ಹೇಳಿಬಿಡು ಮನವೆ !
ವೃತ್ತಿಯರಸಿ ಶ್ರಮವ ಪಡಲೆ
ಯುಕ್ತಿಯರಸಿ ಶ್ರಮವ ಪಡಲೆ
ತೃಪ್ತಿಯರಸಿ ಶ್ರಮವ ಪಡಲೆ
ಒಮ್ಮೆ ನೀನೆನಗೆ ಹೇಳಿಬಿಡು ಮನವೆ!
ಚಿಗರೆಯಂತೆ ಜಿಗಿಯಿತಿಹ ಸಮಯ
ಕೂರ್ಮನಂತೆ ಸಾಗುತಿಹ ಕಾಯಕ
ತೀರ ಸೇರಿಸಬೇಕು ಸಂಸಾರ ನೌಕೆಯ
ನೀನೆನಗೆ ಮಾರ್ಗ ತೋರು ಮನವೆ!
ದಟ್ಟ ಗುರಿಯ,ದಿಟ್ಟತನದಿ ತಟ್ಟಿ
ಹಮ್ಮೆಯಿಂದ ಹಿಗ್ಗಿ ಬಾಳುವಾಸೆ
ಹಮ್ಮು- ಬಿಮ್ಮಿನಾದಿಯಲ್ಲಿ ಕುಟ್ಟಿ
ತಾ ಸಾಗಲೆಂದು ಅಟ್ಟಿದೆ ನೀನೆನ್ನ ದೇವನೆ!
ಏಳೈ ತಾಯೆ ನಿನಗಾಗಿ ಮಿಡಿಯಿತಿದೆ ಈ ಮನವೆ!
ಶಾರಧ
- ಶಕುಂತಲಾ
11 Dec 2017, 01:29 pm
Download App from Playstore: