ಉರುಳಿಹೋದ ಆ ದಿನಗಳು
ಏನೆಂದು ನೆನೆಯಲಿ ನಾ ನಿನ್ನ
ಉರುಳಿಹೋದ ಆ ದಿನಗಳನ್ನ!
ಆನಂದದಿ ಆರಾಧಿಸಿ
ಬರಮಾಡಿದೆ ನಾ ನಿನ್ನ
ಅನುಗಾಲ ಹರಸಿ
ಬೆಳೆಸೆಂದು ನನ್ನ
ಬಣ್ಣ ಬಣ್ಣದ ಚಿತ್ತಾರ
ಮನೆಯ ಬಾಗಿಲಿಗೆ ಅಲಂಕಾರ
ಕಟ್ಟಿರುವೆ ತಳಿರು ತೋರಣ
ನೀಡಿರುವೆ ಸರ್ವರಿಗು ಆಹ್ವಾನ
ಸುಖ ದುಃಖದಿ ಸಮನಾಗಿ
ಸವಿದೆ ನನ್ನೊಡಗೂಡಿ
ಪರಿತಪಿಸಿದೆನು ಉಳಿವಿಗಾಗಿ
ಋತುಗಳೊಂದಿಗೆ ಜಗಳವಾಡಿ
ಲೋಕ ಬೆಳಗೋ ನಾಯಕರು
ಎಂದೆಂದೂ ಒಂದೇ ತೆರನಾಗಿಹರು
ಉಸಿರಾಡೋ ನರಮಾನವರು
ಗೋಸುಂಬೆಯಂತೆ ಬದಲಾಗುತಿಹರು
ಯುಗಯುಗಗಳೆ ಉರುಳಿದರು
ಮನ್ವಂತರಗಳೆ ಕಳೆದರು
ಅಂದು-ಇಂದು- ಮುಂದು
ಎಂದೆಂದು ಒಂದೇತರನಾಗಿಹುದು
ನಿಲ್ಲದ ಸಮಯ,
ಗೆಲ್ಲದ ಜೀವನ
ಏನೆಂದು ನೆನೆಯಲಿ ನಾ ನಿನ್ನ
ಉರುಳಿಹೋದ ಆ ದಿನಗಳನ್ನ!
ಶಾರಧ
- ಶಕುಂತಲಾ
01 Feb 2018, 02:20 pm
Download App from Playstore: