ಕರಗಿದ ಕನಸು
ಕರಗಿದ ಕನಸು
ಕಲ್ಪನೆಯೆ ಬಲು ಸೊಗಸು
ಮುಳುಗಿದ ಬದುಕು
ಆಸರೆಗಾಗಿ ದಿನನಿತ್ಯ ಹುಡುಕು
ಮೂಡಳಾಗಿ ನಂಬಿದ್ದೆ
ನಿನ್ನ ನಾನಂದು
ಮೌನವಾಗಿ ಕುಳಿತೆ
ನನ್ನ ಕಂಡು ನೀನಿಂದು
ನಡೆವೆ ನಾನೆಂದು ನನ್ನ ಹಾದಿಯಲ್ಲಿ
ಎಂಬ ಹರ್ಷೋತ್ಕರ್ಷವಂದು
ಇಂದು ನಾ ಯಾರ ಹಾದಿಯಲ್ಲಿ
ಬೆಂದು ಸಾಗುತಿಹೆನೊ ತಿಳಿಯದಾಗಿದೆ ಇಂದು
ತೃಣವಾಗಿಹುದು
ಭೂಮವಾಗಿ ಗೋಚರಿಪುದು
ಗುರಿಯ ಬೆಳ್ಕಿಂಡಿಯೊಂದ
ಹರಸಿ ನಾ ಸಾಗುತಿಹೆನಿಂದು
ಶಾರಧ
- ಶಕುಂತಲಾ
01 Feb 2018, 12:41 pm
Download App from Playstore: