ಕಸದ ರಾಶಿಯ ನಡುವೆ
ಕಸದ ರಾಶಿಯಯ ನಡುವೆ
ಅಳುವ ಶಿಶುವನು ಕಂಡೆ!!
ಹೆತ್ತವರು ಯಾರೆಂದು
ತಿಳಿಯದೇ ನಾ ನೊಂದೆ!!
ಉರಿಬಿಸಿಲ ಮಧ್ಯಾಹ್ನ
ಸುಡುವ ಸೂರ್ಯನ ಶಾಖ!!
ಏನೂ ಅರಿಯದ ಶಿಶುವು
ಬಳಲಿ ಬಸವಳಿದಿಹುದು!!
ಸುತ್ತಲೂ ಹತ್ತಾರು
ಬೀದಿ ನಾಯಿಯ ಕಾಟ!!
ರಕ್ಷಿಸಲು ಮುಂದಾಗಿ
ಬಾರದಿರುವವರ ಓಟ!!
ಏನೂ ಅರಿಯದ ಕಂದ
ಅಳುತಿರಲು ನಾ ನೊಂದೆ!!
ಕಂಬನಿಯ ಮಿಡಿಯುತಲಿ
ಅದರೆಡೆಗೆ ನಾ ಬಂದೆ!!
ಅಂಗೈಯ ಚಾಚಿದೊಡೆ
ಬೆರಳ ಹಿಡಿಯಿತು ಶಿಶುವು!!
ಅಳುವ ನಿಲ್ಲಿಸಿ ತಾನೇ
ಭರವಸೆಯ ನಗು ಚೆಲ್ಲಿ!!
ಅದನೊಮ್ಮೆ ನಾ ಎತ್ತಿ
ಎದೆಗಪ್ಪಿ ಮುದ್ದಿಸಿದೆ!!
ಜೊತೆಯಾಯಿತು ಆ ಕಂದ
ನನ್ನ ಬದುಕಿನ ನಗುವಾಗಿ!!
- ಪಿ.ಜಿ.ಜ್ಯೋತಿ
17 Mar 2018, 07:00 pm
Download App from Playstore: