ಅಸದಳ ಚೆಲುವು
ಬಣ್ಣಿಸಲೆಂತು ಪೆಣ್ಣೆ ನಿನ್ನಸದಳ ರೂಪವ
ಬೆಣ್ಣೆ ಮುದ್ದೆಯೊಲುವ ಅಂಗಗಳ ಚೆಲುವ
ಮೊಗ್ಗು ಹಿಗ್ಗಿ ಬಿರಿದ ಹಿರಿ ಹೂವಾದ ಹುಡುಗಿ
ಮಕರಂದ ತುಂಬಿ ತುಳುಕಿದ ಸೌಂದರ್ಯ ಬೆಡಗಿ
ಗಂಧ ತೇದು ಬಳಿದು ಬಿಳಿಯಾದ ನುಣುಪುಗೆನ್ನೆ
ಅಂದ ಮಿಯ್ದು ನೆನೆದು ನವುರಾದ ಅಗಲ ಕಣ್ಣೇ
ಅಚಾರಿಯೊಬ್ಬ ತೀಡಿ ತೀಡಿ ನುಣುಪಾಗಿಸಿದನೇ ಮೂಗ
ಸಂಚಾರ ನಿಯಮಗಳಂತೆ ಆಚೀಚೆ ಬಾಗಿರುವ ಹುಬ್ಬ
ಕೋಲ್ಜೇನು ಮೈ ಮರೆತು ನಿನ್ನ ತುಟಿಯ ಮೇಲೇ ಗೂಡು ಕಟ್ಟಿತೇನು?
ಪ್ರೇಮಿಯೊಬ್ಬನ ಅಗಮನವ ಕಂಡು ತುಟಿ ಮೇಲೆಯೇ ಜೇನ ಬಿಟ್ಟು ಹೊರಟಿತೇನು?
ವನಿತೆ ಸಿಹಿ ಪಾಕದಲ್ಲಿ ಅದ್ದಿ ತೆಗೆದ ತುಟಿ ದಳವ
ಇನಿತೆ ಮೃದು ಮುತ್ತನೊತ್ತಿ ರುಚಿ ನೋಡಲೇ ಒಲವ
ಕವಿತೆ ಬರೆಯ ಹೋದರೆ ಬಲೆಗೆ ಸಿಗದ ಪದ ಪುಂಜ
ಅಮೃತ ತುಂಬಿ ತುಳುಕಿದ ಪುಟ್ಟ ಮೊಲೆಗಳ ಕುಂಭ
ನಡು ಸಣ್ಣ ಬಾಗಿ ಬಳುಕಿದ ಬಳ್ಳಿಯಂತೆ
ಹಿಂಭಾರ ತೂಗಿ ನಡೆವೆಯಲ್ಲೇ ಮಿಂಚುಳ್ಳಿಯಂತೆ.
- ಶ್ರೀಗೋ.
15 Jan 2018, 08:30 am
Download App from Playstore: