ಎನ್ನ ಮನೆಯ ಸುಮ
ಎನ್ನ ಮನೆಯಂಗಳದರಳಿದ ಸುಮವಿಂದು
ಸೇರುತಿದೆ ಇನ್ನೊಂದು ಮನೆಯ ಪೂಜೆಗೆಂದು
ಬಾಡದಿರಲಿ ಆ ಹೂವಿನ ನಗುವು ಎಂದೆಂದೂ
ಬೇಡುವೆ ಆ ದೇವರ ಅನುದಿನ ಕಾಪಾಡೆಂದು
ಹೆತ್ತವರಿರದ ಮುದ್ದು ಹೆಣ್ಣು ಕೂಸಿಗೆ
ನನ್ನ ಮಡಿಲೇ ಬೆಚ್ಚನೆಯ ಹಾಸಿಗೆ
ಸಾಕಿದೆನವಳ ತೆಕ್ಕೆಲಿಟ್ಟು ತಾಯಿಯ ಹಾಗೆ
ಅವಳೇ ಬೆಳಕು ಈ ಅಣ್ಣನ ಕತ್ತಲ ಬಾಳಿಗೆ
ನನ್ನ ಕೈ ಹಿಡಿದು ನಡೆಯುತ್ತಿದ್ದ ಕೂಸಿಂದು
ಹೊರಟಿದೆ ಇನ್ನೊಂದು ಮನೆಯ ಬೆಳಗಲೆಂದು
ಕಣ್ಣೀರ ಕಡಲೆ ಸ್ವಂತವಾಗಿದೆ ನನಗಿಂದು
ಅವಳ ನಗುವಿರದ ಮನೆಯ ನೆನೆನೆನೆದು
ಕೊಟ್ಟ ಹೆಣ್ಣು ಕುಲಕ್ಕೆ ಹೊರಗೆಂದು
ನೊಂದು ದೂರಾಗಬೇಡ ಕಂದ ನೀನೆಂದು
ನೀ ಕರೆದ ಮರ ಘಳಿಗೆ ನಾನಿರುವೆ ನಿನ್ನ ಮುಂದೆ
ನಿನ್ನ ಸುಖ ದುಃಖಗಳಿಗೆ ನಾನಾಗಿ ಬರುವೆ ತಂದೆ
- ಶ್ರೀಕಾವ್ಯ
08 Dec 2017, 11:53 pm
Download App from Playstore: