ಪ್ರೇಮಕವಿತೆ
ನಾನು ಓದಿರುವ ಎಲ್ಲ ಗದ್ಯ ಪದ್ಯ ಕಥೆ
ಕವನ ಕವಿತೆಗಳಲ್ಲಿ ನನಗಿಷ್ಟವಾದ ಅತ್ಯಂತ
ಸರ್ವಶ್ರೇಷ್ಠವಾದ ಸಾಲುಗಳನ್ನು ಹೆಕ್ಕಿ ಆಯ್ದು
ಜೋಡಿಸಿ ಮರುಜೋಡಿಸಿ ಪ್ರೇಮಕವಿತೆಯೊಂದನ್ನು ರಚಿಸಿ ನನ್ನವಳ ಮುಂದಿಟ್ಟೆ "ಇದೇ ನನ್ನ ಪ್ರೀತಿಯೆಂದು".
ಅಲ್ಲೇ ಇದ್ದ ಬಂಡೆಯೊಂದರ ಮೇಲೆ ಕುಳಿತು
ಓದಿ ಅರ್ಥೈಸಿ ವಿಮರ್ಶಿಸಿ ಪರಾಮರ್ಶಿಸಿ
ಸ್ವಲ್ಪ ಹೊತ್ತು ಎತ್ತಲೋ ನೋಡುತ್ತ ಮೌನದಿಂದ್ದಳು ನಂತರ ನನ್ನೆಡೆಗೆ ನೋಡುತ್ತ
ಹೀಗೆಂದಳು "ಯಾರೋ ಇನ್ನಾರಿಗೋ ಬೇಯಿಸಿದ ಮುೃಷ್ಟಾನ್ನವನ್ನು ನಿನ್ನ ಪ್ರೀತಿಯೆನ್ನುವುದು ಎಷ್ಟು ಸರಿ"
ನಾನು ಎನನ್ನೊ ಯೋಚಿಸುತ್ತ ಉತ್ತರಿಸಿದೆ
"ಈ ಪ್ರೀತಿ ಸ್ಪುರಿಸುವ ಸಾಲುಗಳು ಸಮುದ್ರ ಮಂಥನದಲ್ಲಿ ತೇಲಿ ಬಂದ ಅಮುೃತದಂತೆ
ನಮ್ಮದೆ ಕನಸುಗಳ ಕನವರಿಕೆಗಳ ಹಾಡಿನಂತೆ
ನಮ್ಮ ಹೃದಯ ಗೆದ್ದರೆ ಅವು ನಮ್ಮದೇ ಸಾಲುಗಳಲ್ಲವೆ"?
ಒಲವೇ ಸತ್ಯ ಒಲವೇ ನಿತ್ಯ
ಒಲವೇ ನಮ್ಮಯ ಜೀವನ.
- ಶಶಿಧರ ಹೆಚ್ ಎನ್
05 Feb 2018, 08:34 pm
Download App from Playstore: