ನೋವು
ಜೀವನವೊಂದು ನಿತ್ಯ ಗಿಜಿಗುಡುವ ಸಂತೆ
ಕೊಳ್ಳುವವಾರ್ಯಾರಿಲ್ಲ ಇಲ್ಲಿ ಅಂತೆ ಕಂತೆ
ಏತಕೆ ನೋವಲಿ ಸುಮ್ಮನೆ ಕುಂತು ಮಾಡುವೆ ಚಿಂತೆ
ನಿನ್ನ ಬದುಕು ನಿನಗಷ್ಟೆ ಯಾರು ಬರಲಾರರು ಜೊತೆ
ಎಲ್ಲವ ಮರೆತು ನಕ್ಕುನಗಿಸಿ ಬಿಡು ಏರುವ ಮುನ್ನ ಚಿತೆ
ನನ್ನ ಕಿರುಬೆರಳ ಹಿಡಿದು ನಡೆದಿದ್ದ ಪುಟ್ಟ ಕೈ
ಮತ್ತೊಂದು ಕಿರುಬೆರಳ ಹುಡುಕಿ ಹೊರಟಿದೆ
ಒಂಟಿಯಾಗುತುದೆ ಬೆರಳೆಂದು ನೋವಲಿ ಕೊರಗಿ ಅಳಲೆ
ನಾ ಸಾಯುವ ಮುನ್ನವೇ ಜಂಟಿಯಾಯಿತೆಂದು ಹರಸಲೆ
ಪುಟ್ಟಹಕ್ಕಿಗೆ ಅಮ್ಮ ತಿನ್ನಿಸುತ್ತಿದ್ದಳು ಮಾಡುತ್ತ ಮುದ್ದು
ಎಲ್ಲಿಂದ ಹಾರಿ ಬಂದೀತೋ ಆ ಯಮರೂಪ ಹದ್ದು
ಕೆಳಗೆ ಬಿದ್ದೇ ಹೋದಳು ಅಮ್ಮ ರಕ್ತದಲಿ ದೇಹವ ಅದ್ದು
ಹಾರುವ ಮುನ್ನವೇ ಹಕ್ಕಿಗೆ ಅನಾಥ ನೋವಿನ ಗುದ್ದು
- ಶ್ರೀಕಾವ್ಯ
11 Dec 2017, 06:21 pm
Download App from Playstore: