ಹೃದಯ
ಹೃದಯದೂರ ಹೆಬ್ಬಾಗಿಲಲಿ
ನಿಂತ ನೋವುಗಳಿಗೆಲ್ಲ
ಬೀಳ್ಕೊಡುಗೆ ಸಮಾರಾಂಭ ಏರ್ಪಡಿಸಿದಾಗಲೆಲ್ಲ
ಅವು ಕಣ್ಣ ತುಂಬಾ ನೀರು ತುಂಬಿಕೊಂಡು
ಹೋಗುವ ಮುನ್ನ ತಿರುಗಿ ಒಮ್ಮೆ ನೋಡಿದರೆ ಸಾಕು
ಮತ್ತೆ ಶುರು ಎದೆಯೊಳಗೆ ಅವುಗಳ ಮೇಲೆ ಪ್ರೇಮದಾರಂಭ
************************************************
ಈ ಮನಸಿನ ಮನೆಯ ತುಂಬಾ
ನಿನ್ನ ಹೆಜ್ಜೆ ಗೆಜ್ಜೆ ಬಳೆ ನಗು ಇವುಗಳದೇ ಸದ್ದು
ಒಮ್ಮೆ ಅವು ಕೇಳದಂತಾದರೆ ಸಾಕು
ಈ ಹೃದಯವು ಹೊದ್ದು ಮಲಗಿ ಬಿಡುತ್ತದೆ
ನೋವಿನಲಿ ಮೂಕವಾಗಿ ಕನಸುಗಳಿರದೆ ನಿರಾಹಾರಿಯಾಗಿ
- ಶ್ರೀಕಾವ್ಯ
30 Dec 2017, 08:31 am
Download App from Playstore: