ಮುಚ್ಚಿಡಲಾಗದು ನನ್ನಯ ಪ್ರೀತಿ........
ಮುಚ್ಚಿಡಲಾಗದು ನನ್ನಯ ಪ್ರೀತಿ
ಕಣ್ಣೆದುರಲಿ ನೀ ನಿಂತಾಗ
ಬಚ್ಚಿಡಬಹುದೇ ಹೃದಯದ ಆಸೆ
ಮೈಮನದಲಿ ನೀ ಕುಂತಾಗ!
ನಿನ್ನನೇ ಧ್ಯಾನಿಸಿ ಬರೆದಿಹ ಪದಗಳು
ಮೌನವಾಗಿದೆ ನನ್ನೆದೆಯೊಳಗೆ
ಸದ್ದನು ಮಾಡದೇ ಸುದ್ದಿಯ ನೀಡದೇ
ಆವರಿಸಿದೆ ನೀ ನನ್ನೊಳಗೆ!
ನಿನ್ನನು ನೋಡುವ ಕಣ್ಣುಗಳ್ಯಾಕೋ
ಅಚ್ಚರಿ ಸೂಸಿವೆ ಅರೆಕ್ಷಣದಿ
ಕಾಡುವ ಕಣ್ಣಿನ ಸೆಳತಕೆ ಸೋತು
ನನ್ನನೇ ಮರೆತೆನು ಮರುಕ್ಷಣದಿ!
ಪ್ರೀತಿಯ ತಳಮಳ ಯಾರಿಗೆ ತಿಳಿಸಲಿ
ಕನಸಲಿ ಒಪ್ಪಿಗೆ ತಿಳಿಸುವೆಯಾ
ಸುಮ್ಮನೆ ನಿಂತೆನು ನಿನ್ನಯ ಸನಿಹ
ನಗುತಲಿ ನನ್ನನು ಸ್ವೀಕರಿಸುವೆಯಾ!
- ಪ್ರಿಯಾಂಕ
02 Jan 2018, 09:56 pm
Download App from Playstore: