Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಅವಳು

ಕಪ್ಪು ಕಾಡಿಗೆ ಅವಳ ಕಣ್ಣಿಗೆ
ಮೆತ್ತಿ ತೀಡಿದ ಅಂದ ಕಾಡಿದೆ!!
ಒರೆ ನೋಟದ ಚಂದ್ರ ಸುಂದರಿ
ಕಾಡುತಿರುವಳು ಏಕೆ ಈ ಪರಿ!!

ಹವಳ ಕಾಂತಿಯ ಅದರ ತೊದಲುವ
ಮೆಲ್ಲ ಮಾತಿನ ದನಿಯು ಕಾಡಿದೆ!!
ಅವಳ ಉಸಿರಿನ ಗಾಳ ಸೋಕಿಲು
ನನ್ನ ತನುವಿನ ಕಾವು ಏರಿದೆ!!

ಬಳುಕಿ ನಿಂತಿದೆ ಬಳ್ಳಿ ಮೈ ಸಿರಿ
ಧುಮುಕಿ ಹರಿಯುತ ಯವ್ವನ ಜರಿ!!
ಸೊಕ್ಕಿ ನಡೆಯುವ ನಡುವ ಬಳಸಲು
ಹಿಗ್ಗಿ ಹೆಚ್ಚಿದೆ ಮನದ ತವಕವು!!

ರೂಪ ರಾಶಿಯ ದೇವ ಕನ್ನಿಕೆ
ಸೋತು ಹೋದೆನು ಅವಳ ಅಂದಕೆ!!
ಪುಳಕವಾಗಿದೆ ನನ್ನ ಈ ಮನ
ಮೆಚ್ಚಿ ಬಯಸುತ ಅವಳ ತನು ಮನ!!

- ಪಿ.ಜಿ.ಜ್ಯೋತಿ

19 Oct 2016, 11:18 am

ಮೌನ .....

ಸಾಕು ಅನ್ನಿಸುತ್ತಿದೆ ಈ ನನ್ನ ಮೌನ
ಆದರೂ ಬರೆದೆ ನಾ ನನ್ನ ಕವನ ..
ನಿನ್ನ ಮೊಗದ ಮುಗ್ದತೆಯಲ್ಲಿ ಏಕೀತು ಆ ಮೌನ
ಕಾರಣವೇ ತಿಳಿಯದೆ ಕಳೆದು ಹೋದೆ ನಾ....
ಹುಡುಕುವ ಪ್ರಯತ್ನದಲ್ಲಿ ಅರಿಯದೆ ಹೊರಟೆ ನಾ
ತಿಳಿಯದೆ ಹೋಯ್ತು ಆ ನಿನ್ನ ಮೌನ ....
ಏನೆಂದು ಬರೆಯಲ್ಲಿ ನಾ ನನ್ನ ಕವನ
ನೆನಪಿಗೆ ಬರುತಿಲ್ಲ ನಿನ್ನ ಮುಗ್ದತೆಯ ಮೌನ ....

- ಆನಂದ.ಎಮ್.ಹೆಚ್

18 Oct 2016, 11:34 am

ಬೋರಾದ ನನ್ನ ಜೀವನ

ಬಾಲ್ಯದ ಜೀವನ
ಈಗಿನ ಆಗು ಹೋಗು
ಮುಂದಿನ ಭವಿಷ್ಯ

ಎಲ್ಲವನ್ನೂ ಚಿಂತಿಸುವಾಗ
ತೀರ ತಲುಪದ ಹಡಗಿನಂತೆ...
ಆಸೆ ಬತ್ತಿ ಹೋಗಿದೆ..

ಕನಸು ಗೋರಿಯಾಗಿದೆ
ಮನಸ್ಸು ನಿಧಾನವಾಗಿದೆ
ಜೀವನ ಭೀಕರ ಹಿಡಿತದಲ್ಲಿದೆ

ತಾಕತ್ತು ಬೂದಿಯಾಗಿದೆ
ಮನಸ್ಸು ಅಲ್ಲೋಲ - ಕಲ್ಲೋಲವಾಗಿದೆ...

ಯಾವುದೂ ಬೇಡವೆನಿಸುತ್ತದೆ..
ಎಲ್ಲರೂ ಶತ್ತುಗಳಂತೆ ಗೋಚರವಾಗುತ್ತಾರೆ..

ಎಲ್ಲರೂ ನನ್ನನ್ನು ತೊರೆದಂತೆ ಭಾಸವಾಗುತ್ತಿದೆ..
ಕನಸು ಹುಸಿಯಾಗಿದೆ..
ಈ ಜೀವನ ಬೋರಾಗಿದೆ.

ಸಾವು ಹತ್ತಿರವಾಗುತಿದೆ.
ಸಾಯಲು ಮನಸಾಗುತಿದೆ.
ಸಾವು ಇಷ್ಟವಾಗಿದೆ..

ಜೀವನ ಬೋರಾಗಿದೆ
ಮರಣ ಗೆಲ್ಲುತಿದೆ.
ಅದು ಹತ್ತಿರವಾಗುತಿದೆ..

- ಶಾಹಿದ್ ಉಪ್ಪಿನಂಗಡಿ

18 Oct 2016, 07:53 am

ನೀನಿದ್ದೆ ಜೊತೆಯಲ್ಲಿ

ನೀನಿದ್ದೆ ಜೊತೆಯಲ್ಲಿ
ಬಾಲ್ಯದ ಗೆಳತಿಯಾಗಿ
ಮೊದಲನೆ ಪ್ರೀತಿಯಾಗಿ
ಜನನಿಯ ಪ್ರತಿರೂಪವಾಗಿ
ಜಗತ್ತಿನಲ್ಲೆಲ್ಲೂ ಸಿಗದ ಪ್ರೇಯಸಿಯಾಗಿ
ಬೆಳಕಿನಲಿ ಹಿಂಬಾಲಿಸುವ ನೆರಳಾಗಿ
ಕತ್ತಲೆಯನು ಕಳೆಯುವ ಬೆಳದಿಂಗಳಾಗಿ
ಸೋಲನು ಮರೆಸುವ ಗೆಲುವಾಗಿ
ದುಃಖವನು ಬದಲಿಸುವ ನಲಿವಾಗಿ
ಮನಸನು ಹಿತಗೂಳಿಸುವ ತಂಗಾಳಿಯಾಗಿ
ನೀನಿರುವೆ ಜೊತೆಯಲಿ
ನನ್ನೀ ಹೃದಯ ಬಡಿತವಾಗಿ
ಬೆಚ್ಚನೆಯ ಉಸಿರಾಗಿ
ನನ್ನೂಳು ಎಂದೆಂದಿಗೂ ಇರುವೇ ನೀ
'ಅನುಕಂಪವಾಗಿ
'ಅನು'ರಾಗವಾಗಿ
'ಅನು'ಬಂಧವಾಗಿ
ಎಂದೂ ನನಸಾಗದ ಕನಸುಗಳಾಗಿ
ಅಳಿಸಲಾಗದ ನೆನಪುಗಳಾಗಿ......

- ಹರೀ

18 Oct 2016, 12:04 am

ಅವಳ ....

.....
ಮನದಲ್ಲಿ ಅವಿತು ಹೋದ
ಮೌನಿ ನಾನೂ ......
ನಿದ್ರೆಯ ತುಕಡಿಕೆಗೆ ಮಾರುಹೋದ
ನಯನ ನಾನೂ ......
ಕಣ್ಣ ರೆಪ್ಪೆಯಲ್ಲಿ ಕಲೆತು ಹೋದ
ಕಾಡಿಗೆ ನಾನೂ ......
ಕೊನೆಗೆ ಅವಳ ಕಣ್ಣಿಂದ ಜಾರಿದ
ಕಂಬನಿ ನಾನೂ ......

- ಆನಂದ.ಎಮ್.ಹೆಚ್

17 Oct 2016, 10:07 pm

ಪ್ರೀತಿಯ ಜನನ

ನಿನ್ನ ಮಧುರ ಪಿಸುಮಾತ ಕೇಳಿ
ನನ್ನೆಲ್ಲಾ ಭಾವನೆಗಳಿಗೆ
ನವ ಮಾಸ ತು೦ಬಿ
ಪ್ರೀತಿಯ ಜನನಕ್ಕೆ ಕಾರಣವಾಯಿತು!

ದಿನೇಶ್ ಉಳ್ತೂರು.

- ದಿನೇಶ್ ಉಳ್ತೂರು

17 Oct 2016, 08:35 pm

ನೀನಾದ

ಅಳುವ
ಮತ್ತು
ನಗುವ
ಅವನ ಮುಖ ಪುಟದಲ್ಲಿ
ಅವಳದೇ ನೀನಾದ ತು೦ಬಿ ತುಳುಕಿತ್ತು!

ದಿನೇಶ್ ಉಳ್ತೂರು.

- ದಿನೇಶ್ ಉಳ್ತೂರು

17 Oct 2016, 08:25 pm

ನೆನಪು

ನಿನ್ನ ಕಾಣಲೆ
ಬಾರದೆಂದು ನನ್ನ
ಕಣ್ಣ ಮುಚ್ಚಿದೆ...!!!!!

ಆದರೆ

ಮುಚ್ಚಿದ ಕಣ್ಣೊಳಗೆ
ಕಂಡಿದ್ದು ಮಾತ್ರ
ನೀನೇನೆ.....!!!!!

- ಸ್ನೇಹ ನಿರಂತರ....

17 Oct 2016, 06:58 pm

ಬಾಲ್ಯ

ಬಾಲ್ಯವೆಂಬುದು ಅಂದು
ಚಂದದಾ ಬಿಂದು
ಅದರ ನೆನಪೇ ಇಂದು
ಸುಖದಲ್ಲಿ ಒಂದು !!

ಹಗಲಲ್ಲಿ ನಾನಂದು
ಮಾಡಿದೆ ಕಿರಿ ಕಿರಿ
ಕಿಟಕಿಯ ಆಚೆಗಿನ
ಚಂದ ಮಾಮನ ನೋಡಲು!!

ಹಗಲಲ್ಲಿ ಬೇಕೆಂದೆ
ಕತ್ತಲ ಆ ಸಂಜೆ
ಕತ್ತಲೆ ಆಗುತ್ತಾ
ಇರುಳು ಬೇಡವೆಂದೆ!!

ನಿದಿರೆಯ ಹೊತ್ತಲಿ
ಅಮ್ಮನೇ ಬೇಕೆಂದೆ
ಅಮ್ಮ ಲಾಲಿಯ ಹಾಡಲು
ಅಪ್ಪ ಹೇಳೋ ಕಥೆಯೇ ಬೇಕೆಂದೆ!!

- ಪಿ.ಜಿ.ಜ್ಯೋತಿ

17 Oct 2016, 10:09 am

ಬಂಧುಗಳು

ಬಂಧುಗಳು ಬೇಕು ಎನುವ
ಬಂಧನದಲಿ ಸಿಲುಕದಿರು ನೀ
ಬಂಧುಗಳ ಮಾತಿಗೆಂದೂ
ಬಂಧಿ ಆಗದಿರು !!

ಸಿರಿತನದ ಸಿರಿ ಸವಿದು
ಬಡತನಕೆ ಬಾರದವರು
ಬಂಧುಗಳು ಎನ್ನುವುದು
ನಿಜವಲ್ಲ ತಿಳಿದಿರು!!

ಸಂತಸದ ಹಾದಿಗೆ
ಬೆಳಕಾಗಿ ಬರುವರು
ದುಂಖದ ದಿನಗಳಲ್ಲಿ
ಮರೆಯಾಗಿ ನಿಲ್ಲುವರು!!

ಬಂಧುಗಳು ಹೀಗೆ
ಇದ ಎಂದೂ ಮರೆಯದಿರು
ಬಂಧುಗಳು ಬೇಕು ಎನುವ
ಬಂಧನದಲಿ ಸಿಲುಕದಿರು!!

- ಪಿ.ಜಿ.ಜ್ಯೋತಿ

17 Oct 2016, 09:54 am