ದೃಷ್ಠಿ
.
ಕಣ್ಣಲ್ಲಿ ಕಣ್ಣಿಟ್ಟು ನೋಡುವುದು ಹೇಗೆ ?
ನೋಡಿದರೆ ನನ್ನದೇ ಪ್ರತಿಬಿ೦ಬ ನೀನು
ಜಗವ ಜಯಸಿದ ನಾನು ನಿನಗೆ ಸೋಲುವೇನೆ?
ಅಪ್ಪ ಅಮ್ಮನ ಕೈ ತುತ್ತು ,ಪ್ರೀತೀಯ ಮುತ್ತುಗಳ
ಮೇಲಿನ ಹಕ್ಕಿಗೆ ಕದನ ಕಾಳಗ ಕತ್ತಿವರಸೆ
ಆಟ ಹೊಡೆದಾಟಗಳ ಕೈಚಳಕ ನೆನದರೆ
ಈಗಲೂ ಪುಳಕ ರೋಮಾಂಚನ ಮೈಮನಕೆ
ಬಾವನೆಗಳ ಝಳಕ ಹೃದಯಕೆ
ತಾಯಿಯ ಮಡಿಲು ತಂದೆಯ ಬಿಸಿಯಪ್ಪುಗೆಯ
ಸಿಕ್ಕು ಹಂಚಿಕೊಂಡವನಲ್ಲವೇ? ಸುಖದ ನಿದ್ದೆ
ಸಿಹಿ ಕನಸು ಭವ್ಯ ಭವಿತ್ವದ ವಾರಸುದಾರನಲ್ಲವೆ
ಒಡಹುಟ್ಟಿದವ
ಒಡಲ ಶಾಪಕೋ ,ಮನದ ಕೋಪಕೋ
ಕಣ್ಣೇರೋಡೆದು ಕತ್ತಲಾವರಿಸುತಿದೆ ನನಗೆ
ನಿನ್ನ ದಿವ್ಯ ಮೌನಕೆ ಪ್ರಖರ ಕಾ೦ತಿಗೆ
ನಿನ್ನ ನಿಸ್ವಾರ್ಥ ನಿಷ್ಕಲ್ಮಶ ಪ್ರೀತಿಗೆ
- ಶಶಿಧರ ಹೆಚ್ ಎನ್
09 Feb 2018, 11:17 pm
Download App from Playstore: