ಚಲಿಕರು ಅಣ್ಣಾ ನಾವೇ ಚಾಲಕರು
ಚಾಲಕರು ಅಣ್ಣ ನಾವ್ ಚಾಲಕರು
ಚಲಿಕರು ಅಣ್ಣಾ ನಾವೇ ಚಾಲಕರು
ದೇಶಕಾಯೋ ಯೋಧರಂತೆ
ಅನ್ನ ನೀಡೋ ರೈತರಂತೆ
ಉಸಿರ ಉಳಿಸೊ ವೈಧ್ಯರಂತೆ
ಊರಕಾಯೋ ರಕ್ಷಕರಂತಣ್ಣ
ಚಲಿಕರು ಅಣ್ಣಾ ನಾವೇ ಚಾಲಕರು
ನಿದ್ರಿಸದ ಮಂಪರು ಕಣ್ಣಲ್ಲಿ
ಬೆಟ್ಟಗುಡ್ಡಗಳ ಕಾರ್ಯಾಚರಣೆಯ ನಡುವಲ್ಲಿ
ಶಸ್ತ್ರಾಸ್ತ್ರಗಳು ಕುಣಿಯುತಿಹ ಯುದ್ದದ ಮಡುವಲ್ಲಿ
ಮದ್ದು,ಗುಂಡುಗಳ ಸಾಗಿಸುವವರ್ಯಾರಣ್ಣಾ
ಚಲಿಕರು ಅಣ್ಣಾ ನಾವೇ ಚಾಲಕರು
ಹಿಂಧೂ,ಮುಸ್ಲೀಂ,ಕ್ರೈಸ್ತ ಯಾರದರೇನು
ಮಂದಿರ,ಮಸೀಧಿ,ಚರ್ಚಾದರೇನು
ಜಾತಿ,ಧರ್ಮದ ಹಂಗು ನಮಗಿಲ್ಲ
ಕರೆದೊಡನೆ ಬರುವೆವು, ನೆನೆದೊಡೆಗೆ ನಡೆವೆವು
ಚಲಿಕರು ಅಣ್ಣಾ ನಾವೇ ಚಾಲಕರು
ಹಬ್ಬದ ಹೊಸತನ ಸಖ ಸಂತೋಷದ ಸಡಗರ
ಅನ್ನ ನೀಡಿ ಹಾರೈಸುವವರ ಜೊತೆ
ಸಂಬಂಧದ ಬಂಧಗಳು,ನೋವು ನಲಿವುಗಳು
ದೇಶದ ನವ ಪೀಳಿಗೆಯಾ ಜೊತೆ
ದೇಶದ ಏಳಿಗೆಯಲೀ, ಕಾಯಕವೇ ಕೈಲಾಸ ನಮ ಧರ್ಮ
ಚಾಲಕರು ಅಣ್ಣಾ ನಾವೇ ಚಲಿಕರು
ಚಳಿಯಾಗಲಿ,ಮಳೆಯಾಗಲೀ,ಬಿಸಿಲೇ ಸುಡಲಿ
ಹಿಗ್ಗದೆ ಹಿಂಜರಿಯದೇ ಕುಗ್ಗದೇ ಕೂರದೇ
ಅಲ್ಲಿಂದಿಲ್ಲಿಗೆ ಇಲ್ಲಿಂದಲ್ಲಿಗೆ ಸರಪಳಿ ಕೊಂಡಿಗಳು
ನೋವಿನಲ್ಲೂ ನಲಿಸುತ, ನಲಿಯುತ ಸಾಗುವೆವು
ನಮಗಿಲ್ಲಿ ಬೆಲೆಯಿಲ್ಲ ಅದರ ಚಿಂತೆ ನಮಗಿಲ್ಲ
ಚಾಲಕರು ಅಣ್ಣ ನಾವ್ ಚಾಲಕರು
ಚಲಿಕರು ಅಣ್ಣ ನಾವೇ ಚಾಲಕರೂ.....ಚಾಲಕರೂ
- ಡಿ.ಸಿ.ಎನ್@100%
16 Dec 2017, 10:44 pm
Download App from Playstore: