ಬೀಳ್ಕೊಡುಗೆ
ಮುಗಿದ ವರುಷಕೆ ಬೀಳ್ಕೊಡುಗೆ
ಮನಸಲಿ ನೆನಪುಗಳ ಮೆರವಣಿಗೆ
ಕಣ್ಣಾಮುಂದೆ ಎಲ್ಲ ಹಾದುಹೋಗೋ ಘಳಿಗೆ
ಎದೆಯೊಳಗೆ ಸಣ್ಣ ಕಂಪನ ಮೆರವಣಿಗೆಯ ಸದ್ದಿಗೆ
ಒಂದು ವರುಷ ನೂರಾರು ರಸ ನಿಮಿಷ
ದಿನವೂ ಕಷ್ಟ ಸುಖಗಳ ಜೊತೆಗಿನ ಸರಸ
ಪ್ರೀತಿ ಹಂಚಿ ಪ್ರೀತಿ ಪಡೆದ ಕ್ಷಣ ತಂದ ಹರುಷ
ಎಲ್ಲ ನೆನೆನೆನೆದು ನಗಬೇಕು ಕುಳಿತು ಒಂದು ನಿಮಿಷ
ಬದಲಾವಣೆ ಜಗದ ನಿಯಮದ ಸಾರ
ಇಳಿಸಿ ಕೂಡಿಟ್ಟ ಎಲ್ಲ ಎದೆಯ ಭಾರ
ಸಾಗಬೇಕಿದೆ ಸೇರಲು ಮುಂದಿನ ತೀರ
ಹುಡುಕುತ ಕಂಡ ಬಾಳ ಕನಸುಗಳ ವಿವರ
ಈ ವರುಷ ಸೋತಿದ್ದರೇನು ಗೆದ್ದಿದ್ದರೇನು
ಕನಸಿಗೆಲ್ಲಾದರು ಕೊನೆಯಿರುವುದೇನು
ನಗುವ ತುಂಬಿ, ಆತ್ಮಬಲವ ನಂಬಿ ದಾಟಿಬಿಡಲೆ
ಎದುರಾದರು ದಾರಿಗೆ ಸಪ್ತ ಕಡಲೆ
- ಶ್ರೀಕಾವ್ಯ
01 Jan 2018, 06:07 pm
Download App from Playstore: