Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಬೆಂಕಿಯ ಬಲೆ

ಒಮ್ಮೆ ಅಕಸ್ಮಾತ್
ಸೋಕಿದ ಅವಳ
ಬಿಸಿಯುಸಿರು
ಹೃದಯಕ್ಕೆ ಕಾಳ್ಗಿಚ್ಛು ಹಚ್ಛಿ
ನನ್ನ ಸುಡುತ್ತಿದೆ

- karthik

24 Aug 2016, 11:59 am

ವ್ಯವಸ್ಥೆ

ಬೆಕ್ಕು ಕದ್ದು
ಹಾಲು ಕುಡಿಯುವ ಮುನ್ನ
ಹಾಲಪ್ಪ ದಂಡಿಯಾಗಿ
ನೀರು ಸುರಿದಿದ್ದ
ಮನೆ ಯಜಮಾನ
ಸವಿ ನಿದ್ದೆಯಲಿದ್ದ....

- karthik

24 Aug 2016, 11:48 am

ಅವಳ ಹೆಸರು

"ಅವಳ ಹೆಸರಿರುವುದು ಈ ಕವನದಲಿ
ನುಡಿಮುತ್ತು ಆ ಹೆಸರು ನನ್ನ ಬಾಳ ಪುಟದಲಿ
ಪದವಾಗುವಳು ಪ್ರತಿ ಸಾಲಿನಲಿ
ಮನೆ ಮಾಡಿರುವಳು ನನ್ನ ಹ್ರದಯದಲಿ"

- GIRISH

24 Aug 2016, 01:27 am

ನನ್ನ ಬಾಲ್ಯದ ಸವಿ........

ನಾ ಚಿಕ್ಕವನಾಗಿದ್ದಾಗ ಅಪ್ಪ ಹೇಳುತ್ತಿದ್ದರು
ಈ ನಿಂಬೆಯ ಗಿಡದಿಂದೊಂದು ಒಳ್ಳೆಯ ಪಾಠವ ಕಲಿ ಮಗು
ನೀ ಪ್ರೇಮದಲ್ಲಿ ಎಂದೂ ನಂಬಿಕೆ ಇಡಬೇಡಾ ಮರಿ
ಆ ಪ್ರೇಮವು ಸಹ ನಿಂಬೆಯ ಗಿಡದಂತೆಂಬುದ ನೀ ತಿಳಿ

ನಿಂಬೆ ಗಿಡ ತುಂಬ ಚಂದ
ನಿಂಬೆಯ ಹೂವು ತುಂಬ ಸಿಹಿ
ಆದರೆ ನಿಂಬೆಯ ಹಣ್ಣು ಕಂದ
ತಿನ್ನಲು ಬಹಳ ಹುಳೀ ಕಹಿ

ಯೌವ್ವನದಲ್ಲಿ ನಾನು ಒಂದು ಹುಡುಗಿಯ ಪ್ರೇಮಿಸಿದೆ
ಆ ಹುಡುಗಿಯು ನನಗೆ ಊಡಿಸುತಿದ್ದಳು ದಿನವು ಪ್ರೇಮಸುಧೆ
ಸೂರ್ಯನತ್ತಲೆ ಸೂರ್ಯ ಕಾಂತಿ ಮೊಗವೆತ್ತಿ ತಿರುಗುವಂತೆ
ಆ ಹುಡುಗಿಯ ಮೋಹದಲ್ಲಿ ಅಪ್ಪನ ಮಾತ ನಾ ಮರೆತೆ.

ನಿಂಬೆಯ ಗಿಡದ ರೆಂಬೆ ರೆಂಬೆಯಲು ನೂರು ನೂರು ಮುಳ್ಳು
ಹುಡುಗಿಯ ಪ್ರೇಮದ ಮಾತುಗಳೆಲ್ಲ ಶುದ್ಧ ಕಪಟ ಸುಳ್ಳು
ಬೇರೊಬ್ಬನ ಕೊಬ್ಬಿಗೆ ಶಾಖವಾಗಿಹಳು ನನ್ನ ಹುಡುಗಿ ಇಂದು
ಅಪ್ಪನ ಕಿರುನಗೆ ರೇಗಿಸುತ್ತಿದೆ ಬುದ್ಧಿ ಬಂತೆ ಎಂದು.

- uday

23 Aug 2016, 10:45 pm

ಸುಡುಗಾಡು

ಜೀವಂತ
ಶವಗಳನು
ಸುಡುವ
ಸಮಾಜಕ್ಕಿಂತ,
ಸತ್ತ ಶವಗಳನ್ನು
ಸುಡುವ
ನೀನೆ ಮೇಲು...

- Hk

23 Aug 2016, 09:23 pm

ಕನಸು ಚೆಲ್ಲೊಯ್ತು

ಹೃದಯದ ಮಡಕೆ ಒಡೆದು ಕನಸು ಚೆಲ್ಲೋಯ್ತು ! ಮೌನದ ಏಟನ್ನು ತಾಳದೆ ಮನಸು ಸತ್ತೂಯ್ತು ! ಹೃದಯ ಚೂರಾಗಿ ಉಸಿರು ನಿಂತೊಯ್ತು. !!!

- Vasanth Rao

23 Aug 2016, 05:03 pm

ಚಂದನದ ಗೊಂಬೆ

ಚಂದನದ ಗೊಂಬೆಯೇ
ಚಂದಿರನ ಕಂಡೆಯೇ!!
ಚಂದದಾ ನನ್ನ ಸಖೀ ನೀ
ಚಂದೊಳ್ಳಿ ಚಲುವೆಯೇ!!

ಮುತ್ತು ರತ್ನದ ಹಾಗೆ
ಪಳ ಪಳ ಹೋಳೆಯುವೆ!!
ಮುತ್ತಿಡಲು ಬಂದಾಗ
ಮರೆಯಾಗಿ ಹೋಗುವೆ!!

ಮರೆತೆನೆಂದರೂ ನಾನು
ಮರೆಯಲು ಸಾಧ್ಯವೇ!!
ಮರಳಿ ಬರುವುದು ನಿನ್ನ
ಮಾಯೆತನ ಅಲ್ಲವೇ!!

- ಪಿ.ಜಿ.ಜ್ಯೋತಿ

23 Aug 2016, 04:08 pm

ಪ್ರಣಯ ಗೀತೆ

ಪ್ರೀತಿ ತುಂಬು ವೇಳೆ
ಆ ಚಂದ್ರ ಬಂದ ವೇಳೆ
ಹದಿನೆಂಟು ಚೈತ್ರ ಕಳೆದು
ನಲ್ಲ ನಿನ್ನ ನೋಡಿದಾಗ
ನಾಚಿ ನಿಂತ ನನ್ನ ಕೆನ್ನೆ
ರಂಗೇರಿತು!!

ಆ ನೀಲಿ ಬಾನಿನಲ್ಲಿ
ಚುಕ್ಕಿಗಳ ಸಾಲಿನಲ್ಲಿ
ಬೆಳದಿಂಗಳಾ ಚಂದ್ರ
ಬೆಳಕ ತೋರಿದಾ
ನಲ್ಲಾ
ನಿನ್ನ ನೋಡಲು!!

ನಿನ್ನೊಡನೆ ನಾನಿರಲು
ಮಲ್ಲಿಗೆಯು ಘಮ್ ಎನಲು
ಪ್ರಣಯ ಗೀತೆ ಹಾಡುವಾಗ
ಶಶಿ ಜಾರಿದಾ
ನಲ್ಲಾ
ರವಿ ಮೂಡಿದ!!

- ಪಿ.ಜಿ.ಜ್ಯೋತಿ

23 Aug 2016, 03:59 pm

ಮೋಡದಾ ಮೇಲೆ

ಮೋಡದಾ ಮೇಲೆ
ಪ್ರೀತಿಯಾ ತಾರೆ!!
ಕಾಲನು ತೂಗಿ
ಆಡುವಾ ಬಾರೆ!!

ನಕ್ಕರೆ ಹೂವಿನಾ ಮಳೆಯೋ
ಅತ್ತರೆ ಒಲವಿನಾ ಸಿರಿಯೋ!!
ನೆನೆದರೆ ಇಬ್ಬರಿಗೂಚಳಿಯೋ
ವಲಿದರೆ ಹೊನ್ನಿನಾ ಸಿರಿಯು!!

ವಿರಹವು ದೂರಕೆ ಸರಿದಿರಲು
ಸನಿಹದ ಬಯಕೆಯು ಬೆಸೆದಿರಲು!!
ಗೆಳೆತನ ನೆಮ್ಮದಿಯ ತರಲು
ಸಲುಗೆಯು ಒಮ್ಮತವಾಗಿಹುದು!!

ತಿರುಗುವ ಜೀವನ ಚಕ್ರದಲಿ
ಹಾಡಿದ ಪ್ರೀತಿಯ ಹಾಡು ಇದು!!
ಕರಗುವ ಮಂಜಿನ ವೇಗದಲಿ
ಮುಗಿಯಿತು ಕನಸಿನ ಹಾಡುಗಳು!!

- ಪಿ.ಜಿ.ಜ್ಯೋತಿ

23 Aug 2016, 03:44 pm

ಜೀವನ ಸಾಕ್ಷಾತ್ಕಾರ

ಎಲ್ಲಿಂದಲೋ ಬಂದೆವು ನಾವು
ಎಲ್ಲಿಗೋ ಹೋಗುವೆವು ನಾವು
ಚಿಂತಿಸದೇ ಕುಳಿತಿರುವೆವು
ಎಂದಾಗಿರಬಹುದು ನಮ್ಮ ಸಾವು...

ಎದುರಾಗುತ್ತಿದೆ ಸಾವಿರಾರು ನೋವು..
ಜೀವನವಾಗಿದೆ ಕಹಿ ಬೇವು
ಎದ್ದು ನಿಲ್ಲಬೇಕಾಗಿದೆ ನಾವು
ಜೀವನವನ್ನು ಮಾಡೋಣ ಸಿಹಿ ಮಾವು..

ಅನುಗ್ರಹಗಳನ್ನು ನೀಡಿದ ದೇವರು
ನಮಗದರ ನೆನಪೇ ಇಲ್ಲ..
ಬೀಗುತ್ತಿರುವೆವು ನಮ್ಮದೇ ಎಲ್ಲ..
ಹಂಚಿ ತಿನ್ನುವ ಪರಿವೆಯೇ ಇಲ್ಲ...

ತುಂಬಿಕೊಂಡಿದೆ ಮನದಲ್ಲಿ ಅಹಂಕಾರ
ಬಡವ-ನಿರ್ಗತಿಕರಲ್ಲಿ ತೀವ್ರ ತಿರಸ್ಕಾರ
ಬೆಳೆದವರ ನೆನೆದು ಮತ್ಸರ
ಮಾಡುತ್ತಿರುವೆವು ಅವರನ್ನು ಅಪಪ್ರಚಾರ

ಮಾಡುತ್ತಲಿರುವೆವು ಉತ್ತಮ ಸಾಧನೆ
ನೀಡುತ್ತಲಿರುವೆವು ಇತರರಿಗೆ ಬೋಧನೆ
ಮಾಡಲಾರೆವು ಅಸಹಾಯಕರ ಪಾಲನೆ
ಆಗಿದೆ ಇಲ್ಲಿ ಮಾನವೀಯತೆಯ ಧೋರಣೆ

ಗುರುಹಿರಿಯರಿಗೆ ಗೌರವ
ಸಮಾನರಿಗೆ ಸ್ನೇಹದ ಮಧುರ
ಚಿಕ್ಕವರಿಗೆ ಕರುಣೆಯ ಸಹಕಾರ
ನೀಡುತದತ್ತಾ ಮಾಡೋಣ ಜೀವನ ಸಾಕ್ಷಾತ್ಕಾರ

ಬೇಡ ನಮ್ಮಲ್ಲಿ ಅಸೂಯೆ
ಮುಖದಲ್ಲಿ ಕೋಪದ ಛಾಯೆ
ನಗುಮುಖ ಇರಲಿ......
ಕರುಣೆ ಪ್ರೀತಿ ತುಂಬಿರಲಿ.....

- AsiddeeqN

22 Aug 2016, 11:37 pm