ಹೆಣ್ಣೆಂದರೆ...???

ಹೆಣ್ಣೆಂದರೆ..??
ಕರಗುವ ಮೇಣವಲ್ಲ
ಮನೆ ಬೆಳಗುವ ನಂದಾದೀಪ..

ಹೆಣ್ಣೆಂದರೆ..??
ಕಾಮದ ವಸ್ತುವಲ್ಲ
ತಾಯಿಯ ಸ್ವರೂಪ..

ಹೆಣ್ಣೆಂದರೆ..??
ಜುಜಾಡುವ ನಗದಲ್ಲ
ಜಾಜಿಮರದ ಮಲ್ಲಿಗೆ..

ಹೆಣ್ಣೆಂದರೆ..??
ದುಡಿಯುವ ಯಂತ್ರವಲ್ಲ
ದುಡಿವ ಕೈಗಳ ಬೆನ್ನೆಲುಬು..

ಹೆಣ್ಣೆಂದರೆ..??
ಕಾಲಿನ ಕಸವಲ್ಲ
ಕಣ್ಮುಂದಿರುವ ದೇವರು..

ಹೆಣ್ಣೆಂದರೆ..??
ಉಸಿರಾಡುವ ಗೊಂಬೆಯಲ್ಲ
ಉಸಿರು ನೀಡುವ ಕರುಣಾಮಹಿ..

ಹೆಣ್ಣೆಂದರೆ..??
ಮನೆಯ ದರಿದ್ರವಲ್ಲ
ದಾರಿ ತೋರುವ ದಾಕ್ಷಾಯಿಣಿ..

ಹೆಣ್ಣೆಂದರೆ..??
ಮನ ಮುರಿಯುವ ಮಾರಿಯಲ್ಲ
ಬಾಳಿಗೊಂದು ಅರ್ಥ ನೀಡುವ ವಯ್ಯಾರಿ..

ಹೆಣ್ಣೆಂದರೆ..??
ಕಚ್ಚಿದಷ್ಟು ನೋವಾಗುವ ಜೇನು ಹುಳುವಲ್ಲ
ಮುಗ್ಧ ಮನಸಿನ ಕಾಮಧೇನು..
:::: ಕೆ.ಜೆ.ಎಸ್.ಗೌಡ್ರು.ಹುಣಸೂರು.

- shasi kumar

17 Feb 2018, 10:26 am

---

Download App from Playstore: