Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ನನ್ನ ಪ್ರೀತಿ

ಹಗಲಲ್ಲಿ ಶಾಖೆಗಳಿಗೆ
ಪುಷ್ಠಿಯ ಶಾಖ ನೀಡೋ
ಸೂರ್ಯನಂತೆ
ರಾತ್ರಿಯಲ್ಲಿ ತಾಪ ಸಹಿಸಿ
ತಂಪಿನ ಅಮೃತವ ನೀಡೋ
ಬೆಳದಿಂಗಳ ಚಂದ್ರನಂತೆ
ನನ್ನ ಪ್ರೀತಿ.

- ಸಾ.ರಾ.ಜ್ಞಾ

22 Aug 2016, 04:35 pm

ಮತ್ತೆ ಹಾಡುವುದೇ ಕೋಗಿಲೆ ?

ಮತ್ತೆ ಹಾಡುವುದೇ ಕೋಗಿಲೆ?
ಮನದ ದುಗುಡವ ಅಳಿಸಿ
ಸುಡುವ ಕಣ್ಣೀರ ಒರೆಸಿ
ಮತ್ತೆ ಹಾಡುವುದೇ ಕೋಗಿಲೆ?

ಮತ್ತೆ ಹಾಡುವುದೇ ಕೋಗಿಲೆ?
ನಿರಾಸೆಯ ನೋವ ಸರಿಸಿ
ವಿಧಿಯ ಅಟ್ಟಹಾಸವ ಮರೆಸಿ
ಮತ್ತೆ ಹಾಡುವುದೇ ಕೋಗಿಲೆ?

ಮತ್ತೆ ಹಾಡುವುದೇ ಕೋಗಿಲೆ?
ದಣಿದ ಮನಸಿಗೆ ಸಂತೈಸಿ
ಬಾಯಾರಿದ ಬಯಕೆಗೆ ನೀರುಣಿಸಿ
ಮತ್ತೆ ಹಾಡುವುದೇ ಕೋಗಿಲೆ?

- shashidhar

22 Aug 2016, 10:47 am

ಒಬ್ಬಂಟಿ ದೇವರು

ನನ್ನ ಹೃದಯದ ಗುಡಿಯಲ್ಲಿ
ಒಬ್ಬಂಟಿ ದೇವರು ನೀನು
ಗೆಳೆಯ ನಿನ್ನ ಪೂಜಿಸುತ್ತಲೇ
ಜೀವಿಸುತ್ತಿರುವೆ ನಾನು!!

ಪೂಜೆಗುಂಟು ನೂರು ದೈವ
ಪ್ರೀತಿಗೆ ನೀ ನನ್ನ ದೈವ
ಗೆಳೆಯ ನಿನ್ನ ಪ್ರೀತಿಸುತ್ತಲೇ
ಆರಾಧಿಸುತ್ತಿರುವೆ ನಾನು!!

ಮನಸೆಂಬ ಮಂಟಪದಲ್ಲಿ
ಪ್ರೇಮವೆಂಬ ಗೋಪುರ ಕಟ್ಟಿ
ನೆಲೆಸಿರುವ ದೈವ ನಿನ್ನ
ಪಾದದಡಿಯ ಹೂವು ನಾನು!!

- ಪಿ.ಜಿ.ಜ್ಯೋತಿ

22 Aug 2016, 09:29 am

ಹೆಣ್ಣ ಬಣ್ಣ

ಹೆಣ್ಣ
ಸೊಬಗ ಬಣ್ಣ
ನೋಡಣ್ಣ
ಚಂದವಣ್ಣ!!

ಮೂಡಣದಿ
ಮೂಡೋ ಸೂರ್ಯ
ಬೆರಗಾಗಿ
ನಿಂತನಲ್ಲಾ!!

ಈ ಅಂದವತಿಯ
ಚಂದಾನ ನೋಡಿ
ತನ್ನ ಕೆಲಸ
ಮರೆತನಲ್ಲಾ!!

ಈ ಹೆಣ್ಣ ಕಣ್ಣ
ನೋಡೋದೆ ಚೆನ್ನ
ಮುಂಗುರುಳು ಇಹುದು
ಆ ಜೇನ ಬಣ್ಣ!!

ಮುತ್ತಂತ ದಂತ
ಸವಿಯಾದ ತುಟಿಯ
ಮೇಲಿರುವ
ಮುಗುಳು ಚಂದಾ!!

ನೋಡೋದೆ
ಚಂದ ಚಂದ
ಸೋಗಸಾದ
ಈ ಅಂದ!!

- ಪಿ.ಜಿ.ಜ್ಯೋತಿ

22 Aug 2016, 09:19 am

ಬೆಳಕು

ಬರುವುದಾದರೆ ಬಾ ಬೆಳಕೆ ಮನೆಗೆ
ತುಂಬಿಬಿಡು ಬಂದು ಮನಕೆ

ಕತ್ತಲಿನ ಭಯವ
ಕತ್ತಲಲೆ ಕಳೆದು
ಮತ್ತೆ ಹೊತ್ತಗೆಯ
ಜ್ಞಾನವನೆ ಮುಡಿದು
ಕಾಳರಾತ್ರಿಯ ಕೆಟ್ಟ ನೋವಿನ ನೆನಪು
ಭಿತ್ತಿಯಲಿ ಚಿತ್ರಿಸಿದ ಋಣವನ್ನು ಸುಟ್ಟು
ಮಂತ್ರದ ಜ್ಞಾನರಸ ತಂತ್ರದ ಗಾಯತ್ರಿನೀನು

ಕತ್ತಲಿನ ನಶೆಯಿಂದ ಎತ್ತರಕೆ ಬೆಳೆದ ದಿಡ್ಡೆಗಳನೊಡೆದು
ಸತ್ತವನ ಸತ್ಯವನು ಮರೆತು
ಬೆಳೆದ ಕಳೆಯನು ಕಿತ್ತು

ತತ್ತರಿಸುವ ನನ್ನ ಮನದ ಭಯವ ತರಿದು

ಇಳಿದು ಬಾ ನನ್ನ ಹೃದಯಕೆ ಓ ಜೀವ ಬೆಳಕೆ.

- Sandeep Vishwas

21 Aug 2016, 10:02 pm

ನೀನಾ.....

ಗೆಳೆತನಕೊಂದು ಹೊಸತನ ತಂದು
ನವಭಾವಗಳ ಬೆಸೆಯಲು ಬಂದ
ಗೆಳತಿಯು ನೀನಾ.....

ಸ್ವಪ್ನದ ಸಾಲಲಿ
ನೆನಪಿನ ನೆಪದಲಿ
ಉಸಿರನು ಕೂಡಿಸಿ
ಹುಣ್ಣಿಮೆ ಚೆಲ್ಲಿದ ಚಂದ್ರಿಕೆ ನೀನಾ.......

ಮನಸಿನ ಮಾಹಿತಿ
ದಿನವಿಡಿ ಪಡೆಯುತ
ಮರೆಯದ ಸಂಭ್ರಮ
ಕೊಡುಗೆ ನೀಡಿದ ಕನ್ನಿಕೆ ನೀನಾ.......

ಭುವಿಯಲಿ ಜಾರಿದ
ಹನಿಹನಿ ಮಳೆಯನು
ಸರದಲಿ ಪೋಣಿಸಿ
ಮಾಲೆಯ ಕಟ್ಟಿದ ಸಾಹಸಿ ನೀನಾ......

ಒಲವಿನ ಕಾವ್ಯವ
ರಚಿಸುವ ಕಲೆಯನು
ಬೆಳೆಸುತ ನನ್ನಲಿ
ಭಾವನೆ ತುಂಬಿದ ಮಾನಸಿ ನೀನಾ.......

- ಆನಂದ್

21 Aug 2016, 09:41 pm

ನನ್ನ ವಳು...!!

ಮಧುರ ಕಾವ್ಯ ದ
ಸು೦ದರಿ ಅವಳು...
ಚ೦ದಿರನ ಬೆಳದಿ೦ಗಳು
ಅವಳ ಮೊಗದ ಮು೦ಗುರಳು...
ಇನ್ನೂ ಅವಳನ್ನು ಪ್ರತಕ್ಷ ಕ೦ಡ
ನನಗೆ ಆಗಾದಿರುವುದೇ ಅರಳು ಮರಳು...
ಸಾಗದಿರುವುದೇ ಅವಳ ಜೋತೆ
ನನ್ನ ಜೀವನದ ಉರಳು?...

- ವಲ್ಲಭ..

21 Aug 2016, 07:14 pm

ಈ ನಾಡ ಒಮ್ಮೆ ನೋಡು

ಚಂದನದಲಿ ಹೊಂಬೆಳಕಲಿ
ಕಸ್ತೂರಿಯ ಕಂಪನದಲಿ
ಒಮ್ಮೇ ತಿರುಗಿ ನೋಡು
ನೀನೊಮ್ಮೆ ತಿರುಗಿ ನೋಡು!!

ಮಾಮರದಲಿ‌ ಮೈ ಮರೆಯುವ
ಕೋಗಿಲೆಗಳ ಆ ಗುಂಪಲಿ
ಒಮ್ಮೇ ಸೇರಿ ನೋಡು
ನೀನೊಮ್ಮೆ ಸೇರಿ ನೋಡು!!

ಬೇಲೂರಿನ ಆ ಶಿಲೆಗಳ
ಕೋಲಾರದ ಹೊನ್ ಸಿರಿಗಳ
ಒಮ್ಮೇ ಕಲೆತು ನೋಡು
ನೀನೊಮ್ಮೆ ಕಲೆತು ನೋಡು!!

ಅಬ್ಬರಿಸುವ ಸಾಗರವಿದೆ
ಹುಬ್ಬೇರಿಸೊ ಆ ತೀರದಿ
ಒಮ್ಮೇ ಸಾಗಿ ನೋಡು
ನೀನೊಮ್ಮೆ ಸಾಗಿ‌ ನೋಡು!!

ಈ ನಾಡಿನ ಈ ನುಡಿಗಳ
ಆಹ್ಲಾದಿಸುವ ಒಲುಮೆಯ
ಒಮ್ಮೇ ಕೇಳಿ ನೋಡು
ನೀನೊಮ್ಮೆ ಕೇಳಿ ನೋಡು!!

ನಿಸ್ವಾರ್ಥದ ಅಮೃತದಲಿ
ಸತ್ಯಾರ್ಥದ ಸಂಜೀವಿನಿ
ಒಮ್ಮೇ ಆಗಿ ನೋಡು
ನೀನೊಮ್ಮೆ ಆಗಿ ನೋಡು!!

- ಪಿ.ಜಿ.ಜ್ಯೋತಿ

21 Aug 2016, 11:02 am

ಗೆಳತಿ...ಉಳಿದಿಲ್ಲ ಏನು ಸಾಕ್


ನೀನು ನನ್ನ ಬಿಟ್ಟು ಹೋದ ದಿನವೇ ನಿ ಕೊಟ್ಟ ನವಿಲುಗರಿ,
ಶುಭಾಶಯದ ಕಾಗದ ,ಒಲವಿನ ಪತ್ರ ,ಉಡುಗೊರೆಗಳನ್ನೆಲ್ಲ ಹೂತು ಹಾಕಿ ಬಂದೆ
ನಮ್ಮ ಪ್ರೀತಿ ಸಮಾಧಿಯ ಹತ್ತಿರ...!!
ಗೆಳತಿ...ನೆನಪು ಮತ್ತು ಕಣ್ಣಿರು ಬಿಟ್ಟರೆ ನಮ್ಮ ಸತ್ತು ಹೋದ ಪ್ರೀತಿ ಸಂಬಂದಕ್ಕೆ
ಉಳಿದಿಲ್ಲ ಯಾವುದೇ ಲೆಕ್ಕಪತ್ರ ...!! ಆದರೂ...
ನಿನ್ನ ನೆನಪಲ್ಲಿ ಅಳೋದು ನಂಗೆ ತುಂಬಾ ಇಷ್ಟ ಕಣೇ ಹುಡುಗೀ...!

- pavan

20 Aug 2016, 11:26 pm

ಆಣೆ

ಪ್ರೀತಿಸಿದ ನೀನು
ಕೈ ಹಿಡಿದು ನನ್ನ
ಸಾಗೋ ಹೆಜ್ಜೆ ಮೇಲಾಣೆ!!

ನೀ ಕೈ ಬಿಟ್ಟು ನನ್ನ
ಅಗಲಿದರೆ ಚಿನ್ನ
ನಾ ಉಳಿಯಲಾರೆ ನನ್ನಾಣೆ!!

- ಪಿ.ಜಿ.ಜ್ಯೋತಿ

20 Aug 2016, 04:04 pm