ಹೃದಯ ಕದ್ದ ಪೋರಿ
ಹೃದಯಕ್ಕೆ ಚೂರಿ ಹಾಕೋ ಪೋರಿ
ಏನೇ ನಿನ್ನ ಹಠ ಸುಕುಮಾರಿ,
ನಿನ್ನ ಕಣ್ಣ ಕೊಳದಲ್ಲಿ ಈಜುವಾಸೆ ವಯ್ಯಾರಿ.
ತುಟಿಗೆ ಹಚ್ಚಿದ ರಂಗು ಬಿಸಿ ಏರಿಸಿದೆ ನಂಗೂ,
ಅಂಕುಡೊಂಕು ಮೈಮಾಟ ಸೊಗಸಾದ
ಅಂಗಗಳ ಕಣ್ಣಾಮುಚ್ಚಾಲೆ ಆಟ.
ಬಿಳಿ ಕಮಲದಂತ ಪಾದದ ಓಡಾಟ,
ಜಾರಿ ಬಿದ್ದಂತಿದೆ ನನ್ನೆದೆಯ ಉಸಿರಾಟ
ನಿನ್ನ ನಗೆಯಲ್ಲಿ,
ನಿನ್ನ ನೋಡುವುದೇ ಆಗೋಯ್ತು
ನನಗೆ ಪ್ರತಿ ದಿನದ ಚಟ.
ಅಂದವ ಮುಚ್ಚಿಡುವ
ಚೆಲುವು ಚಿತ್ತಾರದ ವಸ್ತ್ರಗಳು,
ಉಡುಪಿಲ್ಲದ ಮನಸ ರಮಿಸಲು
ಹಾತೊರೆಯುತ್ತಿವೆ ನನ್ನ ಕಣ್ಣಲ್ಲಿನ
ಕನಸುಗಳ ಸಾಲುಗಳು.
ದಿಕ್ಕು ತೋಚದೆ ನನ್ನ ಹುಡುಕುತಿರುವ
ಸುಕೋಮಲ ಕೂದಲ ಪರದಾಟ,
ಕ್ಷಣಕ್ಕೊಮ್ಮೆ ಇಲ್ಲಿರುವೆನೆಂದು ಸದ್ದು
ಮಾಡುವ ಬಳೆಗಳ ಸನ್ಹೆಯಾಟ.
ಬೆರಗಾದೆ ಬೆಡಗಿ ಏನೇ ನಿನ್ನ
ಆಕರ್ಷಕ ನಡುಗೆ, ಮಾತೊಂದು ಬಾರದೆ
ಪದಗಳಲ್ಲಿ ಮಲಗಿರುವೇ ನಿನ್ನ ಅಂದವ
ಸವೆಯುತ ನೀ ಕೊಟ್ಟ ಒಲವಲ್ಲಿ ಹುಡುಗಿ.
- ಚುಕ್ಕಿ
04 Jan 2018, 07:14 pm
Download App from Playstore: