ಕಣ್ಣ ತುಂಬಾ
ಸದಾ ನನ್ನ ಕಣ್ಣ ತುಂಬಾ
ಕಂದ ಇರಲಿ ನಿನ್ನದೆ ಬಿಂಬ
ಕೊಡುವೆ ನನ್ನ ಅಪ್ಪುಗೆ ಆಸರೆ
ಬಿಡಿಸಲು ನಿನ್ನೆಲ್ಲ ಬಾಳಿನ ಸೆರೆ
ನೀ ಬಯಸಿದ್ದೆಲ್ಲ ಕೊಡಿಸುವಾಸೆ ಚಿನ್ನ
ಅದಾಗದಿದ್ದರೆ ಮನ್ನಿಸಿ ಬಿಡು ಎನ್ನ
ನೋಡಬೇಡ ಸೋತೋದ ನನ್ನ ಕಣ್ಣೀರನ್ನ
ಕಸಿದು ಬಿಡಬಹುದು ಅದು ನಿನ್ನ ನಗುವನ್ನ
ಸಿಂಗರಿಸುವೆ ನಿನ್ನ ಇಟ್ಟು ಕಾಡಿಗೆ ದೃಷ್ಟಿಬೊಟ್ಟು
ಕಲಿಸುವೆ ನಿನಗೆ ಜೀವನದ ಎಲ್ಲ ಒಳಗುಟ್ಟು
ನೀ ಏರಬೇಕು ಬಾಳಿನ ಉತ್ತುಂಗದ ಶಿಖರ
ಯಾರ ಮುಂದೆಯೇ ಬಾಗಿಸದೆ ನಿನ್ನ ಶಿರ
ಪುಟ್ಟ ಪುಟ್ಟ ಕಾಲಿಗೆ ಹಾಕುವೆ ಗೆಜ್ಜೆ
ಇಡಲಿ ಎಂದು ದಿಟ್ಟ ಮಾದರಿ ಹೆಜ್ಜೆ
ಸಂತಸದೊನಲ ಹರಿಸಲಿ ಅಳಿಸಿ ಒಡಕು
ನೀನಾಗದಿರಲೆಂದು ಲೋಕಕೆ ಕೆಡುಕು
- ಶ್ರೀಕಾವ್ಯ
08 Dec 2017, 11:53 pm
Download App from Playstore: