ಹರುಷದ ಯುಗಾದಿ...
ಯುಗಗಳೇ ಸಾಗಲಿ ಯುಗಯುಗಗಳೇ ಸಾಗಲಿ
ಮತ್ತೆ ಮತ್ತೆ ಬರಲಿ ಈ ಯುಗಾದಿ..
ಪ್ರೀತಿ-ಪ್ರೇಮ, ಸ್ನೇಹ ಸಂಬಂಧ
ಇರಲಿ ಶಾಶ್ವತ ನಮ್ಮೀ ಅನುಬಂಧ
ಬೇವು ಬೆಲ್ಲವ ಹಂಚಿ ತಿಂದು
ನೋವ ಮರೆಯುವ ನಗುವಿನಿಂದ!
ಪ್ರತಿ ನಿಮಿಷವು ಹೊಸವರುಷವು
ಸೇರಿ ಎಲ್ಲಾ ಕುಣಿಯೋಣ
ಕೋಪ-ದ್ವೇಷ, ನೋವು-ಜಗಳ
ಮರೆತು ಮನ್ನಿಸಿ ಬಾಳೋಣ!
ಬಾಳ ನೌಕೆಯು ಸಾಗಲಿ ಹರುಷದಿ
ಆ ದೇವರು ನಡೆಸಿದ ಹಾದಿಯಲಿ
ಇರುವವರೆಗೂ ಜೊತೆಯಾಗಿ ಬಾಳಿ
ಮತ್ತೆ ಹುಟ್ಟುವ ಈ ಇಳೆಯಲಿ!
(ಎಲ್ಲರಿಗೂ ಯುಗಾದಿ ಹಬ್ಬದ ಶುಭಾಶಯಗಳು
- ಪ್ರಿಯಾಂಕ
18 Mar 2018, 09:48 am
Download App from Playstore: