚೆಲುವೆಯರ ಚದರಂಗಿ
ಚಾಚುವ ಕೈಗೆ ಮದರಂಗಿ

ಕೆಂಪು ರೇಖೆಯಲಿ
ಕಗ್ಗತ್ತಲೆಯನು ಬೆಳಗಿಸುವಲಿ
ಕೋಪಾರುಣ ನೇತ್ರದಲಿ
ಕೋಮಲವಾಗಿಸುವ ಮದರಂಗಿ

ಕೈಗೆಟುಕುವ ಕಾಸಿನಲಿ
ಕಂಪಿನ ಶೃಂಗಾರದಲಿ
ಕಂಕಣ ಭಾಗ್ಯದಲಿ
ಕನಸಿನ ಮನೆಗೊಯುವ ಮದರಂಗಿ

ಕಣ್ಣು ಕಣ್ಣಿಗೆ ಸೊಬಗಿನಲಿ
ಕೈಲಾಸದ ಕುವರೆಯರಲ್ಲಿ
ಕಣ್ಮನ ಸೆಳೆಯುವಲಿ
ಕಲ್ಪತರುವಿನಂತಿರೊ ಮದರಂಗಿ
ಇದು ಹೆಣ್ಣು ಜನುಮದ ಒಂದಂಗಿ

ಇಂತಿ ನಿಮ್ಮ♡ಸ್ನೇಹ ಸಿಂಚನ♡
ನಾಗರಾಜ್ ಬಿ {9743216235}

- ನಾಗರಾಜ ಬಾಕೆ೯ರ್

04 Nov 2016, 10:28 am

---