ಮರೆತೇ
ಮರೆತೇ ಹೋಯ್ತು ನನ್ನ ಲವಲವಿಕೆಯ ಮಾತುಗಳು,
ಮರೆತೇ ಹೋಯ್ತು ನನ್ನ ನಗುವ ಕಾರಣಗಳು,
ಮರೆತೇ ಹೋಯ್ತು ಅಚ್ಚುಮೆಚ್ಚಿನ ಸ್ನೇಹಿತರ ಮನಸು ಮುನಿಸುಗಳು,
ಮರೆತೇ ಹೋಯ್ತು ಮನದಲ್ಲಿನ ಪದಗಳ ಕೊಯ್ಲು ಕವನಕೆ ಸೇರಿಸುವ ಪರಿ.
ಮರತೆ ಹೋಯ್ತು ಮೌನದಲ್ಲಿ ಇದ್ದ ಸೊಬಗು,
ಮರತೆ ಹೋಯ್ತು ಕನ್ನಡಿಯಲ್ಲಿ ಕಂಡ ನನ್ನ ನಗುವಿನ ಹೊನಲು,
ಮರತೆ ಹೋಯ್ತು ನಡೆದು ಬಂದ ದಾರಿಯಲ್ಲಿ ನನ್ನಿಂದೆ ಇದ್ದ ನೆರಳಿನ ಹುಡುಕಾಟ ಇಂದು.
ರೂಢಿ ಆಗಿ ಹೋಯ್ತು ನಾನಲ್ಲದ ನನ್ನ ಜೊತೆಗೆ ದಿನ ಕಳೆಯುವುದು ಪ್ರತಿನಿತ್ಯ,
ರೂಢಿ ಆಗಿ ಹೋಯ್ತು ನನ್ನ ಈ ಸ್ಥಿತಿಗೆ ತಲುಪಿಸಿದ ಪ್ರತಿಯೊಂದು ಕಣ್ಣೀರ ಹನಿಯನ್ನು ನಿಂದಿಸಿ ಅಳುವುದು ನನಗೆ.
- ಚುಕ್ಕಿ
27 Dec 2017, 10:39 am
Download App from Playstore: