ಕಡಲ ಮೊರೆತ
ನಿನ್ನ ನೆನಪು ಬರೀ ಕಡಲ ಮೊರೆತ..
ನನ್ನ ಉಸಿರು ನಿನ್ನೆಡೆಗೆ ಸೆಳೆತ...
ಅಮಲು ಅಮಲು ನಿನ್ನ ನಗುವು...
ಬಿಡದ ಛಲವು, ಸಿಗದ ಒಲವು...
ಯಾರಿಗುಂಟು ಯಾರಿಗಿಲ್ಲ ಒಳ್ಳೆ ಹಣೆಯ ಬರಹವು...
====================================
ನನ್ನೆದೆ ಬಡಿತ, ನಿಲ್ಲದ ತುಡಿತ...
ಅಳಿಯದ ಗಾಯ, ಬೆಂಬಿಡದ ನೋವ...
ನಿನ್ನನೇ ಹಿಂಬಾಲಿಸಿ, ನಿನ್ನನೇ ಹಿಂಬಾಲಿಸಿ ಹೋಯಿತು ಬದುಕು ಎಲ್ಲವೂ ಮಾಸಿ...
====================================
ಕಾದಿಹೆ ನಾನು, ಬಾರೆಯ ನೀನು.. ನಿನಗಾಗಿ ನಿಲ್ಲದ ನನ್ನೀ ಪಯಣ...
ನಿನ್ನನೇ ಅರಸುವ ಕಂಗಳ ಕಂಬನಿಗೆ ನೀನೇ ಕಾರಣ...
ಮರೀಚಿಕೆಯಂತೆ ಮರುಭೂಮಿಯಲಿ ನಿನ್ನಯ ಸ್ಪರ್ಶ...
ಗತಿಸಿದ ನೆನಪಿನಲಿ ಉಳಿದಿವೆ ಹರ್ಷ...
ಬಾ ನೀ ಬಾ... ನನ್ನ ಉಸಿರಲಿ ಉಸಿರಾಗು ಬಾ...
ಬಾ ನೀ ಬಾ... ನನ್ನ ಬದುಕಲಿ ಹಸಿರಾಗಿ ಬಾ...
====================================
ನಿನ್ನ ನೆನಪು ಬರೀ ಕಡಲ ಮೊರೆತ..
ನನ್ನ ಉಸಿರು ನಿನ್ನೆಡೆಗೆ ಸೆಳೆತ...
ಅಮಲು ಅಮಲು ನಿನ್ನ ನಗುವು...
ಬಿಡದ ಛಲವು, ಸಿಗದ ಒಲವು...
ಯಾರಿಗುಂಟು ಯಾರಿಗಿಲ್ಲ ಒಳ್ಳೆ ಹಣೆಯ ಬರಹವು...
- Suchithra
15 Feb 2018, 11:28 am
Download App from Playstore: