ವಧುದಕ್ಷಿಣೆ
ಸಿಂಗಾರದ ಗೊಂಬೆ ಬಂಗಾರ
ತೊಟ್ಟು ಕುಂತಿಹಳು,
ಹರೆಯದ ಹೊಸ ಮಿಂಚಲಿ
ಕಣ್ಣಂಚಿನ ಪನ್ನೀರ ಮಳೆಯಲಿ.
ಬೇಡಿ ಬಂದ ವರನ ಮನ
ಒಲಿಸಿಕೊಳ್ಳಲು ನೂರೆಂಟು ಕನಸು
ಕಾಣುತಿಹಾಳು,
ಸೆರಗಿನ ಹಿಂದೆ ಮುಂದಿನ ಜೀವನದ್ದೆ.
ಲಕ್ಷಗಟ್ಟಲೆ ಹಣವ ಪಡೆದು
ಮಾರಿಕೊಂಡರು ಮಗಳನ್ನು
ಹೆತ್ತ ತಂದೆ - ತಾಯಿ,
ಎಲ್ಲಿಲ್ಲದ ಖುಷಿಯಲ್ಲಿ ಮದುವೆ
ನಡೆಸಿದರು ಕೋಟ್ಯಾದೀಶನ ಕೈ
ಸೇರಿದಳು ತಮ್ಮ ಮುದ್ದಿನ ಮಗಳೆಂದು.
ಅದ್ದೂರಿಯಿಂದ ಮುಗಿಯಿತು
ಮದು ಮಂಗಳ ಮಂತ್ರ,
ಮೆಟ್ಟಿದಳು ಗಂಡನ ಮನೆಯ
ಹೊಸಳನ್ನು ಸರಸತಿ.
ನಿಬ್ಬೆರೇಗಾಗಿ ಕುಸಿದು ಬಿದ್ದಳು
ಅರಮನೆಯಿಂದಿರುವ ಗುಡಿಸಲು
ತಾನಿರುವ ಮನೆಯೆಂದು ತಿಳಿದು,
ಕೊಟ್ಟ ವಧುದಕ್ಷಿಣೆ ರಾಜರ ಬಳಿ
ಸಾಲವೆಂದು ಅರಿತು.
- ಚುಕ್ಕಿ
31 Dec 2017, 10:58 am
Download App from Playstore: