ಅವನು ಯಾರ
ಇಂಬು ನೀಡಿ ಮನಕ
ಸಂಭ್ರಮದ ಪ್ರೀತಿನ
ತುಂಬಿ ಹೋದ ಅವನು ಯಾರ!!
ನಿನ್ನೆ ಮೊನ್ನೆಯವರೆಗೆ
ಕೂಡಿಟ್ಟ ನನ್ನ ಕನಸ
ಹೊತ್ತು ಒಯ್ದ ಹೈದನು ಯಾರ!!
ನಾ ಮುಂದು ತಾ ಮುಂದು
ಎಂದಿದ್ದ ದಿನವಂದು
ಹಿಂದೆ ನೂಕಿದ ಬೆಳಕು ಯಾರ!!
ನನ್ನವರು ತನ್ನವರು
ಎಲ್ಲರಿಂದ ದೂರೆಳೆದು
ಒಂಟಿತನವ ತಂದೆರೆದವನು ಯಾರ!!
ಮಾತಾಡುವ ಮುನ್ನ
ಮೌನದ ಸೆರೆಯಲ್ಲಿ
ಕೂಡಿಟ್ಟು ಮರೆಯಾದವನು ಯಾರ!!
ಚೆಹರೆ ತೋರುವ ಮುನ್ನ
ಮುಸುಕ ಹೊದ್ದಿಸಿ ನನ್ನ
ಇರುಳಿಗೆ ನೂಕಿ ಹೋದವನು ಯಾರ!!
- ಪಿ.ಜಿ.ಜ್ಯೋತಿ
10 Feb 2018, 04:45 pm
Download App from Playstore: