ಮೋಜಿನ ಆಟ
ಕವಿತೆಯೊಂದು ಮೋಜಿನ ಆಟ
ಬರೆಯಲು ನಡೆಸಬೇಕು ಪದಗಳ ಹುಡುಕಾಟ.
ಹೇಗೆ ಹುಟ್ಟು ಹಾಕಲಿ ನಾ ಕವಿತೆಯ ಸಾಲೊಂದ,
ಯೋಚಿಸಿ-ಯೋಚಿಸಿ ಸೋತು ಹೋದೆ ನಾ.
ಹೋಗಿ ಹುಡುಕಲೇ ಪದಗಳ ಪುಸ್ತಕದಂಗಡಿಯಲಿ,
ಅಲ್ಲಾದರು ಸಿಗಬಹುದೇನೋ ಒಂದು ಹೊಸ ಪದದ ನಿರೀಕ್ಷೆಯಲಿ.
ಮನಸಲಿ ಮೂಡುತಿವೆ ಹಳೆಯ ಪದಗಳ ನೆನಪು,
ಆದರೆ ನನಗೆ ಹೊಸ ಪದಗಳ ಹುಡುಕುವ ಹುರುಪು.
ಯಾರಿಗೆ ಕೇಳಲಿ ನಾ ಹೊಸ ಪದಗಳ ಭಂಡಾರ,
ಹೊಸ ಪದಗಳ ಸೃಷ್ಟಿಸದ ನನ್ನ ಬಗ್ಗೆಯೇ ಇರಲಿ ಧಿಕ್ಕಾರ.
ಹೇಗೆ ಬರೆಯಲಿ ನಾ ಹೊಸದೊಂದು ಕವನ,
ನನ್ನ ಮನವು ಮಾಡುತ್ತಲೇ ಇದೆ ಹೊಸ ಪದಗಳ ಧ್ಯಾನ.
ಕೊನೆಗೂ ಸಿಕ್ಕಿತೊಂದು ಹೊಸ ಪದ,
ಜೋಡಿಸುತಲಿ ಬರೆದೆ ಹೊಸ ಕವನ ಸಾಲೊಂದ.
ಯಾಕೋ ಗೊತ್ತಿಲ್ಲ ನನ್ನ ಲೇಖನಿಗೆ ಏರುತಿದೆ ಮದ,
ಮರೆತು ಹೋಗುತಿದೆ ಬಂದ ಒಂದು ಹೊಸ ಪದ.
-ಉಮೇಶ್.
- Umesh
28 Mar 2018, 10:13 pm
Download App from Playstore: