ಕೊನೆಗೊಂಡ ಕಿರು ಬಯಕೆ
ಕೊನೆಗೊಂಡ ಕಿರು ಬಯಕೆ ಮನದಲ್ಲಿ
ಉದಯಿಸಿ ಮಾತಲ್ಲಿ ಮುಗಿದು ಮೌನದ ಮಸಣದಲ್ಲಿ ಶಾಶ್ವತವಾಗಿ ನಿದ್ರಿಸುತ್ತಿದೆ.
ಎಚ್ಚೆತ್ತುಕೊಂಡ ಅತಿರಥ ಮಹಾರತರು
ನಮ್ಮ ಪುರುಷ ಪ್ರಪಂಚದ ಪ್ರಬುದ್ದರು,
ಊರ ಮೇಲೆ ಬಿದ್ದು ನಾರುಹಂದಿಗಳಂತೆ
ತಲೆ ಬಾಗದೆ ರಸ್ತೆಗೆ ಅಡ್ಡಲಾಗಿ ಕುಡಿದು ಬಿದ್ದಿರುವರು ಮೈಯ ಮೇಲೆ ಪ್ರಜ್ಞೆ ಇಲ್ಲದಂತೆ.
ನವ ಮಾಸಗಳೊತ್ತ ತಾಯಿ ಸೆರಗು ಹಿಡಿದು ಬದುಕಿದವರು ಇವರು ನಿದ್ದೆಯಲ್ಲಿ ಬೆಚ್ಚಿಬಿದ್ದು ಅಮ್ಮ ಭಯವೆಂದು,
ಆ ತಾಯಿಯೇ ಬೆಚ್ಚಿ ಬಿಳುವಳಿಂದು ಹತ್ತರ ಮೇಲೆ ಹೊರಗೆ ಹೋದರೆ ಯಾವ ಕುಡುಕನ ಕಣ್ಣು ಬಿಳುವುದೋ ಎಂದು.
ನಿನ್ನಲ್ಲಿನ ಅಹಂಕಾರವಿಂದು ತಾರತಮ್ಯವ ತಂದು ಒಡ್ಡಿತೆ ಹೆಣ್ಣೆಂದು ಗಂಡೆಂದು ಇಂದು,
ಮೊದಲ ಉಸಿರು ಮರೆಯದಿರು ನೀನೊಂದು ಹೆಣ್ಣೆಂದು ತದ ನಂತರ ಗಂಡಾಗಿ ಬೆಳೆದು ನಿಂತಿರಿವೆಯೆಂದು ಇಂದು.
ಸ್ವಾತಂತ್ರ್ಯ ಪುರುಷರ ಜನ್ಮಹಕ್ಕೂ ಅಲ್ಲ! ಗೃಹಬಂದನ ಹೆಣ್ಣಿನ ಜೀವನದ ಅಂಗವೂ ಅಲ್ಲ!
ಸಮಾನತ್ವ ಕೊಡಲಿಂದು ನೀನೊಂದು ದೇವರೆಂದು ನೀರಗಬೇಡ,
ನೀನು ಪಡೆದ ಈ ಜನ್ಮ ಜೀವನ ಒಂದು
ತಾಯಿ ಕೊಟ್ಟ ಭಿಕ್ಷೆ ನಿನಗೆ,
ಅವಳ ಕರುಳ ಕಿತ್ತುಕೊಂಡು ರಕ್ತದ ಮಡಿಲಲ್ಲಿ ಬಿದ್ದು ಎದ್ದು.
- ಚುಕ್ಕಿ
13 Dec 2017, 11:09 pm
Download App from Playstore: