Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಹನಿ ಗವನಗಳು

ಗೆಳೆಯ

ನನ್ನೀ
ಕಾವ್ಯ ಕನ್ನಿಕೆ
ಬೀಗುತಿಹಳು
ತಾ......
ಹೆಣ್ಣೆಂದು

ಕವಿಯ
ಕನಸಿನ
ಕೂಸು
ಹೆಣ್ಣು....

ಈ
ಭೂಮಿ
ಭಾನು
ಜಲ
ಪ್ರಕೃತಿ
ಎಲ್ಲವೂ
ಹೆಣ್ಣೇ....

ನಿನ್ನ
ಹೆತ್ತ ಆ
ತಾಯಿಯೂ
ಹೆಣ್ಣೇ.....
ಸಹನೆಯ
ರೂಪವೇ
ಹೆಣ್ಣು......

ಗೆಳೆಯ
ನೀ .....
ಗೌರವಿಸು
ಹಲವು
ರೂಪ ಹೊತ್ತ
ಹೆಣ್ಣನ್ನು
ನೀ......
ಪುಜಿಸಿದರೆ
ಅವಳಿರುವಳು
ನಿನ್ನೀ.....
ಹೃದಯ
ದೇಗುಲದಲ್ಲಿ
ಸದಾಕಾಲ

- ಅರೆಯೂರು ಚಿ. ಸುರೇಶ್

14 Oct 2016, 10:06 pm

ಚಲುವ ಚಂದ್ರಿಕೆ

ಹೂವಿನಲ್ಲಿ ಅವಿತೆ
ಬಿಡಲಿಲ್ಲ ನಿನ್ನ ಕವಿತೆ
ಸರಾಗವಾಗಿ ಕಾಡಿದೆ
ಪರಾಗವಾಗಿ ಹಾರಿದೆ
ಕಾವ್ಯವಾದೆ ನಾನು
ಬಿಡಲಿಲ್ಲ ನನ್ನ ನೀನು
ಸುನಾದವಾಗಿ ಕೂಗಿದೆ
ಪ್ರಯೋಗ ಮಾಡಿ ಹಾಡಿದೆ...

ಕರೆದರೆ ಇಲ್ಲ ಎಂದದೆ
ಬರುವ ಬೆರೆತರೆ
ಮಾತೆ ಆಡದೆ
ಇರು ಚೆಲುವ ಚಂದ್ರಿಕೆ
ಕಾವ್ಯ ಕನ್ನಿಕೆ
ಮಾತಾನಾಡಲು ಅವಳು
ಮಾಯವಾದಳು....

- ಅರೆಯೂರು ಚಿ. ಸುರೇಶ್

14 Oct 2016, 10:04 pm

ಕಾವ್ಯ ಕನ್ನಿಕೆ

** ಕಾವ್ಯ ಕನ್ನಿಕೆ **

ಕಲ್ಸಕ್ಕರೆ ಬೊಂಬೆ ಕೇಳೆ
ಹಸೆಮಣೆಗೆ
ಹಾಲೋಗರ ರಂಭೆ ಬಾರೆ..!!

ದೇವರ ಹೂದೋಟದಲಿ
ಅರಳಿರುವ ಮಲ್ಲಿಗೆಯೆ...
ಮುದ್ದಾಗಿ ಮಾತನಾಡೋ
ಮಲೆನಾಡ ಅರಗಿಣಿಯೇ...!!

ಸಿರಿಸಂಪಿಗೆ ಬನದಲ್ಲಿ
ಸೊಂಪಾಗಿ ಬೆಳೆದಂತೆ..
ಹಾಲ್ಜೇನು ಮೊಸರಾಗಿ
ನೈವೇದ್ಯಕೆ ಬಂದಂತೆ...!!

ಆನಂದದ ಲಹರಿಯಾಗಿ
ಒಲವಿನೆದೆಯ ರಾಗವಾಗಿ..
ಕುಂಚದಲಿ ಅವತರಿಸಿಹ
ರಸಕಾವ್ಯ ಕನ್ನಿಕೆಯಾಗಿ...!!

- ಅರೆಯೂರು ಚಿ. ಸುರೇಶ್

14 Oct 2016, 10:02 pm

ನಿನ್ನ ಪ್ರೀತಿ

ಕಾಡಬೆಳದಿಂಗಳ
ಈ ಸಂಸಾರದಲ್ಲಿ
ಕಾಡುವ ಕತ್ತಲೆಯ
ಕಳೆದು, ಬೆಳದಿಂಗಳ
ಬೆಳಕ ಚೆಲ್ಲೋ
ಚಂದಿರನಂತಿರಲಿ
ನಿನ್ನ ಪ್ರೀತಿ.

- ಸಾ.ರಾ.ಜ್ಞಾ

14 Oct 2016, 05:29 pm

ಪ್ರಿಯತಮೆ

ಕನಸುಗಳ ಹಿ೦ಡಿನಲಿ
ವಣ೯ಮಯ ಬಿ೦ಬಗಳಲಿ
ನಸುಕು ನಸುಕಿನ ಛಾಯೆಯಲ್ಲಿ
ನಿನ್ನ ರೂಪ ಕ೦ಡೆನಲ್ಲಿ //

ಹೃದಯ ವೀಣೆ ನುಡಿಸುತಲಿ
ಮಿಡಿವ ತಂತಿ ನಾದದಲಿ
ಮನದೀ ಮೌನ ರಾಗದಲಿ
ನಿನ್ನ ನೆನಪ ಹಾಡುತಲಿ//

ಚು೦ಬಿಸುವ ಹರುಷದಲಿ
ಕಡಲು ಬಾನು ಸೇರುತಲಿ
ಅಲೆ ಅಲೆಯ ನಡುವಿನಲಿ
ನೀ ತೇಲಿ ಬರುವೆ ಅಲ್ಲಿ//

ಈ ಪ್ರೀತಿಯ ಆಟದಲಿ
ಸಿರಿಯ ಸೊ೦ಪು ಹರಡುತಲಿ
ಸ್ವಪ್ನ ಸೌದ ಕಟ್ಟುತಲಿ
ಕೂಡಿ ನಲಿವ ನಿತ್ಯವಿಲ್ಲಿ...

- ತಾ೦ಡವ.

14 Oct 2016, 11:36 am

:ನಾನೊಂದು ತೇರು:

ಬರಿದಾದ ಬಿಳಿ ಕಾಗದಕೆ ಅಕ್ಷರಗಳ ಸರಮಾಲೆ ಹೊರುವ ತವಕ
ಮನವೋ ಸಾವಿರ ಕುದುರೆಗಳ ಸವಾರಿ
ಪದಗಳದು ಉಪಮಾನಗಳಡಿ ಗುದ್ದಾಟ
ನನ್ನವಳದೋ ಓರೆಗಣ್ಣ ಚುಂಬಕ ನಗೆಯ ಸೆಳೆತ
ಅಮ್ಮನೋ ಮೌನದಲ್ಲೇ ಪಿಸು ಮಾತಾಡಿಸೋ ಔದಾರ್ಯ
ಗೆಳೆತನವೋ ಜಾತಕ ಹಕ್ಕಿಯ ಕಾಯುವಿಕೆ ಕಾವ್ಯಕೆ
ಸಾಗರ ಚಂದ್ರಗಳದು ಪ್ರಕೃತಿಯೊಡಗೂಡಿ ಘೀಳಿಡೋ ಅವಸರ
ನಾನು ಈಗ ನಾನೇನು ಯಾರಿಗೂ ಬೇಡವಾದರೂ ಪದಗಳ ಮೆರವಣಿಗೆ ಹೊತ್ತು ತರೋ ತೇರು.....

- ದೀಪು....

14 Oct 2016, 12:09 am

:ಗುರುವಿಲ್ಲದ ವಿದ್ಯೆ:

ಗುರುವಿಲ್ಲದ ವಿದ್ಯೆಗಳಿಗೆ ಬರವುಂಟೆ

ಅವಳ ಓರೆ ನೋಟದಲ್ಲಿ ಪಾಂಡಿತ್ಯದ ದರ್ಪವಿಲ್ಲ

ಜೀವ ಹಿಂಡೋ ಮುಗುಳ್ನಗೆಗೆ ಪಾವತಿಸಬೇಕಾದ ಶುಲ್ಕವಿಲ್ಲ

ಧಾರೆ ಎರೆಯೊ ಪ್ರೀತಿಯ ಸಾಕ್ಷಾತ್ಕಾರಕೆ ವ್ಯಾಕರಣವೇಕೆ

ಜಗ ಮರೆಯೋ ಸ್ಪರ್ಷದ ಸುಖಃಕೆ ಬೆತ್ತದ ರುಚಿಯ ಭಯವಿಲ್ಲ

ಜೊತೆ ನಡೆಯೋ ನಾಲ್ಕೆಜ್ಜೆಯ ಗುರುತಿಗೆ
ಪರೀಕ್ಷೆಗಳ ಗೊಂದಲವಿಲ್ಲ

ನೂರುಕಾಲ ಜೊತೆ ಬಾಳೋ ಗೆಲುವಿಗೆ ಪಾಸು ನಪಾಸುಗಳ ಚಿಂತೆಯಿಲ್ಲ

ಬೆತ್ತಲಾಗಿ ಆಡೋ ಕಾಮದಾಟಕೆ ಸಮವಸ್ತ್ರಗಳ ಪರಿವೆಯಿಲ್ಲ

ಅವಳಿಗೆ ನಾ ನೀಡೋ ಭದ್ರತೆಯ ಭರವಸೆ ಯಾವ ಗುರುವು ಯಾವ ಶಾಲೆ ತಾನೆ ಎನಗೆ ನೀಡಬಲ್ಲದ

- ದೀಪು....

13 Oct 2016, 07:38 pm

ನಿನ್ನ ಪ್ರೀತಿ

ಮರುಭೂಮಿಯ
ಬದುಕಲ್ಲಿ, ಬಿಸಿಯ
ಬಿರುಗಾಳಿಯಲ್ಲಿ
ಬೆಂದು-ಬಳಲಿದವಗೆ
ತಂಪು-ಕಂಪು ನೀಡೋ
'ಓಯಸಿಸ್'ನಂತಿರಲಿ
ನಿನ್ನ ಪ್ರೀತಿ.

- ಸಾ.ರಾ.ಜ್ಞಾ

13 Oct 2016, 05:55 pm

ಯಾಮರಿಸಿದ ಹುಡುಗಿ

ಓ ನನ್ನ ಮುದ್ದಿನ ಹುಡುಗಿ !!
ನಿನ್ನ ನೋಡಿ ನನ್ನ ಹೃದಯ ಕರಗಿ !!
ನೀನು ಬಿಟ್ಟು ಹೋದ ಮೇಲೆ ನಾನ್ ತುಂಬಾ ಕೊರಗಿ!
ನಿನ್ನ ಮೇಲೆ ಇಟ್ಟ ಕನಸ್ಸುಗಳೆಲ್ಲಾವು ಹೋಗಿವೆ ಇಂದು ದಿಕ್ಕಪಾಲಗಿ !!


ಸತ್ಯ ಪೂಜಾರಿ

- sathish poojary

13 Oct 2016, 04:52 pm

ಪ್ರೀತಿಯ ಕಣ್ಣಿರು..

ಬಿಸಿಲಿನ ತಾಪಕ್ಕೆ
ಕರಗಿದ ನೀರು ಆವಿಯಾಗಿ
ಮೋಡ ಸೇರಿ ಮಳೆಯನ್ನಾದ್ರು
ತರಿಸುತ್ತೆ....

ಪ್ರೀತಿಯ ತಾಪಕ್ಕೆ
ನೋವಿನ ಕಣ್ಣಿರು ಪ್ರೀತ್ಸೋರ
ಹೃದಯವನ್ನು ಸೇರದೆ
ಪ್ರತಿ ದಿನ ಪ್ರತಿ ಕ್ಷಣ ಪರಿತಪಿಸುತ್ತೆ....

- Halesh S

13 Oct 2016, 12:13 pm