ಮಳೆ
ದಿಗಂತಕ್ಕೂ ದಿಗಿಲಾಯಿತೇನೋ
ಭುವಿಯಲ್ಲಿನ ದುರ್ಜನರ
ಕಂಡು, ಅಮ್ಮನ ಬೆನ್ನಹಿಂದ ಬಚ್ಚಿಟ್ಟುಕೊಳ್ಳಲೆಂದು ಬಿಕ್ಕಿ ಬಿಕ್ಕಿ ಅಳುತ್ತಿದೆ ನನ್ನ ಕಣ್ಣ ಆಸರೆ ಕೊಡುವೆ ಬಂದು ಸೆರೆ
ಮಳೆಹನಿಯೇ ನನಗೆ ಮನೆ ಇಲ್ಲದಿದ್ದರೂ!!
ಯಾವ ಮರದ ಮುದ್ದು ಎಲೆಯೋ ಒಂದಿನಿತು ಅಡ್ಡಿಯಾಗಿ ನನ್ನ ರಕ್ಷಿಸುತ್ತಿದೆ,
ನಿನ್ನ ಕಣ್ಣ ತಂಪಿನಿಂದ.
ಯಾರು ನಿರ್ಮಿಸಿದ ರೈಲು ಹಳಿಯೋ ದಣಿದ
ಒಡಲ ಭಾರಕೆ ಕಿಂಚಿತ್ತೂ ಅಲುಗಾಡದೆ ಮುಖಭಾವಗಳಿಲ್ಲದೆ ಮಂಕಾಗಿ ನಿಂತಿದೆ.
ಖರ್ಚಾಗದ ಮೌನ ಮಾತಿಗೆ ಬೆಲೆ ಕೇಳುವುದೆಂದು
ಮೌನಿಯಾಗಿರುವೆ ಇವೆಲ್ಲವೂ ನಿನಗೆ
ನೇರವಾಗಿ ತಿಳಿಸದೆ ಬೆಂದ ಬಡಪಾಯಿಯ ನೊಂದ ಕಣ್ಣುಗಳ ನೋಡಿ ತಿಳಿಯೇ ಆಗಸವೆ
ನಿನಗಿಂದು ನನ್ನಯ ಸಣ್ಣ ಮನವಿ!!
- ಚುಕ್ಕಿ
29 May 2018, 08:34 pm
Download App from Playstore: