Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ನಿನಗೆ ಯಾವ ಹೋಲಿಕೆ...

ನನ್ನ ಒಲುಮೆ ಗೂಡಿಗೆ
ನೀ ಪಟ್ಟದರಸಿ ಎಂದು
ಹೇಳಲೇಬೇಕೆ?
ನಿನ್ನ ರೂಪರಂಗಿಗೆ ಹೋಲುವ
ಬಣ್ಣ ಇನ್ನು ಇದೆ ಎಂದು ನಂಬಲೆಬೇಕೆ?
ಯಾವ ಹೋಲಿಕೆಗೂ ನಿಲುಕದ ನಿನ್ನ
ರೂಪಕೆ ಬೇರೆ
ಉಪಮೆ ಬೇಕೆ!

- ಶಿಖರಸೂರ್ಯ

28 Aug 2016, 11:14 am

ಮನ

ಪರ ಪ್ರಶಂಸೆಯ
ಸಹಿಸದ ಈ ಮನ
ಪರ ನಿಂದನೆಯ
ಸ್ವಾಗತಿಸುವುದು.

- ಸಾ.ರಾ.ಜ್ಞಾ

28 Aug 2016, 10:29 am

ಅಂತರಾತ್ಮ

ಎಲ್ಲ ಕಂಡು
ಸುಮ್ಮನಿರುವ ಹಾಗೆ
ನಟಿಸುವ
ನನ್ನ ಎಲ್ಲ ನೋವಿಗೂ
ಕನ್ನಡಿ ನೀನು
ನನ್ನ ಎಚ್ಚರಿಸುವ
ಬೆಳಕಿನೆಡೆಗೆ ನನ್ನ ಕರೆದೊಯ್ಯುವ
ನಿನಗೆ ನಮಸ್ಕಾರ
ಓ ಅಂತರಾತ್ಮ......

- ಶಿಖರಸೂರ್ಯ

27 Aug 2016, 09:46 pm

ಅಂತರ

ಕಾದಳು ಶಬರಿ ಉದ್ಧರಿಸಲು
ರಾಮ ಬರುವನೆಂದು.
ಕಾಯುವಳು ಈಕೆ ಬರಿ
ರಮಣ ಮಣ-ಹಣ ತರಲೆಂದು.

- ಸಾ.ರಾ.ಜ್ಞಾ

27 Aug 2016, 09:34 pm

ನನ್ನವಳು

ಕಳೆದಿರುಳ ರಾತ್ರಿಯಲಿ
ನನ್ನವಳು ಕನಸಿನಲಿ
ಕಾರಣವ ಹೇಳದೆ
ಕಚ್ಚಿದಳು ಕೆಳತುಟಿಯ

ಮುಂಜಾವಿನ ಬೆಳಗಿನಲಿ
ಕೆಳತುಟಿಯ ಭಾಗದಲಿ
ಸಣ್ಣ ಮೊಡವೆಯೊಂದು ಮುಡಿತ್ತು

ತಿಳಿದಿತ್ತು ನನಗಾಗ
ನನ್ನ ಕೆಳತುಟಿಯ
ಕಚ್ಚಿದವನೆ ನಾನೆಂದೂ
ನನ್ನವಳು ನೆನಪಿನಲಿ
✍

- anup

27 Aug 2016, 08:23 pm

ನೆನಪು

ನನ್ನ ಎದೆಯಲ್ಲಿ ಪುರಾತನವಾದ ಅವನ ನೆನಪೊಂದು ಕಾಡುತ್ತಿದೆ ಪ್ರತಿ ರಾತ್ರಿ...

ನಿದ್ರೆ ಬಂದರೂ ಒಲ್ಲದ ಮನಸ್ಸು ಕನಸಿನ
ನೆಪದಲ್ಲಿ ಅವನನ್ನು ಸುಳಿಯುತ್ತಿದೆ ಇಡೀ ರಾತ್ರಿ ....

- ತೇಜು

27 Aug 2016, 12:31 pm

ಹೈಕು

ನಲ್ಮೆಯ ಹೂವ
ಮಂದಸ್ಮಿತ ಮೊಗಕೆ
ಪ್ರೀತಿ ಕಾರಣ.!

- ಸಾ.ರಾ.ಜ್ಞಾ

27 Aug 2016, 08:17 am

ವೃಧ್ಧಾಶ್ರಮ

ಬೆಳೆಯುತಿದೆ ನಗರದಲಿ
ಬಹುಬೇಗವಾಗಿ
ಖಾಸಗಿ ವೃದ್ಧಾಶ್ರಮ...
ಕಷ್ಟವಾಗುತ್ತಿದೆ ಹೆತ್ತು-ಹೊತ್ತ
ಬಡಜೀವಿಗಳೊಂದಿಗೆ
ಮಾಡಲು ಆತನ ಜೀವನಕ್ರಮ ...

ಅತಿಯಾಯಿತೆಂದನಿಸುತ್ತದೆ ಆತನಿಗೆ
ಬುದ್ಧಿ,ಅರಿವು,ಅಧಿಕಾರ ಬಲ...
ಆತನಿಗೇನು ಗೊತ್ತು
ಹೆತ್ತವರ ಚಾಕರಿಗೆ
ಸಿಗುವ ಪ್ರತಿಫಲ ....

ಉತ್ತರಿಸುವನು ಕೇಳಿದರೆ
ಅತ್ಯಾಧುನಿಕ,ಸಕಲ ಸೌಲಭ್ಯ
ಗಳಿರುವ ಉತ್ತಮ ಆಶ್ರಮ...
ಸ್ವಾರ್ಥಕ್ಕಾಗಿ ಮರೆತು ಬಿಟ್ಟನು
ಆ ತಾಯಿ ನಿದ್ದೆ ಊಟ
ಬಿಟ್ಟು ಮಾಡಿದ ಆ-ಶ್ರಮ...

- AsiddeeqN

27 Aug 2016, 12:02 am

ಪ್ರಾರ್ಥನೆ

ಮನನೊಂದು ಬೇಡುವ
ಕೆಲವೊಂದು ಹೃದಯಗಳು
ಉತ್ತರವ ನಿರೀಕ್ಷಿಸುವ
ಕೆಲವೊಂದು ಮನಸ್ಸುಗಳು
ಫಲಿತಾಂಶ ವೀಕ್ಷಿಸುವ
ಕೆಲವೊಂದು ನಯನಗಳು
ಅದಕ್ಕಾಗಿಯೇ ಆಯ್ಕೆ ಮಾಡಲ್ಪಟ್ಟ
ಕೆಲವೊಂದು ವನಗಳು
ದೇವ ಸ್ಮರಣೆಯಲ್ಲೇ ಕಳೆದ
ಕೆಲವೊಂದು ಮುನಿಗಳು
ಅವರಿಗೆ ಆಹಾರವನ್ನಿತ್ತ
ಕೆಲವೊಂದು ದನಗಳು
ಸಮಾಜದ ಕ್ಷೇಮಕ್ಕೆ
ಎತ್ತಲ್ಪಟ್ಟ ಹಸ್ತಗಳು
ಎಲ್ಲವನ್ನೂ ಸ್ಪಷ್ಟಿಸಿದ
ದೇವನಿಗೆ ಸ್ತೋತ್ರಗಳು...

- ಶಾಹಿದ್ ಉಪ್ಪಿನಂಗಡಿ

26 Aug 2016, 04:45 pm

ರುಮಾಲು

ನೋಡಲು ಬಾರೀ ಚಂದ
ಕೆಲವೊಂದು ರುಮಾಲು
ನಾವೂ ಧರಿಸಿದರೇನಂತೆ ?
ನಮ್ಮೊಳಗೆ ಸವಾಲು

ಕಟ್ಟುವರು ಸುಂದರವಾಗಿ
ಕಾಣಲು ರಿಂಗು - ರಿಂಗು
ಎಲ್ಲಿಂದ ಕೊಂಡರೋ
ಬಣ್ಣಗಳು ರಂಗು - ರಂಗು

ಪರಂಪರೆ ಇರುವ
ಕೆಲವೊಂದು ರುಮಾಲು
ನೋಡುಗರ ಕಣ್ಣಿಗೆ
ಎಷ್ಟೊಂದು ಜಮಾಲು (1)

ಕಟ್ಟಲು ಕೆಲವರು
ಪಟ್ಟಿದ್ದರಂತೆ ಕಷ್ಟ
ಕಷ್ಟಪಟ್ಟರೇನಂತೆ
ಜನರಿಗದೇ ಇಷ್ಟ

ಪದದ ಅರ್ಥ
(1) ಜಮಾಲು = ಚಂದವಾದ

- ಶಾಹಿದ್ ಉಪ್ಪಿನಂಗಡಿ

26 Aug 2016, 04:30 pm