ಮುಂಜಾನೆ
ಮುಂಜಾನೆ ರಂಗೇರೊ ಬಾನ
ನೋಡಿ ಪಿಳ್ಳೆ ಹಾಡೈತೆ ಗಾನ
ಎತ್ತಲೊ ಸರಿಸಿ ಬೆಳ್ಳಿ ಚಂದಿರಾನ
ಅವರಸದಾಗ ನೇಸರ ಬರುತಿರುವಾನ
ಹಾರಾಡಿ ಹಾಡ್ಯಾವ ಬಾನಾಡಿ
ನಲಿಯಾಕ ತನ್ನವರ ಒಡಗೂಡಿ
ಕತ್ತಲಾಗ ಅಳ್ತಿದ್ದ ಹೂವು ಮುದುಡಿ
ಕಿಲಕಿಲ ನಕ್ಕೈತೆ ಸುಗಂಧಾವ ಹರಡಿ
ಮಂಜಿನ್ ಹನಿ ಹನಿಯ ಮಾಲೆ
ಎಲ್ಲೆಲ್ಲೂ ಚೆಲ್ಲೈತೆ ಎಲೆ ಮ್ಯಾಲೆ
ಕಾದು ಕುಂತವ್ನೆ ಬಿಸಿಲ ಜವರಾಯ
ಹೊತ್ತೋಗಲು ಎಲೆಮ್ಯಾಗಲ ಹನಿಯ
ಹೊಂಬಣ್ಣ ರವಿ ಕಿರಣಗಳ ರಾಶಿ
ಚುಂಬಿಸ್ಯಾವ ಭುವಿಯ ರಮಿಸಿ
ಇರುಳು ತಂದ ವಿರಹ ಮರೆಸಿ
ಅಪ್ಪಿ ಮುದ್ದಿಸಿ ಅವಳ ಪ್ರೇಮಿಸಿ
- ಶ್ರೀಕಾವ್ಯ
17 May 2018, 07:21 pm
Download App from Playstore: