ಭಿಕ್ಷುಕನು ನೀನು ದೇವರೇ
ಕಾಲ್ನಡಿಗೆಯಲ್ಲಿ ಸಾಗುವೆ
ಕಂಡವರಲ್ಲಿ ಬೇಡುವೆ
ದುಡಿಯುವ ವಯಸು ನನಗಿಲ್ಲ
ಸಾಯಲೆನಗೆ ಧೈರ್ಯವಿಲ್ಲ
ಬೇಡುವವರ ಬಿಟ್ಟು ಬೇಡದವರಿಗೆ
ಕೊಟ್ಟು ನನ್ನ ಮಾತ್ರ ಮರತೆಯೇ ಭಿಕ್ಷುಕನು
ನೀನು ದೇವರೇ!!
ನೂರು ವರ್ಣ ನೋಡಲಿಟ್ಟೆ
ನನ್ನ ರೂಪವೂ ಕಾಣದಂತೆ
ಕುರುಡುತನವ ಕಣ್ಣಿಗಿಟ್ಟೆ,
ಒಂದೊತ್ತು ಅನ್ನದ ತುತ್ತು ಸಿಗದೆ ಬಿಕ್ಕಿ ಅತ್ತೆ, ಹೆಚ್ಚಾದ ಅನ್ನವ ಚೆಲ್ಲಿ ಹೋಗುವ ದೊಡ್ಡವರ ದರ್ಬಾರು ನೋಡಿ ಅತ್ತೆ,
ನೀ ಕೊಟ್ಟ ಸಿರಿಯ ಕುಂತಲ್ಲೇ ಕಾಣಿಕೆಯಂತೆ ಪುಕಸಟ್ಟೆ ಪಡೆಯುವೆ ಭಿಕ್ಷುಕನು ನೀನು ದೇವರೇ!!
ಉಸಿರಾಡುವ ಪ್ರತಿಯೊಂದು ಜೀವಿಯೂ ಅಗಳು ಅನ್ನಕ್ಕಾಗಿ ಹಗಲಿರುಳು ದುಡಿವುದು,
ಬೆವರ ಹನಿಗೆ ನಿನ್ನ ರೂಪವಿಟ್ಟು ದೇವರ ಕೊಟ್ಟೆ ಪ್ರಸಾದವೆಂದು ತಿನ್ನುವುದು!!
ನೀನು ಮಾತ್ರ ಅಲುಗಾಡದೆ ನಮ್ಮ ಬೆವರ ಪಾಲು ಪಡೆಯುವೆ, ನಿಜಾವಾದ ಭಿಕ್ಷುಕನು ನಾನಲ್ಲ ಹೆಸರಿಲ್ಲದ ಭಿಕ್ಷುಕನು ನೀನು ದೇವರೇ!!
- ಚುಕ್ಕಿ
31 Jan 2018, 05:17 pm
Download App from Playstore: