ತವರಿನ ನೆರಳು
ತವರಿನ ನೆರಳು ನನ್ನ ತಟ್ಟಿ ಎಬ್ಬಿಸಿತೆ
ಅಪ್ಪನ ಕೂಗಿನಂತೆ ಆತ್ಮೀಯತೆಯ ತುಂಬಿ,
ಭುಜಕೆ ಒರಗಿ ಕುಂತ ಕ್ಷಣದಿ ಮರೆತೆ ಒಡಲ ನೋವ
ಕಣ್ಣ ಅಂಚು ಪ್ರೀತಿಯ ಸವಿಯಲು ಆರಂಭಿಸಿದ ಜಾವ.
ನೆತ್ತಿ ಸವರಿ ಧೈರ್ಯ ತುಂಬಿದ ಕೈ
ಮಮತೆಯ ಋಣವು ಜನುಮದಲ್ಲಿ ತೀರಿಸಲು ಆಗುವುದೇ ಈ ನೊಂದ ಮನವು!
ಮರುಕಳಿಸಿ ಬರಬಾರದೆ ನಿನ್ನೊಡನೆ ನಾನಿದ್ದ ಕ್ಷಣವೂ!
ಸಿಹಿ ಇಲ್ಲದ ಸವಿಯೂಟ ಸವಿಯುತ್ತ
ನಿನ್ನ ಅಕ್ಕರೆಯ ನೋಟ
ನಾನೆಂತು ಹೇಳಲಾಗುವುದು
ಮೀರಿ ಈ ನೋವು ನಲಿವಿನ ಆಟ,
ಕಿರು ಬೆರಳ ತುದಿ ಹಿಡಿದು ನಡೆದೆನಲ್ಲಾ
ಪುಟ್ಟ ಮಗುವಾಗಿ ನಿನ್ನೊಡನೆ ಅಪ್ಪ
ಕೇಳಿಯು ಬಾರದ ನನ್ನ ಮನದ ಕೂಗು
ನಿನ್ನ ಹೃದಯದ ಬದಿಗೆ.
ತವರ ಹೆಸರು ಅಸಂಪೂರ್ಣ
ನಿನ್ನ ಮಮತೆ ಇಲ್ಲದೇನೆ,
ಕಂಡ ಕನಸ ಮನಸ ಮನನ ನಿರತ
ನಿನ್ನ ನೆನೆವ ಈ ಮನಕೆ
ನನಸಲ್ಲವೆಂದು ಹೇಗೆ ತಿಳಿಸಲಿ ನಾ.......
- ಚುಕ್ಕಿ
08 Jan 2018, 11:59 pm
Download App from Playstore: